ਪਿੰਡ ਕੋਟ ਵਿਖੇ ਲੱਖਦਾਤਾ ਦਰਗਾਹ ਵਿਖੇ ਕਰਵਾਇਆ ਗਿਆ ਛਿੱਜ ਮੇਲਾ

ਲਵਪ੍ਰੀਤ ਖੱਨਾ ਨੇ ਮਾਲੀ ਦੀ ਕੁਸ਼ਤੀ ਜਿੱਤ ਕੇ 101000 ਰੁਪਏ ਦਾ ਜਿਤਿਆ ਇਨਾਮ

ਪਠਾਨਕੋਟ (ਪੰਕਜ , ਅਵਿਨਾਸ਼ ਸ਼ਰਮਾ) : ਧਾਰ ਬਲਾਕ ਦੇ ਪਿੰਡ ਕੋਟ ਵਿਖੇ ਬਲਾਕ ਸਮਿਤੀ ਮੈਂਬਰ ਬਲਕਾਰ ਸਿੰਘ ਪਠਾਨੀਆ ਦੀ ਪ੍ਰਧਾਨਗੀ ਹੇਠ ਸਾਲਾਨਾ ਛਿੰਝ ਮੇਲਾ ਕਰਵਾਇਆ ਗਿਆ। ਜਿਸ ਵਿੱਚ ਪਿੰਡ ਵਾਸੀਆਂ ਨੇ ਆਪਣਾ ਪੂਰਨ ਸਹਿਯੋਗ ਦਿੱਤਾ। ਇਸ ਸਬੰਧੀ ਵਧੇਰੇ ਜਾਣਕਾਰੀ ਦਿੰਦਿਆਂ ਬਲਕਾਰ ਪਠਾਣੀਆ ਨੇ ਦੱਸਿਆ ਕਿ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਇਹ ਮੇਲਾ ਸਮੁੱਚੇ ਪਿੰਡ ਵਾਸੀਆਂ ਦੇ ਸਹਿਯੋਗ ਨਾਲ ਕਰਵਾਇਆ ਗਿਆ, ਜਿਸ ਵਿੱਚ ਪੰਜਾਬ ਤੋਂ ਇਲਾਵਾ ਹੋਰਨਾਂ ਸੂਬਿਆਂ ਤੋਂ ਨਾਮਵਰ ਪਹਿਲਵਾਨਾਂ ਨੇ ਛਿੰਝ ਮੇਲੇ ਵਿੱਚ ਪਹੁੰਚ ਕੇ ਅਖਾੜੇ ਵਿੱਚ ਆਪਣੀ ਕੁਸ਼ਤੀ ਦੇ ਜੌਹਰ ਦਿਖਾਏ। ਉਨ੍ਹਾਂ ਨੌਜਵਾਨਾਂ ਨੂੰ ਸੰਦੇਸ਼ ਦਿੰਦਿਆਂ ਕਿਹਾ ਕਿ ਨੌਜਵਾਨਾਂ ਨੂੰ ਨਸ਼ਿਆਂ ਤੋਂ ਦੂਰ ਰਹਿਣਾ ਚਾਹੀਦਾ ਹੈ ਅਤੇ ਨਸ਼ਿਆਂ ਦਾ ਸੇਵਨ ਨਹੀਂ ਕਰਨਾ ਚਾਹੀਦਾ, ਆਪਣੀ ਸਿਹਤ ਦਾ ਖਿਆਲ ਰੱਖਣਾ ਚਾਹੀਦਾ ਹੈ ਅਤੇ ਨੌਜਵਾਨਾਂ ਨੂੰ ਖੇਡਾਂ ਵੱਲ ਵੱਧ ਤੋਂ ਵੱਧ ਰੁਚੀ ਦਿਖਾਉਣੀ ਚਾਹੀਦੀ ਹੈ ਤਾਂ ਜੋ ਉਨ੍ਹਾਂ ਦੀ ਸਿਹਤ ਤੰਦਰੁਸਤ ਰਹਿ ਸਕੇ।
ਬਲਕਾਰ ਪਠਾਨੀਆ ਨੇ ਦੱਸਿਆ ਕਿ ਇਸ ਵਾਰ ਕਮੇਟੀ ਵੱਲੋਂ ਵੱਡੀ ਮਾਲੀ ਦੀ ਕੁਸ਼ਤੀ ਦਾ ਇਨਾਮ 101000 ਅਤੇ ਛੋਟੀ ਮਾਲੀ ਦੀ ਕੁਸ਼ਤੀ ਦਾ ਇਨਾਮ 51000 ਹਜ਼ਾਰ ਰੱਖਿਆ ਗਿਆ ਸੀ। ਵੱਡੀ ਮਾਲੀ ਕੁਸ਼ਤੀ ਲਵਪ੍ਰੀਤ ਖੱਨਾ ਨੇ ਆਪਣੀ ਨਾਂ ਨਾਂਮ ਰਹੀ ਅਤੇ ਛੋਟੀ ਮਾਲੀ ਦੀ ਕੁਸ਼ਤੀ ਵਿਨੈ ਜੰਮੂ ਦੇ ਨਾਂਮ ਰਹੀ। ਇਸ ਮੌਕੇ ਤੇ ਬਲਕਾਰ ਪਠਾਨੀਆ ਪੰਮੀ ਪਠਾਣੀਆ ਰਾਜ ਸਿੰਘ ਸੁਰਜੀਤ ਸਿੰਘ ਤਰਸੇਮ ਕੁਮਾਰ ਮਨੋਹਰ ਕੁਮਾਰ ਕਰਨੈਲ ਸਿੰਘ ਪੂਰੀ ਪਠਾਨੀਆ ਕਰਨੈਲ ਸਿੰਘ ਬਾਕੀ ਕਮੇਟੀ ਦੇ ਸਾਰੇ ਮੈਂਬਰ ਹਾਜ਼ਰ ਸਨ।