ਫਗਵਾੜਾ  ( ਲਾਲੀ ਦਾਦਰ )

27 ਅਪ੍ਰੈਲ : ਸਰਕਾਰੀ ਹਾਈ ਸਕੂਲ ਖਲਵਾੜਾ ਦੇ ਵਿਕਾਸ ਲਈ ਬਲਦੇਵ ਰਾਜ, ਰਾਜੇਸ਼ ਮੱਲ੍ਹ, ਗੁਰਦਿਆਲ ਸਿੰਘ ਅਤੇ ਬਲਵੀਰ ਦਾਸ ਨੇ ਸਾਂਝਾ ਉਪਰਾਲਾ ਕਰਦੇ ਹੋਏ ਵਿਦਿਆਰਥੀਆਂ ਨੂੰ ਆਧੂਨਿਕ ਤਕਨੀਕ ਨਾਲ ਜੋੜਨ ਦੇ ਮਕਸਦ ਨਾਲ ਸਕੂਲ ਪ੍ਰਬੰਧਕ ਕਮੇਟੀ ਦੇ ਪ੍ਰਧਾਨ ਹਰਭਜਨ ਦਾਸ ਅਤੇ ਸਕੂਲ ਇੰਚਾਰਜ ਮੈਡਮ ਸਵਿਤਾ ਪਵਾਰ ਨੂੰ ਇਕ ਕੰਪਿਊਟਰ, ਪਿ੍ਰੰਟਰ ਕਮ ਸਕੈਨਰ ਭੇਂਟ ਕੀਤਾ ਗਿਆ। ਇਸ ਮੌਕੇ ਵਿਸ਼ੇਸ਼ ਤੌਰ ਤੇ ਪਹੁੰਚੇ ਸਰਪੰਚ ਆਗਿਆ ਪਾਲ ਸਿੰਘ ਨੇ ਦਾਨੀ ਸੱਜਣਾਂ ਦੇ ਇਸ ਉਪਰਾਲੇ ਦੀ ਸ਼ਲਾਘਾ ਕੀਤੀ। ਉਹਨਾਂ ਕਿਹਾ ਕਿ ਅੱਜ ਦਾ ਦੌਰ ਕੰਪਿਊਟਰ ਤਕਨੀਕ ਦਾ ਦੌਰ ਹੈ ਅਤੇ ਇਸ ਉਪਰਾਲੇ ਨਾਲ ਸਕੂਲ ਵਿਚ ਪੜ੍ਹਦੇ ਵਿਦਿਆਰਥੀਆਂ ਨੂੰ ਕੰਪਿਊਟਰ ਦਾ ਗਿਆਨ ਹਾਸਲ ਕਰਨ ਵਿਚ ਸਹਾਇਤਾ ਮਿਲੇਗੀ। ਮੈਡਮ ਸਵਿਤਾ ਪਵਾਰ ਨੇ ਸਮੂਹ ਪਤਵੰਤਿਆਂ ਅਤੇ ਦਾਨੀ ਸੱਜਣਾ ਦਾ ਤਹਿ ਦਿਲੋਂ ਧੰਨਵਾਦ ਕੀਤਾ। ਇਸ ਮੌਕੇ ਪਰਦੀਪ ਮੱਲ੍ਹ, ਜੋਗਿੰਦਰ ਪਾਲ, ਜਤਿਨ ਮੱਲ੍ਹ, ਡੋਗਰ ਮੱਲ੍ਹ, ਨਵਦੀਪ, ਹੁਸਨ ਲਾਲ, ਕੀਮਤੀ ਲਾਲ ਸਮੇਤ ਸਮੂਹ ਸਕੂਲ ਸਟਾਫ ਤੇ ਵਿਦਿਆਰਥੀ ਹਾਜਰ ਸਨ।
ਤਸਵੀਰ ਸਮੇਤ।