ਡਾਕ ਮਹਿਕਮੇ ਵੱਲੋਂ ਖੋਲ੍ਹਿਆ ਗਿਆ ਨਵਾਂ ਉਪ ਡਾਕਘਰ

ਗੁਰਦਾਸਪੁਰ(ਅਸ਼ਵਨੀ) : ਡਾਕ ਮਹਿਕਮੇ ਵੱਲੋਂ ਲੋਕਾਂ ਦੀ ਸੁਵਿਧਾ ਲਈ ਇੱਥੋਂ ਦੀ ਕਲਾਨੌਰ ਰੋਡ ਤੇ ਇੱਕ ਨਵਾਂ ਉਪ ਡਾਕਖ਼ਾਨਾ ਖੋਲ੍ਹਿਆ ਗਿਆ ਹੈ । ਇਸ ਡਾਕਖ਼ਾਨੇ ਦਾ ਉਦਘਾਟਨ ਡਾਕ ਮਹਿਕਮੇ ਦੇ ਗੁਰਦਾਸਪੁਰ ਮੰਡਲ ਦੇ ਸੁਪਰਡੈਂਟ ਮਹੇਸ਼ ਚੰਦਰ ਮੀਨਾ ਵੱਲੋਂ ਕੀਤਾ ਗਿਆ । ਉਨ੍ਹਾਂ ਦੱਸਿਆ ਕਿ ਇਸ ਸਮੇਂ ਗੁਰਦਾਸਪੁਰ ਵਿੱਚ ਦੋ ਡਾਕਖ਼ਾਨੇ ਸਨ ਅਤੇ ਗਾਹਕਾਂ ਨੂੰ ਲੰਬੀ ਲਾਈਨ ਵਿੱਚ ਲੱਗੇ ਕੇ ਪਰੇਸ਼ਾਨੀ ਝੱਲਣੀ ਪੈਂਦੀ ਸੀ । ਗੁਰਦਾਸਪੁਰ ਸ਼ਹਿਰ ਅਤੇ ਨੇੜਲੇ ਖੇਤਰਾਂ ਦੇ ਲੋਕਾਂ ਨੂੰ ਸੁਵਿਧਾ ਦੇ ਮੱਦੇਨਜ਼ਰ ਉਕਤ ਨਵਾਂ ਉਪ ਡਾਕਘਰ ਖੋਲ੍ਹਿਆ ਗਿਆ ਹੈ ਕਿਉਂਕਿ ਇਸ ਖੇਤਰ ਤੋਂ 26 ਕਿੱਲੋਮੀਟਰ ਦੀ ਦੂਰੀ ਤੱਕ ਕੋਈ ਹੋਰ ਡਾਕਖ਼ਾਨਾ ਨਹੀਂ ਹੈ । ਉਨ੍ਹਾਂ ਦੱਸਿਆ ਕਿ ਇਸ ਡਾਕਘਰ ਵਿੱਚ ਸਪੀਡ ਪੋਸਟ, ਅੰਤਰਰਾਸ਼ਟਰੀ ਸਪੀਡ ਪੋਸਟ, ਰਜਿਸਟਰਡ ਡਾਕ, ਮਨੀਆਰਡਰ, ਵੈਸਟਰਨ ਯੂਨੀਅਨ, ਬੱਚਤ ਯੋਜਨਾਵਾਂ, ਇੰਡੀਆ ਪੋਸਟ ਪੇਮੈਂਟ ਬੈਂਕ, ਡਾਕ ਜੀਵਨ ਬੀਮਾ ਅਤੇ ਗੰਗਾ ਜਲ ਦੀ ਵਿੱਕਰੀ ਦੀਆਂ ਸੁਵਿਧਾਵਾਂ ਮਿਲਣਗੀਆਂ । ਇਸ ਮੌਕੇ ਐੱਸਆਈਡੀ ਇਕਬਾਲ ਸਿੰਘ, ਆਈਪੀ (ਕੋਰਟ) ਗੌਰਵ ਕੋਹਲੀ, ਦਫ਼ਤਰ ਨਿਗਰਾਨ ਨਰਿੰਦਰ ਕੁਮਾਰ, ਮਨਜਿੰਦਰ ਸਿੰਘ, ਕੁਲਦੀਪ ਸਿੰਘ, ਸ਼੍ਰੀਮਤੀ ਕੁਲਵਿੰਦਰ ਕੌਰ, ਸ਼੍ਰੀਮਤੀ ਆਂਚਲ ਸ਼ਰਮਾ, ਸ਼੍ਰੀਮਤੀ ਸਰਿਸ਼ਟਾ ਰਾਣੀ, ਸ਼੍ਰੀਮਤੀ ਅਰੁਣਾ ਗੁਪਤਾ ਅਤੇ ਹੋਰ ਡਾਕ ਕਰਮਚਾਰੀ ਮੌਜੂਦ ਸਨ ।
ਕੈਪਸ਼ਨ : ਉਪ ਡਾਕਘਰ ਦਾ ਉਦਘਾਟਨ ਕਰਦੇ ਸੁਪਰਡੈਂਟ ਮਹੇਸ਼ ਚੰਦਰ ਮੀਨਾ ।