3 ਅਕਤੂਬਰ : ਸੰਯੁਕਤ ਮੋਰਚੇ ਦੇ ਸੱਦੇ ਤੇ ਅੱਜ ਕੁੱਲ ਹਿੰਦ ਕਿਸਾਨ ਸਭਾ ਵੱਲੋਂ ਦਸੂਹਾ,ਹਾਜੀਪੁਰ ਚੌਕ ਵਿਖੇ ਮੋਦੀ ਦਾ ਪੁਤਲਾ ਫੂਕਿਆ ਗਿਆ। ਪੁਤਲਾ ਫੂਕਣ ਤੋਂ ਪਹਿਲਾਂ ਕਿਸਾਨ ਆਗੂ ਚੈਂਚਲ ਸਿੰਘ ਪੰਮਾ,ਰਣਜੀਤ ਸਿੰਘ ਚੌਹਾਨ,ਹਰਬੰਸ ਸਿੰਘ ਧੂਤ ਨੇ ਬੋਲਦਿਆਂ ਕਿਹਾ ਲਖੀਮਪੁਰ ਖੀਰੀ ਦੇ ਕਾਤਲਾਂ ਨੂੰ   ਗ੍ਰਿਫ਼ਤਾਰ ਕਰਕੇ  ਸਲਾਖਾਂ ਪਿੱਛੇ ਡੱਕਿਆ ਜਾਵੇ।ਕੇਂਦਰੀ ਗ੍ਰਹਿ ਰਾਜ ਮੰਤਰੀ ਅਜੈ ਮਿਸ਼ਰਾ ਟੈਨੀ ਨੂੰ ਮੰਤਰੀ ਮੰਡਲ ਚੋਂ ਬਰਖਾਸਤ ਕੀਤਾ ਜਾਵੇ,ਤੇ ਉਸਦੇ ਲੜਕੇ ਅਸ਼ੀਸ਼ ਮਿਸ਼ਰਾ ਜਿਸ ਨੇ ਕਿਸਾਨਾਂ ਤੇ ਸ਼ਰ੍ਹੇਆਮ ਗੁੰਡਾਗਰਦੀ ਕਰਕੇ ਅਮਨ ਪੂਰਵਕ ਚੱਲ ਰਹੇ ਕਿਸਾਨਾਂ ਤੇ ਗੱਡੀਆਂ ਚੜ੍ਹਾਅ ਦਿੱਤੀਆਂ ਉਨ੍ਹਾਂ ਨੂੰ ਸਖ਼ਤ ਸਜ਼ਾਵਾਂ ਦਿੱਤੀਆਂ ਜਾਣ ।ਮੋਦੀ ਦਾ ਪੁਤਲਾ ਫੂਕਣ ਤੋਂ  ਪਹਿਲਾਂ ਜੰਮ ਕੇ ਮੋਦੀ ਸਰਕਾਰ ਮੁਰਦਾਬਾਦ ਦੇ ਨਾਅਰੇ ਲਗਾਏ ਗਏ । ਅੱਜ ਦੇ ਇਸ ਅਰਥੀ ਫੂਕ ਮੁਜ਼ਾਹਰੇ ਵਿਚ ਚਰਨਜੀਤ ਸਿੰਘ ਤੋਏ, ਗੁਰਜਿੰਦਰ ਸਿੰਘ ,ਰਘਵੀਰ ਸਿੰਘ ਤੋਏ, ਜੋਗਿੰਦਰਪਾਲ ਗੜਦੀਵਾਲਾ, ਪੁਨੀਤ ਸਿੰਘ ਦਸੂਹਾ, ਹਰਪਾਲ ਸਿੰਘ ਸਾਹੂ ਦਾ ਪਿੰਡ, ਰਸ਼ਪਾਲ ਸਿੰਘ ਪੰਨਵਾਂ, ਹਰਦੀਪ ਸਿੰਘ, ਲਵਦੀਪ ਸਿੰਘ ਛੰਨੀਆਂ ਕਰਨੈਲ ਸਿੰਘ  ਆਦਿ ਹਾਜ਼ਰ ਸਨ।