ਗੜ੍ਹਦੀਵਾਲਾ (ਚੌਧਰੀ) 

19 ਅਕਤੂਬਰ : ਸਿਟਰਸ ਅਸਟੇਟ ਭੂੰਗਾ (ਹਰਿਆਣਾ) ਦੀ ਜਨਰਲ ਇਜਲਾਸ ਡਾ. ਜਸਪਾਲ ਸਿੰਘ ਢੇਰੀ ਚੇਅਰਮੈਨ-ਕਮ-ਸੀ.ਈ.ਓ. ਸਿਟਰਸ ਅਸਟੇਟ ਭੂੰਗਾ (ਹਰਿਆਣਾ) ਜੀ ਦੀ ਪ੍ਰਧਾਨਗੀ ਹੇਠ ਹੋਇਆ, ਜਿਸ ਵਿੱਚ ਡਾ. ਜਸਪਾਲ ਸਿੰਘ ਢੇਰੀ ਵੱਲੋਂ ਸਾਲ 2022-23 ਦੀ ਆਡਿਟ ਰਿਪੋਰਟ ਹਾਊਸ ਵਿੱਚ ਰੱਖੀ ਗਈ ਅਤੇ ਦੱਸਿਆ ਕਿ ਇਸ ਸਮੇਂ ਦੌਰਾਨ ਲਗਭਗ 21 ਲੱਖ ਰੁਪਏ ਦਾ ਲਾਭ ਸਾਰੇ ਖਰਚੇ ਕੱਢਕੇ ਹੋਇਆ ਹੈ, ਜਿਸ ਵਿੱਚ ਮੁੱਖ ਤੌਰ ਤੇ 4 ਲੱਖ ਕੀੜੇਮਾਰ ਦਵਾਇਆਂ /ਖਾਦਾਂ ਦੀ ਸੇਲ , 3.50 ਲੱਖ ਰੁਪਏ ਗਰੇਡਿੰਗ-ਵੈਕਸਿੰਗ ਯੂਨਿਟ ਤੇ ਲਗਭਗ 5 ਲੱਖ ਇੰਪਲੀਮੈਂਟਸ ਦੇ ਕਿਰਾਏ ਤੇ ਟਰੈਪਸ ਅਤੇ ਬਾਕੀ ਬੈਂਕ ਵਿੱਚੋਂ ਮਿਲੇ ਵਿਆਜ਼ ਤੋਂ ਹੋਇਆ ਹੈ। ਇਸ ਮੌਕੇ ਹਾਊਸ ਵੱਲੋਂ ਵਿੱਤੀ ਵਰ੍ਹੇ 2022-23 ਦੀ ਆਡਿਟ ਰਿਪੋਰਟ ਨੂੰ ਸਰਬਸੰਮਤੀ ਨਾਲ ਪ੍ਰਵਾਨ ਕੀਤਾ।

 ਬਲਜੀਤ ਸਿੰਘ ਨੇ ਕਿਹਾ ਕਿ ਸਿਟਰਸ ਅਸਟੇਟ ਦਾ ਸਟਾਫ ਕੰਨਟਰੈਕਟ ਉੱਪਰ ਰੱਖਿਆ ਗਿਆ ਹੈ ਸੋ ਉਨ੍ਹਾਂ ਨੇ ਪਿਛਲੇ ਸਮੇਂ ਦੌਰਾਨ ਬਹੁਤ ਵਧੀਆ ਕੰਮ ਕੀਤਾ ਹੈ ਸੋ ਉਨ੍ਹਾਂ ਨੂੰ ਵਾਧੂ ਕੰਮ ਬਦਲੇ ਕੁੱਝ ਇੰਨਸੈਨਟਿਵ ਦੇਨਾ ਚਾਹੀਦਾ ਹੈ ਜੋ ਕਿ ਅਸਟੇਟ ਦੀ ਆਮਦਨ ਵਧਾ ਕੇ ਕੀਤਾ ਜਾਵੇਗਾ, ਹਾਊਸ ਵੱਲੋਂ ਇਹ ਸਰਬਸੰਮਤੀ ਨਾਲ ਪ੍ਰਵਾਨ ਕੀਤਾ।

ਡਾ. ਬੀ.ਵੀ. ਮਹਾਜਨ, ਡਾਇਰੈਕਟਰ ਹਾਰਟੀਕਲਚਰ ਪੋਸਟ ਹਾਰਵੈਸਟ ਟੈਕਨੋਲੋਜੀ ਸੈਂਟਰ,ਪੀ.ਏ. ਯੂ. ਲੁਧਿਆਣਾ ਵੱਲੋਂ ਸਬਜ਼ੀਆਂ ਤੇ ਫਲਾਂ ਨੂੰ ਤੋੜਨ ਤੋਂ ਬਾਅਦ ਸਾੰਭ-ਸੰਭਾਲ ਬਾਰੇ ਵਿਸਥਾਰ-ਪੂਰਵਕ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਦੱਸਿਆ ਕਿ ਨਿੰਬੂ ਜਾਤੀ ਦੇ ਫਲ 60-70 ਦਿਨ ਕੋਲਡ ਸੈਂਟਰ ਵਿੱਚ ਰੱਖੇ ਦਾ ਸਕਦੇ ਹਨ।

ਡਾ. ਗੁਰਕੰਵਲ ਸਿੰਘ, ਸਾਬਕਾ ਡਾਇਰੈਕਟਰ ਬਾਗਬਾਨੀ ਵੱਲੋਂ ਸਰਕਾਰ ਵੱਲੋਂ ਬਣਾਈ ਜਾ ਰਹੀ ਖੇਤੀ ਨੀਤੀ ਸਬੰਧੀ ਵਿਚਾਰ-ਵਟਾਦਰਾਂ ਕੀਤਾ ਅਤੇ ਆਏ ਕਿਸਾਨਾਂ ਨੂੰ ਅਪੀਲ ਕੀਤੀ ਕਿ ਝੋਨੇ ਦੀ ਕਾਸ਼ਤ ਨਾ ਕੀਤੀ ਜਾਵੇ ਅਤੇ ਪਰਾਲੀ ਨਾ ਸਾੜੀ ਜਾਵੇ ਸਗੋਂ ਪਰਾਲੀ ਨੂੰ ਖਾਦ ਦੇ ਤੌਰ ਤੇ ਵਰਤਿਆ ਜਾਵੇ, ਉਨ੍ਹਾਂ ਵੱਲੋਂ ਕਿਸਾਨਾਂ ਨੂੰ ਵੱਧ ਤੋਂ ਵੱਧ ਬਾਗ ਲਗਾਉਣ ਲਈ ਵੀ ਕਿਹਾ ਗਿਆ। ਅੰਤ ਵਿੱਚ ਡਾ. ਲਖਵੀਰ ਸਿੰਘ ਵੱਲੋਂ ਸਾਲ 2022-23 ਦੌਰਾਨ ਕੀਤੇ ਸਮੁੱਚੇ ਖਰਚੇ ਅਤੇ ਆਮਦਨ ਸਬੰਧੀ ਸਰਬਸੰਮਤੀ ਨਾਲ ਪਾਸ ਹੋਏ ਆਡਿਟ ਲਈ ਕਿਸਾਨ ਮੈਂਬਰਾਂ ਦਾ ਧੰਨਵਾਦ ਕੀਤਾ ਅਤੇ ਬਾਗਬਾਨੀ ਵਿਭਾਗ ਵੱਲੋਂ ਚੱਲ ਰਹੀਆਂ ਸਕੀਮਾਂ ਸਬੰਧੀ ਵੀ ਜਾਣਕਾਰੀ ਦਿੱਤੀ।

ਇਸ ਸਮੇਂ ਹੋਰਨਾਂ ਤੋਂ ਇਲਾਵਾ ਡਾ. ਸੁਮਨਜੀਤ ਕੌਰ, ਇੰਚਾਰਜ ਫਲ ਖੋਜ ਕੇਂਦਰ ਗੰਗੀਆਂ, ਡਾ. ਪ੍ਰੇਮ ਸਿੰਘ, ਡਾ. ਵਿਕਰਮ ਸਿੰਘ, ਡਾ. ਹਰਪਾਲ ਸਿੰਘ, ਡਾ. ਸੰਦੀਪ ਸਿੰਘ, ਡਾ. ਦੀਪਕ ਸ਼ਰਮਾ,ਗੁਰਦੀਪ ਸਿੰਘ,ਸਤਵੀਰ ਸਿੰਘ,  ਹਰਜੀਤ ਸਿੰਘ, ਹਰਜਿੰਦਰ ਸਿੰਘ ਢਿੱਲੋਂ, ਹਰਜਿੰਦਰ ਸਿੰਘ ਧੂਰੀਆਂ, ਮਲਕੀਤ ਸਿੰਘ ਢੱਟ, ਮਾਸਟਰ ਰਛਪਾਲ ਸਿੰਘ, ਨਵਜੋਤ ਸਿੰਘ ਢੇਰੀ, ਜਗਤ ਸਿੰਘ,  ਗੁਰਕੀਰਤ ਸਿੰਘ,  ਏਕਨੁਰ ਸਿੰਘ ਥਿਆੜਾ,  ਜਸਪਿੰਦਰ ਸਿੰਘ ਧਾਮੀ, ਜੈਲ ਸਿੰਘ ਧਾਮੀ,  ਪ੍ਰੀਤਮਪਾਲ ਸਿੰਘ ਧਾਮੀ,  ਪਰਮਜੀਤ ਸਿੰਘ ਪੰਮੀ, ਬਲਵੀਰ ਸਿੰਘ,  ਸੁਭਾਸ਼ ਸ਼ਰਮਾ ਆਦਿ ਮੌਜੂਦ ਸਨ।