ਜਲੰਧਰ (  PPT NEWS ) 

9 ਜੂਨ : ਜਾਇੰਟ ਐਕਸ਼ਨ ਕਮੇਟੀ ਦੇ ਸੱਦੇ ਤੇ ਆਨਲਾਈਨ ਪੋਰਟਲ ਦੇ ਵਿਰੋਧ ਵਿੱਚ ਦਿੱਤਾ ਜਾ ਰਿਹਾ ਧਰਨਾ ਅੱਜ ਤੀਜੇ ਦਿਨ ਵਿਚ ਦਾਖਲ ਹੋ ਗਿਆ । ਡੀ.ਸੀ.ਦਫਤਰ ਜਲੰਧਰ ਦੇ ਅੱਗੇ ਲਗਾਏ ਜਾ ਰਹੇ ਇਸ ਧਰਨੇ ‘ਚ ਅੱਜ ਪੀ.ਸੀ.ਸੀ.ਟੀ.ਯੂ. ਦੀ ਹੁਸ਼ਿਆਰਪੁਰ ਜਿਲ੍ਹਾ ਇਕਾਈ ਦੇ ਮੈਂਬਰ ਡਾ.ਭਾਨੂ ਗੁਪਤਾ ਸਟੇਟ ਐਗਜੀਕਿਊਟਿਵ ਮੈਂਬਰ,ਡਾ. ਗੋਪੀ ਸ਼ਰਮਾ, ਡਾ ਅਮਿਤ ਸ਼ਰਮਾ,ਡਾ. ਮੁਖਤਾਰ ਸਿੰਘ, ਭੁੱਖ ਹੜਤਾਲ ਤੇ ਬੈਠੇ । ਧਰਨੇ ਨੂੰ ਸੰਬੋਧਨ ਕਰਦਿਆਂ ਪੀ.ਸੀ.ਸੀ.ਟੀ.ਯੂ. ਦੇ ਉਪ ਪ੍ਰਧਾਨ ਜਗਦੀਪ ਕੁਮਾਰ ਨੇ ਕਿਹਾ ਕਿ ਸਰਕਾਰ ਨੂੰ ਆਨਲਾਈਨ ਪੋਰਟਲ ਦੇ ਦਾਖਲੇ ਦਾ ਫੈਸਲਾ ਵਾਪਸ ਲੈਣਾ ਪਵੇਗਾ ਅਤੇ ਨਾਲ ਹੀ ਸਾਰੀਆਂ ਪੋਸਟਾਂ ਨੂੰ 95% ਗ੍ਰਾਂਟ ਦੇ ਅਧੀਨ ਕਰਨਾ ਪਵੇਗਾ ਅਤੇ ਉਨ੍ਹਾਂ ਮੰਗ ਕੀਤੀ ਕਿ ਜੇਕਰ ਆਨਲਾਈਨ ਪੋਰਟਲ ਤੇ ਦਾਖਲੇ ਕਰਨੇ ਹੀ ਹਨ ਤਾਂ ਰਾਜ ਦੀਆਂ ਪ੍ਰਾਈਵੇਟ ਯੂਨਿਵਰਸਿਟੀਆਂ ਵੀ ਇਸਦੇ ਘੇਰੇ ਚ ਲਿਆਦੀਆਂ ਜਾਣ ਤੇ ਉਚੇਰੀ ਸਿੱਖਿਆ ਲਈ ਰੈਗੂਲੇਟਰੀ ਅਥਾਰਟੀ ਬਣਾਈ ਜਾਵੇ । ਇਸ ਮੌਕੇ ਡਾ.ਸੰਜੀਵ ਧਵਨ,ਡਾ.ਨਿਸਚੇ ਬਹਿਲ,ਪ੍ਰੋ. ਐਸ. ਕੇ ਤੁਲੀ,ਡਾ.ਸੁਮਿਤ ਸ਼ਰਮਾ,ਪ੍ਰੋ.ਸੋਨੀਆ ਕਾਲੜਾ ਅਤੇ ਪ੍ਰੋ.ਆਰਤੀ ਬਹਿਲ ਆਦਿ ਹਾਜ਼ਰ ਸਨ । ਇਸ ਮੌਕੇ ਸਾਰੇ ਮੈਂਬਰਾਂ ਨੇ ਭਗਵੰਤ ਮਾਨ ਸਰਕਾਰ ਖਿਲਾਫ ਜੋਰਦਾਰ ਨਾਹਰੇਬਾਜ਼ੀ ਕੀਤੀ ਅਤੇ ਸੰਘਰਸ਼ ਨੂੰ ਹੋਰ ਤਿੱਖਾ ਕਰਨ ਦੀ ਚੇਤਾਵਨੀ ਦਿੱਤੀ।