ਹੁਸ਼ਿਆਰਪੁਰ / ਦਿੱਲੀ 15 ਅਪ੍ਰੈਲ (ਬਿਊਰੋ) :- ਬੁੱਧਵਾਰ ਸਵੇਰੇ ਦਿੱਲੀ ਦੇ ਅਕਸ਼ਰਧਾਮ ਮੈਟਰੋ ਸਟੇਸ਼ਨ ਤੋਂ ਛਾਲ ਮਾਰ ਕੇ ਖੁਦਕੁਸ਼ੀ ਕੋਸ਼ਿਸ਼ ਕਰਨ ਵਾਲੀ ਲੜਕੀ ਦੀਆ ਦੀ ਵੀਰਵਾਰ ਰਾਤ ਨੂੰ ਹਸਪਤਾਲ ਵਿੱਚ ਮੌਤ ਹੋਣ ਦੀ ਖਬਰ ਸਾਹਮਣੇ ਆਈ ਹੈ । ਜਿਸ ਦੇ ਚੱਲਦਿਆਂ ਕਮਾਲਪੁਰ ਦੇ ਮੁਹੱਲਾ ਰਾਜਸਥਾਨੀ ਵਿਖੇ ਉਸ ਦੇ ਘਰ ਵਿਚ ਮਾਤਮ ਦਾ ਮਾਹੌਲ ਹੈ। ਸੂਤਰਾਂ ਮੁਤਾਬਕ ਕੁਝ ਦਿਨ ਪਹਿਲਾਂ ਉਸਦੀ ਨੌਕਰੀ ਚੱਲੀ ਗਈ ਸੀ ਖੁਦਕੁਸ਼ੀ ਕਰਨਾ,ਜਿਸਦਾ ਕਾਰਨ ਦੱਸਿਆ ਜਾ ਰਿਹਾ ਹੈ। ਉਹ ਹੀ ਘਰ ਨੂੰ ਚਲਾਉਣ ਵਿਚ ਮਾਪਿਆਂ ਦਾ ਸਹਾਰਾ ਸੀ।

ਪਰਿਵਾਰ ਨੇ ਦੱਸਿਆ ਕਿ ਉਨ੍ਹਾਂ ਦੀ ਬੇਟੀ ਦੋ ਦਿਨ ਪਹਿਲਾਂ ਕੰਮ ਕਾਜ ਲਈ ਦਿੱਲੀ ਗਈ ਸੀ ਅਤੇ ਜਲਦ ਵਾਪਸ ਆਉਣ ਦਾ ਕਹਿ ਗਈ ਸੀ। ਰਾਤ ਨੂੰ ਇੱਕ ਫੋਨ ਆਇਆ ਸੀ ਕਿ ਦੀਆਂ ਦੀ ਮੌਤ ਹੋ ਗਈ ਹੈ। ਪਰ ਬਾਅਦ ਵਿਚ ਪਤਾ ਲੱਗਾ ਕਿ ਉਸ ਨੇ ਖੁਦਕੁਸ਼ੀ ਕਰ ਲਈ ਹੈ। ਪਰ ਪੁਲਿਸ ਨੂੰ ਇਸ ਸਬੰਧੀ ਕੋਈ ਖੁਦਕੁਸ਼ੀ ਨੋਟ ਨਹੀਂ ਮਿਲਿਆ। ਸ਼ੁਕਰਵਾਰ ਸਵੇਰੇ ਪਿਤਾ ਸੰਜੀਵ ਕੁਮਾਰ ਅਤੇ ਮਾਤਾ ਸੀਮਾ ਬੇਟੀ ਦੀ ਲਾਸ਼ ਨੂੰ ਲੈਣ ਲਈ ਦਿੱਲੀ ਰਵਾਨਾ ਹੋ ਗਏ।