ਗੜ੍ਹਸ਼ੰਕਰ ਦੇ ਕਸਬਾ ਸੈਲਾ ਖੁਰਦ ਦੀ ਕੁਆਂਟਮ ਪੇਪਰ ਮਿਲ ਵਲੋਂ ਤੂੜੀ ਦੀ ਵਰਤੋਂ ਕਰਨ ਤੇ ਡੇਅਰੀ ਮਾਲਿਕਾਂ ਵਲੋਂ ਵਿਰੋਧ

ਗੜ੍ਹਸ਼ੰਕਰ 27 ਮਈ (ਜਤਿੰਦਰ ਪਾਲ ਸਿੰਘ ਕਲੇਰ ) ਗੜ੍ਹਸ਼ੰਕਰ ਦੇ ਕਸਬਾ ਸੈਲਾ ਖੁਰਦ ਦੀ ਕੁਆਂਟਮ ਪੇਪਰ ਮਿਲ ਵਲੋਂ ਫੈਕਟਰੀ ਦੇ ਵਿੱਚ ਤੂੜੀ ਦੀ ਵਰਤੋਂ ਕਰਨ ਤੇ ਡੇਅਰੀ ਮਾਲਿਕਾਂ ਵਲੋਂ ਜਬਰਦਸਤ ਵਿਰੋਧ ਕੀਤਾ ਗਿਆ। ਡੇਅਰੀ ਮਾਲਿਕਾਂ ਦਾ ਇਲਜ਼ਾਮ ਹੈ ਕਿ ਡਿਪਟੀ ਕਮਿਸ਼ਨਰ ਹੁਸ਼ਿਆਰਪੁਰ ਵਲੋਂ ਸਖ਼ਤ ਨਿਰਦੇਸ਼ ਜਾਰੀ ਕੀਤੇ ਹੋਏ ਹਨ ਕਿ ਪਸ਼ੂਆਂ ਲਈ ਵਰਤੋਂ ਵਿੱਚ ਆਉਣ ਵਾਲੀ ਤੂੜੀ ਨੂੰ ਫੈਕਟਰੀ ਵਿੱਚ ਨਾ ਵਰਤਿਆ ਜਾਵੇ ਪਰ ਮਿਲ ਪ੍ਰਬੰਧਕ ਹੁਕਮਾਂ ਦੀ ਪਰਵਾਹ ਕੀਤੇ ਬਿਨਾਂ ਤੂੜੀ ਦੀ ਫੈਕਟਰੀ ਵਿੱਚ ਵਰਤੋਂ ਕਰ ਰਹੇ ਹਨ ।ਜਿਸਦੇ ਕਾਰਨ ਡੇਅਰੀ ਫਾਰਮਾਂ ਅਤੇ ਗਊਸ਼ਾਲਾਵਾਂ ਵਿੱਚ ਰੱਖੇ ਹੋਏ ਪਸ਼ੂਆਂ ਲਈ ਤੂੜੀ ਦੀ ਵੱਡੀ ਘਾਟ ਪਾਈ ਜਾ ਰਹੀ ਹੈ। ਇਸ ਮੌਕੇ ਉਨ੍ਹਾਂ ਪ੍ਰਸ਼ਾਸਨ ਤੋਂ ਮੰਗ ਕੀਤੀ ਹੈ ਕਿ ਪਸ਼ੂਆਂ ਦੀ ਵਰਤੋਂ ਵਿੱਚ ਆਉਣ ਵਾਲੀ ਤੂੜੀ ਨੂੰ ਫੈਕਟਰੀ ਵਿੱਚ ਨਾ ਜਲਾਇਆ ਜਾਵੇ।ਉੱਥੇ ਡੀ ਐਸ ਪੀ ਗੜ੍ਹਸ਼ੰਕਰ ਦੀ ਅਗੁਵਾਈ ਵਿੱਚ ਪੁਲੀਸ ਪਾਰਟੀ ਟੀਮ ਵਲੋਂ ਮਿਲ ਵਿੱਚ ਜਾਣ ਵਾਲੀ ਤੂੜੀ ਦੀਆਂ ਟਰਾਲੀਆਂ ਨੂੰ ਸੈਲਾ ਮੰਡੀ ਵਿੱਚ ਖੜੀਆਂ ਕੀਤੀਆਂ ਗਈਆਂ। ਇਸ ਮੌਕੇ ਡੀ ਐਸ ਪੀ ਗੜ੍ਹਸ਼ੰਕਰ ਨੇ ਡੇਅਰੀ ਮਾਲਿਕਾਂ ਨੂੰ ਆਸ਼ਵਾਸਨ ਦਿੱਤਾ ਕਿ ਪੇਪਰ ਮਿਲ ਵਿਚ ਤੂੜੀ ਦੀਆਂ ਟਰਾਲੀਆਂ ਨੂੰ ਨਹੀਂ ਜਾਣ ਦਿੱਤਾ ਜਾਵੇਗਾ।