ਉੱਘੀ ਸਮਾਜ ਸੇਵਕਾ ਡਾ ਸੋਨੀਆ ਨੂੰ ਅੰਤਰ ਰਾਸ਼ਟਰੀ ਨੈਲਸਨ ਮੰਡੇਲਾ ਹਿਊਮਨ ਰਾਈਟਜ਼ ਐਵਾਰਡ 2022 ਨਾਲ ਕੀਤਾ ਸਨਮਾਨਿਤ

–ਅੰਤਰ-ਰਾਸ਼ਟਰੀ ਐਵਾਰਡ ਮਿਲਣ ਨਾਲ ਸਮਾਜ ਦੀ ਭਲਾਈ ਲਈ ਕੰਮ ਕਰਨ ਪ੍ਰਤੀ ਜਿ਼ੰਮੇਵਾਰੀ ਹੋਰ ਵਧੀ-ਡਾ ਸੋਨੀਆ

ਹੁਸਿ਼ਆਰਪੁਰ, 31 ਜੁਲਾਈ (ਤਰਸੇਮ ਦੀਵਾਨਾ) ਨੈਸ਼ਨਲ ਹਿਊਮਨ ਰਾਈਟਜ਼ ਐਂਡ ਕ੍ਰਾਈਮ ਕੰਟਰੋਲ ਬਿਊਰੋ ਵਲੋਂ ਅੰਤਰ ਰਾਸ਼ਟਰੀ ਪੱਧਰ ਤੇ ਕੀਤੇ ਜਾ ਰਹੇ ਲੋਕ ਭਲਾਈ ਦੇ ਕੰਮਾਂ ਲਈ ਉੱਘੀ ਸਮਾਜ ਸੇਵਕਾ ਡਾ ਸੋਨੀਆ ਨੂੰ ਅੰਤਰ ਰਾਸ਼ਟਰੀ ਐਵਾਰਡ ਨੈਲਸਨ ਮੰਡੇਲਾ ਹਿਊਮਨ ਰਾਈਟਜ਼ ਐਵਾਰਡ 2022 ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਦਿੱਲੀ ਦੇ ਦਾ ਅਸ਼ੋਕਾ ਹੋਟਲ ਵਿੱਚ ਕਰਵਾਈ ਗਈ ਹਿਊਮਨ ਰਾਈਰਜ਼ ਕਨਵੈਨਸ਼ਨ ਵਿੱਚ ਪਦਮ ਸ੍ਰੀ ਡਾ ਚੰਦਰਕਾਂਤ ਨੇ ਡਾ ਸੋਨੀਆ ਨੂੰ ਨੇਲਸਨ ਮੰਡੇਲਾ ਹਿਊਮਨ ਰਾਈਟਜ਼ ਐਵਾਰਡ 2022 ਨਾਲ ਸਨਮਾਨਿਤ ਕੀਤਾ। ਇਸ ਐਵਾਰਡ ਲਈ ਡਾ ਸੋਨੀਆ ਦੀ ਚੋਣ ਇਕ ਪੈਨਲ ਵਲੋਂ ਕੀਤੀ ਗਈ ਸੀ। ਇਕ ਸਵਾਲ ਦੇ ਜਵਾਬ ਵਿੱਚ ਡਾ ਸੋਨੀਆ ਨੇ ਦੱਸਿਆ ਕਿ  ਨੈਸ਼ਨਲ ਹਿਊਮਨ ਰਾਈਟਜ਼ ਐਂਡ ਕ੍ਰਾਈਮ ਕੰਟਰੋਲ ਬਿਊਰੋ ਵੱਲੋਂ ਮੇਰੇ ਕੀਤੇ ਗਏ ਕੰਮਾਂ ਨੂੰ ਦੇਖਦੇ ਹੋਏ ਮੇਰੇ ਨਾਲ ਸੰਪਰਕ ਕਰਕੇ ਮੈਨੂੰ ਇਸ ਐਵਾਰਡ ਦਾ ਸੱਦਾ ਪੱਤਰ ਦਿੱਤਾ ਗਿਆ ਸੀ । ਉਨ੍ਹਾਂ ਦੱਸਿਆ ਕਿ ਇਸ ਕਨਵੈਨਸ਼ਨ ਵਿੱਚ ਸਿਮ੍ਰਿਤੀ ਇਰਾਨੀ ਮੁੱਖ ਮਹਿਮਾਨ ਵਜੋਂ ਸ਼ਾਮਿਲ ਹੋਏ। ਇਸ ਮੌਕੇ ਵੱਖ ਵੱਖ ਬੁਲਾਰਿਆਂ ਵਲੋਂ ਡਾ ਸੋਨੀਆ ਵਲੋਂ ਕੀਤੇ ਜਾ ਰਹੇ ਸਮਾਜ ਭਲਾਈ ਦੇ ਕੰਮਾਂ ਲਈ ਪ੍ਰਸ਼ੰਸਾਂ ਕੀਤੀ ਗਈ। ਇਸ ਮੌਕੇ ਡਾ ਸੋਨੀਆ ਨੇ ਕਿਹਾ ਕਿ ਇਹ ਐਵਾਰਡ ਮਿਲਣ ਨਾਲ ਉਨ੍ਹਾਂ ਦੀ ਲੋਕਾਂ ਦੀ ਭਲਾਈ ਲਈ ਕੰਮ ਕਰਨ ਪ੍ਰਤੀ ਜਿ਼ੰਮੇਵਾਰੀ ਹੋਰ ਵਧ ਗਈ ਹੈ। ਉਹ ਹਮੇਸ਼ਾਂ ਲੋਕਾਂ ਦੀ ਸੇਵਾ ਵਿੱਚ ਹਾਜਰ ਰਹਿਣਗੇ। ਇੱਥੇ ਇਹ ਦੱਸਣਾ ਬਣਦਾ ਹੈ ਕਿ ਪ੍ਰਵਾਸੀ ਭਾਰਤੀ ਡਾ ਸੋਨੀਆ ਮੌਜੂਦਾ ਸਮੇਂ ਕਾਫੀ ਲੰਬੇ ਸਮੇਂ ਤੋਂ  ਸਵੀਡਨ  ਵਿੱਚ ਰਹਿ ਕਿ ਦੁਨੀਆਂ ਭਰ ਦੇ ਲੋਕਾਂ ਦੀ ਭਲਾਈ ਲਈ ਕੰਮ ਕਰ ਰਹੀ ਹੈ। ਉਹ ਔਰਤਾਂ ਬੱਚਿਆਂ ਦੇ ਹੱਕਾਂ ਲਈ ਸੰਘਰਸ਼ ਕਰ ਰਹੀ ਹੈ। ਡਾ ਸੋਨੀਆ ਕੌਮਾਂਤਰੀ ਪੱਧਰ ਤੇ ਸਮਾਜ ਸੇਵਾ ਲਈ ਸਰਗਰਮ ਹੈ। ਇਸ ਕਨਵੈਸ਼ਨ ਵਿੱਚ ਸਿਮ੍ਰਿਤੀ ਇਰਾਨੀ, ਪਦਮ ਸ੍ਰੀ ਸ਼ਕਸਿ਼ਯਤਾ, ਰਾਜਨੀਤਿਕ ਸ਼ਖਸੀਅਤਾਂ ਸਮੇਤ ਸਮਾਜ ਦੀਆਂ ਕਈ ਉੱਘੀਆਂ ਹਸਤੀਆਂ ਹਾਜਰ ਸਨ।
ਫੋਟੋ ਮੁਨੀਰ