ਗਹੁਣ ਦੇ ਡਾ. ਤਰਨਜੀਤ ਦਾ ਉਲਸਟਰ ‘ਵਰਸਿਟੀ ਵੱਲੋਂ ਸਨਮਾਨ

ਬਲਾਚੌਰ(ਜਤਿੰਦਰ ਪਾਲ ਸਿੰਘ ਕਲੇਰ ) ਬਰਤਾਨੀਆ ਦੇ ਨਾਰਦਰਨ ਆਇਰਲੈਂਡ ਦੀ ਉਲਸਟਰ ਯੂਨੀਵਰਸਿਟੀ ਦੇ ਸਕੂਲ ਆਫ ਬਾਇਓ-ਮੈਡੀਕਲ ਸਾਇੰਸਜ਼ ਦੇ ਲੰਡਨਡੈਰੀ ਕੈਂਪਸ ‘ਚ ਪੜ੍ਹਾ ਰਹੇ ਪਿੰਡ ਗਹੂੰਣ ਦੇ ਪ੍ਰੋਫੈਸਰ ਡਾ. ਤਰਨਜੀਤ ਸਿੰਘ ਰਾਏ ਨੂੰ ਯੂਨੀਵਰਸਿਟੀ ਵੱਲੋਂ ‘ਪੀਐੱਚਡੀ ਰਿਸਰਚਰ ਸੁਪਰਵਾਈਜ਼ਰ ਆਫ ਦਿ ਯੀਅਰ ਐਵਾਰਡ’ ਨਾਲ ਸਨਮਾਨਿਤ ਕੀਤਾ ਗਿਆ ਹੈ। ਡਾ. ਰਾਏ ਨੇ ਦੱਸਿਆ ਕਿ ਉਲਸਟਰ ਯੂਨੀਵਰਸਿਟੀ ਵੱਲੋਂ ਹਰ ਸਾਲ ਲਰਨਿੰਗ ਐਂਡ ਟੀਚਿੰਗ ਐਵਾਰਡ’ ਤਹਿਤ ਯੂਨੀਵਰਸਿਟੀ ਦੇ ਚਾਰਾਂ ਕੈਂਪਸ ‘ਚ ਪੜ੍ਹਾ ਰਹੇ ਸਮੂਹ ਸਟਾਫ `ਚੋਂ ਕਿਸੇ ਇੱਕ ਨੂੰ ਇਸ ਐਵਾਰਡ ਲਈ ਚੁਣਿਆ ਜਾਂਦਾ ਹੈ। ਇਸ ਸਾਲ 300 ਫੈਕਲਟੀ ਮੈਂਬਰਾਂ ‘ਚੋਂ 3 ਨੂੰ ਸ਼ਾਰਟ ਲਿਸਟ ਕੀਤਾ ਗਿਆ ਅਤੇ ਉਨ੍ਹਾਂ ਤਿੰਨਾਂ ‘ਚੋਂ ਉਨ੍ਹਾਂ ਨੂੰ ਇਸ ਐਵਾਰਡ ਲਈ ਚੁਣਿਆ ਗਿਆ।