ਦਸੂਹਾ (PPT NEWS) 

26 ਜੂਨ : ਬੀਤੇ ਦਿਨੀਂ ਦਸੂਹਾ ਦੇ ਪਿੰਡ ਜਲਾਲ ਚੱਕ ਵਿਖੇ ਏ ਸੀ ਦੀ ਕੂਲਿੰਗ ਨੂੰ ਲੈ ਕੇ ਪਿਓ ਪੁੱਤ ਚ ਹੋਏ ਛੋਟੇ ਜਿਹੇ ਵਿਵਾਦ ਦੇ ਚਲਦਿਆਂ ਪੁੱਤ ਨੇ ਆਪਣੀ ਲਾਈਸੈਂਸੀ ਰਾਇਫਲ ਨਾਲ ਪਿਓ ਤੇ ਗੋਲੀ ਚਲਾ ਦਿੱਤੀ। ਜਿਸ ਨਾਲ ਪਿਓ ਗੰਭੀਰ ਜਖਮੀ ਹੋ ਗਿਆ। ਜਿਸ ਨੂੰ ਆਸ ਪਾਸ ਦੇ ਲੋਕਾਂ ਨੇ ਸਿਵਲ ਹਸਪਤਾਲ ਦਸੂਹਾ ਵਿਖੇ ਦਾਖਲ ਕਰਵਾਇਆ ਗਿਆ। ਦਸੂਹਾ ਪੁਲਿਸ ਨੇ ਦੋਸ਼ੀ ਅਮਰਜੀਤ ਸਿੰਘ ਨੂੰ ਇੱਕ ਰਾਈਫਲ ਲਾਇਸੰਸੀ 12 ਬੋਰ 06 ਰੋਂਦ ਜਿੰਦਾ ਅਤੇ 01 ਰੋਂਦ ਚੱਲਿਆ ਹੋਇਆ ਸਮੇਤ ਕਾਬੂ ਕੀਤਾ ਹੈ।

ਜਿਲ੍ਹਾ ਹੁਸ਼ਿਆਰਪੁਰ ਦੇ ਮਾਨਯੋਗ ਸੀਨੀਅਰ ਪੁਲਿਸ ਕਪਤਾਨ ਸ਼੍ਰੀ ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ. ਜੀ ਨੇ ਜਿਲ੍ਹੇ ਅੰਦਰ ਮਾੜੇ ਅੰਨਸਰਾਂ ਉਪਰ ਕਾਬੂ ਪਾਉਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ ਹੋਈ ਹੈ। ਜਿਹਨਾਂ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ  ਬਲਬੀਰ ਸਿੰਘ ਪੀ.ਪੀ.ਐਸ, ਉਪ ਕਪਤਾਨ ਪੁਲਿਸ, ਸਬ ਡਵੀਜ਼ਨ ਦਸੂਹਾ, ਇੰਸ. ਬਲਵਿੰਦਰ ਸਿੰਘ, ਮੁੱਖ ਅਫਸਰ ਥਾਣਾ ਦਸੂਹਾ ਦੀ ਅਗਵਾਈ ਹੇਠ ਥਾਣਾ ਦਸੂਹਾ ਦੀ ਪੁਲਿਸ ਨੂੰ ਉਸ ਸਮੇਂ ਵੱਡੀ ਸਫਲਤਾ ਹਾਸਲ ਹੋਈ। ਜਦੋਂ ਏ.ਐਸ.ਆਈ ਸਤਨਾਮ ਸਿੰਘ ਨੂੰ ਹੈਲਪਲਾਈਨ ਨੰਬਰ 112 ਤੋਂ ਕਾਲ ਵਲੋਂ ਵੀਰ ਸਿੰਘ ਵਾਸੀ ਜਲਾਲ ਚੱਕ ਬਾਬਤ ਉਸਦਾ ਲੜਕਾ ਰਿਟਾਇਰਡ ਫੋਜੀ ਅਮਰਜੀਤ ਸਿੰਘ ਉਸ ਨਾਲ ਲੜਾਈ ਝਗੜਾ ਕਰਦਾ ਹੈ ਜਿਸਨੇ ਉਸਦੇ ਗੋਲੀ ਮਾਰ ਦਿੱਤੀ ਸਬੰਧੀ ਮੋਸੂਲ ਹੋਈ। ਏ.ਐਸ.ਆਈ ਸਤਨਾਮ ਸਿੰਘ ਸਮੇਤ ਪੁਲਿਸ ਪਾਰਟੀ ਪਿੰਡ ਜਲਾਲ ਚੱਕ ਅਤੇ ਸਿਵਲ ਹਸਪਤਾਲ ਗਿਆ। ਜਿੱਥੇ ਮਜਰੂਬ ਵੀਰ ਸਿੰਘ ਪੁੱਤਰ ਅਮਰੀਕ ਸਿੰਘ ਵਾਸੀ ਜਲਾਲ ਚੱਕ ਥਾਣਾ ਦਸੂਹਾ ਉਸਦੇ ਲੜਕੇ ਅਮਰਜੀਤ ਸਿੰਘ ਪੁੱਤਰ ਵੀਰ ਸਿੰਘ ਵਾਸੀ ਜਲਾਲ ਚੱਕ ਥਾਣਾ ਦਸੂਹਾ ਨੇ ਮਾਰ ਦੇਣ ਦੀ ਨੀਅਤ ਨਾਲ ਆਪਣੀ ਲਾਇਸੰਸੀ ਗੰਨ ਨਾਲ ਗੋਲੀਆਂ ਮਾਰ ਕੇ ਜਖਮੀ ਕੀਤਾ ਹੈ। ਜਿਸਤੇ ਜੁਰਮ 307,336 ਭ/ਦ ਅਤੇ 27/54/59 ਅਸਲਾ ਐਕਟ ਹੋਣਾ ਪਾਇਆ ਗਿਆ। ਜਿਸਤੇ ਮੁੱਕਦਮਾ ਨੰਬਰ 119 ਮਿਤੀ 25-06-23 ਅ/ਧ 307,336 ਭ;ਦ ਅਤੇ 27/54/59 ਅਸਲਾ ਐਕਟ ਥਾਣਾ ਦਸੂਹਾ ਬਰਖਿਲਾਫ ਅਮਰਜੀਤ ਸਿੰਘ ਪੁੱਤਰ ਵੀਰ ਸਿੰਘ ਵਾਸੀ ਜਲਾਲ ਚੱਕ ਥਾਣਾ ਦਸੂਹਾ ਦਰਜ ਰਜਿਸਟਰ ਕੀਤਾ ਗਿਆ। ਦੋਸ਼ੀ ਅਮਰਜੀਤ ਸਿੰਘ ਨੂੰ ਹਸਬ ਜਾਬਤਾ ਗ੍ਰਿਫਤਾਰ ਕੀਤਾ ਗਿਆ ਅਤੇ ਦੋਸ਼ੀ ਪਾਸੋਂ ਉਸਦੀ ਲਾਇਸੰਸੀ ਗੰਨ ਬ੍ਰਾਮਦ ਕੀਤੀ ਗਈ।