ਹੁਸ਼ਿਆਰਪੁਰ ( ਤਰਸੇਮ ਦੀਵਾਨਾ )

ਨਸ਼ਾ ਵੇਚਣ ਵਾਲਿਆਂ ਨੂੰ ਕਿਸੇ ਵੀ ਕੀਮਤ ਤੇ ਬਖਸ਼ਿਆ ਨਹੀਂ ਜਾਵੇਗਾ : ਇੰਸਪੈਕਟਰ ਕਰਨੈਲ ਸਿੰਘ

22 ਅਗਸਤ :  ਸਰਤਾਜ ਸਿੰਘ ਚਾਹਲ ਆਈ ਪੀ ਐਸ ਐੱਸਐੱਸਪੀ ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਡੀ ਐੱਸ ਪੀ ਗੜ੍ਹਸ਼ੰਕਰ ਦੀ ਸੁਪਰਵੀਜ਼ਨ ਹੇਠ ਵੱਧਦੇ ਜੁਰਮਾਂ ਤੇ ਨਸ਼ੇ ਨਾਲ ਨਜਿੱਠਣ ਦੀ ਮੁਹਿੰਮ ਤਹਿਤ ਕਰਨੈਲ ਸਿੰਘ ਇੰਸਪੈਕਟਰ ਮੁੱਖ ਅਫਸਰ ਥਾਣਾ ਗੜ੍ਹਸ਼ੰਕਰ ਦੀ ਹਦਾਇਤ ਅਨੁਸਾਰ ਐੱਸ ਆਈ ਰਮਨਦੀਪ ਕੌਰ  ਨੇ  ਮੁਕੱਦਮਾ ਨੰਬਰ  183 – 16 ਅਗਸਤ ਨੂੰ  21/29-61-85 ਐੱਨ ਡੀ ਪੀ ਐੱਸ ਐਕਟ ਥਾਣਾ ਹਰੋਲੀ ਜ਼ਿਲ੍ਹਾ ਊਨਾ ਦੇ ਤਫਤੀਸ਼ੀ ਅਫਸਰ ਏ ਐੱਸ ਆਈ ਪ੍ਰਕਾਸ਼ ਚੰਦ ਸਮੇਤ ਪੁਲਸ ਪਾਰਟੀ ਥਾਣਾ ਹਰੋਲੀ ਜ਼ਿਲ੍ਹਾ ਊਨਾ ਹਿਮਾਚਲ ਪ੍ਰਦੇਸ਼ ਵਿਚ  ਨਾਮਜ਼ਦ  ਔਰਤ ਛਿੰਦੋ ਪਤਨੀ ਗੁਲਜ਼ਾਰਾ ਵਾਸੀ ਦੇਨੋਵਾਲ ਖੁਰਦ  ਥਾਣਾ  ਗੜ੍ਹਸ਼ੰਕਰ ਦੀ ਤਲਾਸ਼ ਸਬੰਧੀ ਉਕਤ ਔਰਤ ਦੇ ਘਰ ਰੇਡ ਕੀਤਾ ਤਾਂ ਛਿੰਦੋ  ਆਪਣੇ ਘਰ ਤੋਂ ਪੁਲਿਸ ਪਾਰਟੀ ਨੂੰ ਦੇਖ ਕੇ ਸਮੇਤ ਮੋਮੀ ਲਿਫਾਫਾ ਲੈ ਕੇ ਖਿਸਕਣ ਲੱਗੀ ਤਾਂ ਤਾਂ ਪੁਲਸ ਪਾਰਟੀ ਨੇ ਕਾਬੂ ਕਰ ਲਿਆ ਅਤੇ ਪੁਲਸ ਪਾਰਟੀ ਵੱਲੋਂ ਕਾਬੂ ਕਰਕੇ ਤਲਾਸ਼ੀ ਕਰਨ ਤੇ ਛਿੰਦੋ ਪਾਸੋਂ  25 ਗਰਾਮ ਹੈਰੋਇਨ ਅਤੇ  25,500/- ਰੁਪਏ ਡਰੱਗ ਮਨੀ ਬਰਾਮਦ ਕਰਕੇ  17 ਅਗਸਤ ਨੂੰ ਮੁਕੱਦਮਾ ਨੰਬਰ  145 ਅ/ ਧ 21-61-85 ਐਨ ਡੀ ਪੀ ਐੱਸ ਐਕਟ ਤਹਿਤ ਥਾਣਾ ਗਡ਼੍ਹਸ਼ੰਕਰ ਰਜਿਸਟਰਡ ਕੀਤਾ ਗਿਆ  ਹੈ । ਉਕਤ ਔਰਤ ਪਾਸੋਂ ਪੁੱਛਗਿੱਛ ਦੌਰਾਨ ਉਸ ਨੇ ਦੱਸਿਆ ਕਿ ਉਹ ਇਹ ਹੈਰੋਇਨ ਕੰਵਲਜੀਤ ਕੌਰ ਉਰਫ ਕਾਰਡੋ ਪਤਨੀ ਤਾਰੀ ਵਾਸੀ ਦੇਨੋਵਾਲ ਖੁਰਦ ਪਾਸੋਂ ਖਰੀਦ ਕੇ ਅੱਗੇ ਲੋਕਲ ਆਮ ਨਸ਼ਾ ਕਰਨ ਵਾਲਿਆਂ ਨੂੰ ਸਪਲਾਈ ਕਰਦੀ ਸੀ  । ਪੁਲਸ ਅਧਿਕਾਰੀਆਂ ਨੇ ਦੱਸਿਆ ਕਿ ਉਕਤ ਔਰਤ ਨੂੰ ਅਦਾਲਤ ਵਿੱਚ ਪੇਸ਼ ਕਰਕੇ ਉਸ ਦਾ ਰਿਮਾਂਡ ਹਾਸਲ ਕੀਤਾ ਜਾ ਰਿਹਾ ਹੈ ਤਾਂ ਕਿ ਅੱਗੇ ਤੋਂ ਹੋਰ ਪੁੱਛਗਿੱਛ ਕੀਤੀ ਜਾ ਸਕੇ ।