ਗੜ੍ਹਦੀਵਾਲਾ (ਚੌਧਰੀ) 4 ਦਸੰਬਰ 

: ਕਾਲੇ ਗੋਰੇ ਰੰਗ ਅਤੇ ਰੂਪ ਨੂੰ ਲੈ ਸਮਾਜ ਦੇ ਫੈਲੇ ਭੇਦਭਾਵ ਨੂੰ ਚੋਟ ਕਰਦੀ ਸਾਰਟ ਫਿਲਮ ਦਾ ਡਾਰਕ ਰਿਲੀਜ਼ ਕੀਤੀ ਗਈ। ਇਸ ਸਾਰਟ ਫਿਲਮ ਪਰਵਾਜ਼ ਫਿਲਮ ਫਗਵਾੜਾ ਵਲੋਂ ਡਾਇਰੈਕਟਰ ਬਲਵਿੰਦਰ ਪ੍ਰੀਤ ਵਲੋਂ ਬਣਾਈ ਗਈ ਹੈ। ਜਿਸ ਵਿਚ ਵਿਵੇਕ ਹਾਸ਼ਿਰ, ਆਰ ਜੇ ਕੌਰ ਤੇ ਰੈਪੀਂ ਨੇ ਸ਼ਾਨਦਾਰ ਕੰਮ ਕੀਤਾ ਹੈ। ਇਸ ਫਿਲਮ ਦੀ ਸਟੋਰੀ ਰਾਹੀਂ ਇਹ ਸੰਦੇਸ਼ ਦੇਣ ਦੀ ਕੋਸ਼ਿਸ਼ ਕੀਤੀ ਗਈ ਹੈ ਕਿ ਰੰਗ ਰੂਪ ਨੂੰ ਲੈ ਕੇ ਭੇਦਭਾਵ ਨੂੰ ਛੱਡ ਕੇ ਗੁਣਾਂ ਨੂੰ ਦੇਖਿਆ ਤੇ ਪਰਖਿਆ ਜਾਵੇ। ਗੁਣਾਂ ਦੀ ਕਦਰ ਕੀਤੀ ਜਾਵੇ ਨਾ ਕਿ ਰੰਗ ਰੂਪ ਦੀ। ਇਹ ਜਰੂਰੀ ਨਹੀਂ ਕਿ ਗੋਰੇ ਰੰਗ ਵਾਲੇ ’ਚ ਗੁਣਕਾਰੀ ਹੋਣ ਅਤੇ ਇਹ ਵੀ ਜਰੂਰੀ ਨਹੀਂ ਕਿ ਕਾਲੇ ਰੰਗ ਵਾਲੇ ਗੁਣਕਾਰੀ ਨਾ ਹੋਣ। ਇਸ ਲਈ ਇਸ ਭੇਦਭਾਵ ਦੀ ਨੀਤੀ ਤੇ ਪ੍ਰਥਾ ਨੂੰ ਤੋੜਨਾ ਸਮਾਜ ਲਈ ਬਹੁਤ ਹੀ ਜਰੂਰੀ ਹੋ ਗਿਆ ਹੈ। ਕਈ ਗੁਣਕਾਰੀ ਲੋਕ ਸਿਰਫ ਰੰਗ ਰੂਪ ਕਰਕੇ ਹੀ ਸਮਾਜ ਵਿਚ ਬਣਦੀ ਆਪਣੀ ਜਗਾ ਨੂੰ ਹਾਸਲ ਕਰਨ ਤੋਂ ਪਿਛੇ ਰਹਿ ਜਾਂਦੇ ਹਨ ਅਤੇ ਕੁਝ ਜਿਨਾਂ ਦੇ ਪਲੇ ਕੁਝ ਨਹੀਂ ਤੇ ਸਿਰਫ ਗੋਰੇ ਰੰਗ ਕਰਕੇ ਹੀ ਤਰੱਕੀਆਂ ਹਾਸਲ ਕਰ ਲੈਦੇਂ ਹਨ।