ਗੜਦੀਵਾਲਾ 26 ਮਈ (ਚੌਧਰੀ /ਯੋਗੇਸ਼ ਗੁਪਤਾ / ਕਮਲਜੀਤ ਭਟੋਆ ) : ਕੰਢੀ ਨਹਿਰ ਜੋ ਤਲਵਾੜੇ ਤੋਂ ਬਲਾਚੌਰ ਤੱਕ ਕੰਕਰੀਟ ਨਾਲ ਪੱਕੀ ਕੀਤੀ ਜਾ ਰਹੀ ਹੈ। ਇਲਾਕੇ ਦੇ ਕਿਸਾਨ ਮੰਗ ਕਰ ਰਹੇ ਹਨ ਨਹਿਰ ਥੱਲਿਓਂ ਕੱਚੀ ਰੱਖੀ ਜਾਵੇ ਤਾਂ ਕਿ ਧਰਤੀ ਹੇਠਲਾ ਪਾਣੀ ਦਾ ਡਿੱਗ ਰਿਹਾ ਪੱਧਰ ਨੂੰ ਥੋੜ੍ਹਾ ਉੱਪਰ  ਆ ਜਾਵੇ । ਪਰ ਇਸ ਸਬੰਧੀ ਨਹਿਰੀ ਮਹਿਕਮਾ ਕਿਸਾਨਾਂ ਨਾਲ ਕੋਈ ਗੱਲਬਾਤ ਕਰਨ ਲਈ ਤਿਆਰ ਨਹੀਂ ਹੈ! ਇਸ ਦੇ ਰੋਸ ਵਜੋਂ ਅੱਜ ਗੜਦੀਵਾਲਾ ਦੇ ਲਾਗਲੇ ਪਿੰਡ ਮਸਤੀਵਾਲ ਨਹਿਰ ਦੇ ਕੰਢੇ ਤੇ ਇਲਾਕੇ ਦੇ ਕਿਸਾਨਾਂ ਅਤੇ ਸਮਾਜਿਕ ਜਥੇਬੰਦੀਆਂ ਵਲੋਂ ਰੋਸ ਧਰਨਾ ਲਗਾਤਾਰ ਦਿੱਤਾ ਜਾ ਰਿਹਾ ਹੈ । ਇਸ ਰੋਸ ਧਰਨੇ ਵਿੱਚ ਇਲਾਕੇ ਦੇ ਕਿਸਾਨ ਜਥੇਬੰਦੀਆਂ ਪਿੰਡਾਂ ਦੇ ਮੋਹਤਬਰ ਤੇ ਬੀਬੀਆਂ ਨੇ ਭਾਰੀ ਗਿਣਤੀ ਵਿਚ ਹਿੱਸਾ ਲਿਆ। ਇਸ ਰੋਸ ਧਰਨੇ ਵਿੱਚ ਬੋਲਦਿਆਂ ਜੰਗਵੀਰ ਸਿੰਘ ਚੌਹਾਨ ਪ੍ਰਧਾਨ ਦੋਆਬਾ ਕਿਸਾਨ ਕਮੇਟੀ ਪਰਮਿੰਦਰ ਸਿੰਘ ਸੱਜਣ ਬੀਕੇਯੂ, ਮਨਜੋਤ ਸਿੰਘ ਤਲਵੰਡੀ ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਨੇ ਕਿਹਾ ਜਦੋਂ ਤਕ ਸਰਕਾਰ ਨਹਿਰ ਨੂੰ ਥੱਲਿਓਂ ਕੱਢਣਾ ਕੱਚਾ ਰੱਖਣ ਦੀ ਮੰਗ ਸਰਕਾਰ ਮੰਨ ਨਹੀ ਲੈਂਦੀ ਧਰਨਾ ਲਗਾਤਾਰ ਜਾਰੀ ਰਹੇਗਾ। ਉਨ੍ਹਾਂ ਕਿਹਾ ਕਿ ਇਹ ਨਹਿਰ ਕੰਢੀ ਏਰੀਏ ਦੇ ਛੱਬੀ ਹਜ਼ਾਰ ਏਕੜ ਭੂਮੀ ਦੀ ਸਿੰਚਾਈ ਲਈ ਬਣਾਈ ਸੀ ਤੇ ਇਸ ਵਿਚ ਪੰਜ ਸੌ ਕਿਊਸਕ ਪਾਣੀ ਛੱਡਿਆ ਜਾਣਾ ਸੀ ,ਜਿਸ ਦਾ ਦੋ ਸੌ ਪੰਜਾਹ ਕਿਊਸਕ ਪਾਣੀ ਕੰਢੀ ਏਰੀਏ ਲਈ ਦਿੱਤਾ ਜਾਣਾ ਸੀ, ਪਰ ਕੁਝ ਨਹੀਂ ਹੋਇਆ ।ਉਨ੍ਹਾਂ ਕਿਹਾ ਕਿ ਇਸ ਨਹਿਰ ਵਿੱਚ ਤੀਹ ਗਊਘਾਟ ਜਿੱਥੇ ਕਿ ਇਲਾਕੇ ਦੇ ਡੰਗਰਾਂ ਨੇ ਪਾਣੀ ਪੀਣਾ ਸੀ ਬਣਾਏ ਗਏ ਦਰਸਾਏ ਗਏ ਹਨ ,ਪਰ ਨਹੀਂ ਬਣਾਏ ਗਏ । ਉਨ੍ਹਾਂ ਕਿਹਾ ਕਿ ਇਸ ਨਹਿਰ ਦੀ ਉੱਪਰਲੇ ਪਾਸੇ ਦੀ ਜ਼ਮੀਨ ਲਈ ਪਾਣੀ  ਲਿਫਟਿੰਗ ਕਰਕੇ ਦਿੱਤਾ ਜਾਣਾ ਸੀ, ਪਰ ਕੁਝ ਨਹੀਂ ਦਿੱਤਾ ਗਿਆ ।ਉਨ੍ਹਾਂ ਕਿਹਾ ਕਿ ਜਦ ਮਾਲਵੇ ਦੇ ਇਲਾਕੇ ਵਿੱਚ ਥੱਲਿਓਂ ਨਹਿਰਾਂ ਕੱਚੀਆਂ ਰੱਖੀਆਂ ਜਾ ਰਹੀਆਂ ਹਨ, ਪਰ ਸਾਡੇ ਕੰਢੀ ਏਰੀਏ ਵਿੱਚ ਇਹ ਕਿਉਂ ਨਹੀਂ ਹੋ ਰਿਹਾ । ਅੱਜ ਦੇ ਧਰਨੇ ਵਿਚ ਪੰਜਾਬ ਸਰਕਾਰ ਖ਼ਿਲਾਫ਼ ਮੁਰਦਾਬਾਦ ਦੇ ਨਾਅਰੇ ਲਗਾਏ ਗਏ ਅਤੇ ਇਹ ਸਾਰੇ ਇਲਾਕੇ ਦੇ ਲੋਕਾਂ ਨੇ ਪ੍ਰਣ ਲਿਆ ਅਤੇ ਕਿਹਾ ਕਿ ਜਦੋਂ ਤੱਕ ਇਹ ਸਾਡੀਆਂ ਮੰਗਾਂ ਮੰਨੀਆਂ ਨਹੀਂ ਜਾਂਦੀਆਂ ਸੰਘਰਸ਼ ਜਾਰੀ ਰਹੇਗਾ । ਅੱਜ ਦੇ ਧਰਨੇ ਵਿੱਚ ਐਡਵੋਕੇਟ ਗੁਰਵੀਰ ਸਿੰਘ ਚੌਟਾਲਾ, ਮਨਦੀਪ ਸਿੰਘ ਰੰਧਾਵਾ, ਰਾਜਾ ਗੋਂਦਪੁਰ ,ਜਥੇਦਾਰ ਗੁਰਦੀਪ ਸਿੰਘ, ਸੁਖਪ੍ਰੀਤ ਸਿੰਘ, ਸਿਮਰਨਜੀਤ ਸਿੰਘ ਸਿੰਮਾ , ਗੱਜਣ ਸਿੰਘ ਸਰਪੰਚ,ਸਰਪੰਚ ਕਸ਼ਮੀਰ ਸਿੰਘ ਮਸਤੀਵਾਲ , ਜਸਬੀਰ ਸਿੰਘ ਸਰਪੰਚ ,ਮਨਜੀਤ ਸਿੰਘ ਬਲਾਕ ਪ੍ਰਧਾਨ ਦੋਆਬਾ ਸੰਘਰਸ਼ ਕਮੇਟੀ, ਲਖਵਿੰਦਰ ਸਿੰਘ’ ਪੂਰਨ ਸਿੰਘ ,ਅਜੀਤ ਸਿੰਘ  ,ਕੈਪਟਨ ਬਹਾਦਰ ਸਿੰਘ,  ਕਸ਼ਮੀਰ ਸਿੰਘ, ਕਰਨੈਲ ਸਿੰਘ, ਨਵੀਂ  ,ਨਵਲਜੀਤ  ਸਿੰਘ ,ਕਿੰਨੂ ਪਹਿਲਵਾਨ, ਜਸਵਿੰਦਰ ਸਿੰਘ ਬਿੱਲਾ, ਸਰੋਜ ਮਨਹਾਸ ਐਮ ਸੀ,ਨਿਰਮਲਾ ਦੇਵੀ ‘ਕ੍ਰਿਸ਼ਨਾ ਦੇਵੀ ,ਪਰਮਲਾ ਦੇਵੀ, ਕਸਮੀਰ ਕੌਰ ‘ਕੁਲਵੀਰ ਕੌਰ, ਕੁਲਦੀਪ ਕੌਰ,    ਰਾਣੋ ,ਜਸਬੀਰ ਕੌਰ ਆਦਿ ਭਾਰੀ ਗਿਣਤੀ ਵਿਚ ਇਲਾਕੇ ਦੇ ਲੋਕ ਹਾਜ਼ਰ ਸਨ ।