ਮੇਨ ਰੋਡ ਅਤੇ ਮਸਤੀਵਾਲ ਸੜਕ ਦੀ ਖਸਤਾ ਹਾਲਤ ਨੂੰ ਦੇਖਦਿਆਂ ਜਲਦ ਤੋਂ ਜਲਦ ਬਨਵਾਇਆ ਜਾਵੇ : ਹਿਤਨ ਪੂਰੀ
ਗੜ੍ਹਦੀਵਾਲਾ (ਯੋਗੇਸ਼ ਗੁਪਤਾ) ਅੱਜ ਭਾਜਪਾ ਆਗੂ ਹਿਤੇਨ ਪੁਰੀ ਨੇ ਕੇਂਦਰੀ ਰਾਜ ਮੰਤਰੀ ਸੋਮ ਪ੍ਰਕਾਸ਼ ਨਾਲ ਉਨ੍ਹਾਂ ਦੇ ਦਫ਼ਤਰ ਫਗਵਾੜਾ ਵਿਖੇ ਗੜ੍ਹਦੀਵਾਲਾ ਦੀਆਂ ਸਮੱਸਿਆਵਾਂ ਅਤੇ ਟੁੱਟੀਆਂ ਸੜਕਾਂ ਨੂੰ ਲੈ ਕੇ ਮੁਲਾਕਾਤ ਕੀਤੀ। 
ਇਸ ਮੌਕੇ ਮੰਤਰੀ ਸੋਮ ਪ੍ਰਕਾਸ਼ ਨੂੰ ਜਾਣਕਾਰੀ ਦਿੰਦਿਆਂ ਹਿਤੇਨ ਪੁਰੀ ਨੇ ਦੱਸਿਆ ਕਿ ਸਾਡੇ ਸ਼ਹਿਰ ਦੀਆਂ ਸੜਕਾਂ ਦੀ ਹਾਲਤ ਬਹੁਤ ਮਾੜੀ ਹੈ। ਉਨ੍ਹਾਂ ਦੱਸਿਆ ਕਿ ਸ਼ਹਿਰ ਵਿੱਚ ਸੀਵਰੇਜ ਪਾਉਣ ਤੋਂ ਬਾਅਦ ਵੀ ਅਜੇ ਬਹੁਤ ਦੇਰ ਹੋਣ ਜਾਣ ਤੱਕ ਕੋਈ ਸੜਕ ਨਹੀਂ ਬਣਾਈ ਗਈ, ਉਨ੍ਹਾਂ ਦੱਸਿਆ ਕਿ ਮੇਨ ਰੋਡ ਤੋਂ ਮਸਤੀਵਾਲ ਰੋਡ ਕੇਸ਼ੋਪੁਰ ਤੱਕ ਸੜਕ ਦੀ ਇੰਨੀ ਮਾੜੀ ਹਾਲਤ ਹੈ ਕਿ ਰੋਜ਼ਾਨਾ ਲੋਕ ਜ਼ਖਮੀ ਹੋ ਰਹੇ ਹਨ। ਸਕੂਲੀ ਬੱਚੇ ਬੜੀ ਮੁਸ਼ਕਲ ਨਾਲ ਇਨ੍ਹਾਂ ਸੜਕਾਂ ਤੋਂ ਲੰਘਦੇ ਹਨ ਤੇ ਬਹੁਤ ਜ਼ਿਆਦਾ ਪ੍ਰੇਸ਼ਾਨੀ ਝੇਲਦੇ ਹਨ । ਨਾਲ ਹੀ ਦੁਕਾਨਦਾਰ ਦਾ ਵੀ ਜੀਣਾ ਮੁਸ਼ਕਿਲ ਹੋਇਆਂ ਪਿਆ ਹੈ , ਉਨ੍ਹਾਂ ਕਿਹਾ ਕਿ ਬਰਸਾਤ ਦੇ ਮੌਸਮ ਹੋਰ ਕਾਰਣ ਇੱਥੇ ਇੰਨਾ ਪਾਣੀ ਭਰ ਜਾਂਦਾ ਹੈ ਕਿ ਲੋਕਾਂ ਦਾ ਲੰਘਣਾ ਵੀ ਬੰਦ ਹੋ ਜਾਂਦਾ ਹੈ। ਉਨ੍ਹਾਂ ਦੱਸਿਆ ਕਿ ਇਹ ਉਹ ਸੜਕ ਹੈ ਜਿੱਥੋਂ ਕੰਢੀ ਗੜ੍ਹਦੀਵਾਲਾ ਨਾਲ ਜੁੜਦੀ ਹੈ ਅਤੇ ਹੋਰ ਪਿੰਡਾਂ ਦੇ ਲੋਕ ਸ਼ਹਿਰ ਵਿੱਚ ਦਾਖ਼ਲ ਹੋਣ ਲਈ ਇੱਥੋਂ ਲੰਘਦੇ ਹਨ , ਜਿਸਦੇ ਨਾਲ ਸ਼ਹਿਰ ਦੇ ਵਪਾਰ ਵਿਚ ਵੀ ਭਾਰੀ ਗਿਰਾਵਟ ਆਇ ਹੈ ਕਿਉਂਕਿ ਲੋਕਾਂ ਦੇ ਰੁੱਖ ਹੋਰ ਸ਼ਹਿਰ ਵੱਲ ਨੂੰ ਮੁੜਨ ਲੱਗ ਗਏ ਹਨ ।
ਇਸ ਦੌਰਾਨ ਉਨ੍ਹਾਂ ਨੇ ਲੋਕਾਂ ਅਤੇ ਰਾਹਗੀਰਾਂ ਵੱਲੋਂ ਇਨ੍ਹਾਂ ਮੁਸ਼ਕਿਲਾਂ ਸਬੰਧੀ ਤਿਆਰ ਕਿੱਤਾ ਇਕ ਮੰਗ ਪੱਤਰ ਮੰਤਰੀ ਸੋਮ ਪ੍ਰਕਾਸ਼ ਨੂੰ ਸੌਂਪਿਆ ਅਤੇ ਇਸ ਸਮੱਸਿਆ ਦਾ ਜਲਦੀ ਤੋਂ ਜਲਦੀ ਹੱਲ ਕਰਨ ਦੀ ਮੰਗ ਕੀਤੀ।
Post Views: 383
