ਬਟਾਲਾ  (ਅਵਿਨਾਸ਼ ਸ਼ਰਮਾ)

ਹੁਣ ਨੱਕ,ਕੱਨ ਅਤੇ ਗਲੇ ਦੇ ਮਰੀਜ਼ਾਂ ਨੂੰ ਬਾਹਰ ਹਸਪਤਾਲਾਂ ਵਿਚ ਰੈਫਰ ਨਹੀਂ ਕਰਨਾ ਪਵੇਗਾ:-SMO ਡਾ ਰਵਿੰਦਰ ਸਿੰਘ

24 ਜਨਵਰੀ : ਅੱਜ ਸੀਨੀਅਰ ਮੈਡੀਕਲ ਅਫਸਰ ਡਾ.ਰਵਿੰਦਰ ਸਿੰਘ ਨੇ ਲਿਖਤੀ ਪ੍ਰੈਸ ਨੋਟ ਰਾਂਹੀ ਜਾਣਕਾਰੀ ਦਿੱਤੀ ਕਿ ਸਿਵਲ ਹਸਪਤਾਲ ਬਟਾਲਾ ਵਿਖੇ ਬਟਾਲਾ ਹਲਕੇ ਦੇ ਹਰਮਨ ਪਿਆਰੇ ਨੇਤਾ ਅਤੇ ਮੌਜੂਦਾ ਵਿਧਾਇਕ ਅਮਨਸੇਂਰ ਸਿੰਘ ਕਲਸੀ ਵੱਲੋਂ ਸਿਵਲ ਹਸਪਤਾਲ ਬਟਾਲਾ ਵਿੱਚ ਹੋਰ ਸਟਾਫ ਮੁਹੱਇਆ ਕਰਵਾਉਣ ਦੇ ਯਤਨਾਂ ਨੂੰ ਹੋਰ ਬੂਰ ਪਿਆ ਜਦ ਕੰਨ, ਨੱਕ, ਗਲੇ ਦੇ ਮਾਹਿਰ ਡਾ. ਕਮਲਜੀਤ ਕੌਰ ਨੇ ਡਿਊਟੀ ਜੁਆਇੰਨ ਕੀਤੀ । ਉਹ ਕਮਰਾ ਨੰਬਰ 10 ਵਿੱਚ ਕੰਨ, ਨੱਕ, ਗਲੇ ਦੇ ਮਰੀਜ਼ਾਂ ਦਾ ਚੈਕਅੱਪ ਕਰਨਗੇ । ਡਾ ਰਵਿੰਦਰ ਸਿੰਘ ਨੇ ਦੱਸਿਆ ਕਿ ਕੁਝ ਦਿਨ ਪਹਿਲਾਂ ਹੀ ਦਿਮਾਗੀ ਰੋਗਾ ਦੇ ਮਾਹਿਰ ਡਾ.ਮੈਤਰੀ ਨੇ ਸਿਵਲ ਹਸਪਤਾਲ ਬਟਾਲਾ ਵਿਖੇ ਜੁਆਇਨ ਕੀਤਾ ਸੀ ਅਤੇ ਉਮੀਦ ਹੈ ਕਿ ਕੁਝ ਦਿਨਾ ਤੱਕ ਅੱਖਾਂ ਦੇ ਮਾਹਿਰ ਅਤੇ ਗਾਇਨੀ ਦੇ ਮਾਹਿਰ ਡਾਕਟਰ ਜੁਆਇੰਨ ਕਰ ਸਕਦੇ ਹਨ। ਹੁਣ ਕੰਨ, ਨੱਕ ਗਲੇ ਦੇ ਮਰੀਜਾਂ ਨੂੰ ਗੁਰਦਾਸਪੁਰ ਜਾਂ ਅੰਮ੍ਰਿਤਸਰ ਰੈਫਰ ਕਰਨ ਦੀ ‘ ਜਰੂਰਤ ਨਹੀਂ ਪਵੇਗੀ । ਡਾ.ਰਵਿੰਦਰ ਸਿੰਘ ਨੇ ਹਲਕੇ ਵਿਧਾਇਕ ਤੋਂ ਉਮੀਦ ਕੀਤੀ ਕਿ ਉਹ ਇਸੇ ਤਰ੍ਹਾਂ ਬਟਾਲਾ ਨਿਵਾਸੀਆਂ ਲਈ ਸਿਹਤ ਸਹੂਲਤਾਂ ਨੂੰ ਹੋਰ ਵਧੀਆਂ ਬਣਾਉਣ ਲਈ ਉਪਰਾਲੇ ਜਾਰੀ ਰਖਣਗੇ।