*ਮਿਲੇ ਪਿਆਰ ਤੇ ਸਤਿਕਾਰ ਲਈ ਮੇਰਾ ਰੋਮ ਰੋਮ ਰਿਣੀ ਰਹੇਗਾ :  ਦਸੂਹਾ*

ਗੜ੍ਹਦੀਵਾਲਾ 24 ਜਨਵਰੀ (ਚੌਧਰੀ) : ਮਨਜੀਤ ਦਸੂਹਾ ਦੀ ਹਲਕਾ ਟਾਂਡਾ ਵਿੱਚ ਚੋਣ ਮੁਹਿੰਮ ਨੂੰ ਉਸ ਵਖਤ ਵੱਡਾ ਹੁੰਗਾਰਾ ਮਿਲਿਆ ਜਦੋਂ ਪਿੰਡ ਸਰਹਾਲਾ ਦੇ ਅਨੇਕਾਂ ਪਰਿਵਾਰ ਦਸੂਹਾ ਦੀ ਚੋਣ ਮੁਹਿੰਮ ਵਿੱਚ ਇਕਜੁੱਟ ਹੋ ਕੇ ਅੱਗੇ ਆਏ। ਇਸ ਮੌਕੇ ਸਰਦਾਰ ਮਨਜੀਤ ਸਿੰਘ ਦਸੂਹਾ ਨੇ ਹੱਕ ਵਿੱਚ ਉੱਤਰੇ ਬਜ਼ੁਰਗ, ਨੌਜਵਾਨਾਂ ਦਾ ਸਮਰਥਨ ਕਬੂਲਦਿਆ ਕਿਹਾ ਕਿ ਉਹਨਾਂ ਦਾ ਰੋਮ ਰੋਮ ਰਿਣੀ ਰਹੇਗਾ ਅਤੇ ਅਤੇ ਪਾਰਟੀ ਵਿੱਚ ਬਣਦਾ ਮਾਣ ਸਤਿਕਾਰ ਮਿਲੇਗਾ। ਇਸ ਮੌਕੇ ਸਮਰਥਨ ਵਿੱਚ ਉੱਤਰੇ ਪਿੰਡ ਵਾਸੀਆਂ ਨੇ ਯਕੀਨ ਦਵਾਇਆ ਕੇ ਉਹ ਦਸੂਹਾ ਸਾਬ ਵੱਲੋਂ ਚਲਾਏ ਲੋਕ ਭਲਾਈ ਕਾਰਜਾਂ ਤੋਂ ਖੁਸ਼ ਹੋ ਕੇ ਪਾਰਟੀਬਾਜ਼ੀ ਤੋਂ ਉੱਤੇ ਉੱਠ ਕੇ ਅੱਗੇ ਆਏ ਹਨ ਅਤੇ ਉਹ ਦਸੂਹਾ ਸਾਬ ਦੀ ਚੋਣ ਮੁਹਿੰਮ ਵਿੱਚ ਵੱਧ ਚੜ੍ਹ ਕੇ ਹਿੱਸਾ ਪਾਉਣਗੇ। ਇਸ ਮੌਕੇ ਮਨਜੀਤ ਸਿੰਘ ਦਸੂਹਾ ਨੇ ਕਿਹਾ ਕਿ ਉਹ ਪਿੰਡ ਵਾਸੀਆਂ ਦਾ ਆਸ ਤੇ ਵਿਸ਼ਵਾਸ ਕਦੇ ਵੀ ਟੁੱਟਣ ਨਹੀਂ ਦੇਣਗੇ ਤੇ ਹਰ ਤਰ੍ਹਾ ਦਾ ਸਹਿਯੋਗ ਦੇਣਗੇ। ਇਸ ਮੌਕੇ ਸਰਪੰਚ ਸੁਖਦੇਵ ਸਿੰਘ, ਪੰਚ ਗੁਰਪ੍ਰੀਤ ਸਿੰਘ, ਮਨਜੀਤ ਕੌਰ, ਜਗੀਰ ਸਿੰਘ, ਬਲਵਿੰਦਰ ਸਿੰਘ, ਇੰਦਰਜੀਤ ਸਿੰਘ, ਸਤਪਾਲ ਸਿੰਘ, ਪਰਮਿੰਦਰ ਕੌਰ, ਸੇਵਾ ਸਿੰਘ, ਰੂਬਲ, ਗੁਰਬਚਨ ਸਿੰਘ, ਅਮਰਿੰਦਰ ਸਿੰਘ ਚੀਮਾ ਆਦਿ ਤੋਂ ਇਲਾਵਾ ਵੱਡੀ ਗਿਣਤੀ ਵਿੱਚ ਪਿੰਡ ਵਾਸੀ ਹਾਜ਼ਰ ਸਨ।