ਹੁਸ਼ਿਆਰਪੁਰ (ਚੌਧਰੀ) 

3 ਅਗਸਤ : ਅੱਜ ਆਪਣੀਆਂ ਹੱਕੀ ਮੰਗਾਂ ਨੂੰ ਲੈ ਕੇ ਪੀ ਐਚ ਡੀ ਗੌਰਮਿੰਟ ਸਕੂਲ ਟੀਚਰ ਐਸੋਸੀਏਸ਼ਨ ਦਾ ਵਫਦ ਕੈਬਨਿਟ ਮੰਤਰੀ ਬ੍ਰਮ ਸ਼ੰਕਰ ਜਿੰਪਾ ਨੂੰ ਮਿਲਿਆ। ਉਨ੍ਹਾਂ  ਸਿਖਿਆ ਮੰਤਰੀ ਦੇ ਨਾਂ ਤੇ ਆਪਣੀ ਮੰਗਾਂ ਸਬੰਧੀ ਇੱਕ ਮੰਗ ਪੱਤਰ ਕੈਬਨਿਟ ਮੰਤਰੀ ਸਾਹਿਬ ਨੂੰ ਸੌਂਪਿਆ। ਇਸ ਸਬੰਧੀ ਡਾ ਕੁਲਦੀਪ ਮਨਹਾਸ ਨੇ ਦੱਸਿਆ ਕਿ ਬ੍ਰਹਮ ਸ਼ੰਕਰ ਜਿੰਪਾ ਕੈਬਨਿਟ ਮੰਤਰੀ ( ਮਾਲ ਵਿਭਾਗ) ਜੀ ਜਿਹਨਾਂ ਨੇ ਵਿਸੇਸ ਤੌਰ ਤੇ ਮੀਟਿੰਗ ਸਮੇਂ ਹਾਜਰ ਹੁੰਦਿਆਂ ਐਸੋਸੀਏਸ਼ਨ ਦੀਆਂ ਮੰਗਾਂ ਦਾ ਸਮਰਥਨ ਕਰਦਿਆਂ ਸ਼ਿਫਾਰਸ਼ ਕੀਤੀ । ਇਸ ਮੌਕੇ ਤੇ ਪੀਐੱਚ. ਡੀ.ਵਰਗ ਨੂੰ ਮਾਣ ਸਨਮਾਨ ਦਿਵਾਉਣ ਵਾਸਤੇ ਕੈਬਨਿਟ ਮੰਤਰੀ ਵਲੋਂ ਸਿਖਿਆ ਮੰਤਰੀ ਅਤੇ ਮੁੱਖ ਮੰਤਰੀ ਸਾਹਿਬ ਨਾਲ ਖੁਦ ਵਕੀਲ ਬਣ ਕੇ ਮੀਟਿੰਗ ਦਾ ਪ੍ਰਬੰਧ ਕਰਵਾਉਣ ਲਈ ਕਾਰਵਾਈ ਸ਼ੁਰੂ ਕੀਤੀ। ਇਸ ਮੌਕੇ ਤੇ ਡਾ. ਕੁਲਦੀਪ ਸਿੰਘ ਮਨਹਾਸ , ਡਾ. ਮੀਨੂੰ ,ਡਾ.ਰਿੱਤੂ ਕੁਮਰਾ ਅਤੇ. ਡਾ ਰਮਿੰਦਰ ਕੌਰ ਆਦਿ ਹਾਜਰ ਸਨ।

ਇਹ ਹਨ ਇਹਨਾਂ ਦੀਆਂ ਮੰਗਾਂ : –

1) ਸਿੱਖਿਆ ਵਿਭਾਗ ਵਿਚ ਹਰੇਕ ਪੱਧਰ ਦੀਆਂ ਤਰੱਕੀਆਂ ਵਿਚ 15% ਕੋਟਾ ਨਿਸ਼ਚਿਤ ਕੀਤਾ ਜਾਵੇ।

2) ਪ੍ਰਾਇਮਰੀ ਸਿੱਖਿਆ ਵਿਭਾਗ ਤੋਂ ਸੈਕੰਡਰੀ ਸਿੱਖਿਆ ‘ਚ ਤਰੱਕੀਆਂ ਦੀ ਤਰਜ਼ ਤੇ ਪੀਐੱਚ. ਡੀ. ਅਧਿਆਪਕਾਂ ਲਈ ਡਿਗਰੀ ਕਾਲਜਾਂ, ਯੂਨੀਵਰਸਿਟੀਆਂ, ਪੰਜਾਬ ਸਕੂਲ ਸਿੱਖਿਆ ਬੋਰਡ ਅਤੇ ਸਿੱਖਿਆ ਨਾਲ ਸਬੰਧਿਤ ਹੋਰ ਵਿਭਾਗਾਂ ਵਿਚ ਤਰੱਕੀਆਂ ਦਾ ਰਸਤਾ 50% ਕੋਟਾ ਦੇ ਕੇ ਖੋਲਿਆ ਜਾਵੇ।

3) ਸਟੇਟ/ ਨੈਸ਼ਨਲ ਅਵਾਰਡੀ ਅਧਿਆਪਕਾਂ ਦੀ ਤਰਜ ਤੇ ਪੀ ਐਚ ਡੀ ਅਧਿਆਪਕ ਵਰਗ ਨੂੰ ਨੌਕਰੀ ‘ਚ ਵਾਧਾ ਦਿੱਤਾ ਜਾਵੇ।

 (4) ਸਕੂਲ ਸਿਖਿਆ ਵਿਭਾਗ ਚ ਰਹਿੰਦਿਆਂ ਪੀਐੱਚ. ਡੀ. ਵਰਗ ਨੂੰ ਕਾਲਜਾਂ / ਯੂਨੀਵਰਸਿਟੀਆਂ ਦੀ ਤਰਜ਼ ਤੇ ਵਿੱਤੀ ਲਾਭ ( ਵਾਧੂ ਇਨਕਰੀਮੈਂਟਾਂ ਦੇ ਰੂਪ ‘ਚ ) ਦਿੱਤਾ ਜਾਵੇ।

ਫੁਟਕਲ :-

a) ਰਾਜ ਪੱਧਰੀ ਸਮੇਤ ਰਾਸ਼ਟਰੀ ਅਤੇ ਅੰਤਰਰਾਸਟਰੀ ਸੈਮੀਨਾਰਾਂ ‘ਚ ਹਿੱਸਾ ਲੈਣ ਲਈ ਸਕੂਲਾਂ ‘ਚ ਕੰਮ ਕਰਦੇ ਬੁੱਧੀਜੀਵੀਆਂ ਨੂੰ ਆਨ ਡਿਊਟੀ ਜਾਣ ਲਈ ਪਹਿਲਾਂ ਤੋਂ ਜਾਰੀ ਹਦਾਇਤਾਂ ਵਿਚ ਵਾਧਾ ਕੀਤਾ ਜਾਵੇ।

b) ਇਸ ਵਰਗ ਨੂੰ ਅਧਿਐਨ ਕਰਨ ਲਈ ਪੰਜਾਬ ਦੀਆਂ ਸਰਕਾਰੀ ਯੂਨੀਵਰਸਿਟੀਆਂ / ਆਰਕਾਈਵਜ਼ ਆਦਿ ਦੀਆਂ ਲਾਇਬ੍ਰੇਰੀਆਂ ਦੀ ਸਕੂਲਾਂ ‘ਚ ਕੰਮ ਕਰਦੇ ਅਤੇ ਰਿਟਾਇਰਡ ਬੁੱਧੀਜੀਵੀਆਂ ਨੂੰ ਉਮਰ ਭਰ ਲਈ ਮੈਂਬਰਸ਼ਿਪ ਦਿੱਤੀ ਜਾਵੇ।