ਵੱਡੀ ਖਬਰ.. ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਆਏ ਪਰਿਵਾਰਕ ਮੈਬਰਾਂ ਵਲੋਂ ਫੜ ਕੇ ਕੀਤੇ ਪੁਲਿਸ ਹਵਾਲੇ

ਤਹਿਸ ਵਿੱਚ ਆਏ ਉਨ੍ਹਾਂ ਦੇ ਸਾਥੀਆਂ ਵਲੋਂ ਤੇਜਧਾਰ ਹਥਿਆਰਾ ਨਾਲ ਕੀਤਾ ਜ਼ਖਮੀ .. ਮਾਮਲਾ ਦਰਜ

ਨਵਾਂਸ਼ਹਿਰ / ਬਲਾਚੌਰ (ਜਤਿੰਦਰ ਪਾਲ ਸਿੰਘ ਕਲੇਰ ) : ਸਥਾਨਕ ਥਾਣਾ ਸਦਰ ਬਲਾਚੌਰ ਵਿੱਚ ਪੈਂਦੇ ਪਿੰਡ ਮਹਿਤਪੁਰ ਵਿੱਚ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਦੇਣ ਪੁੱਜੇ ਵਿਅਕਤੀ ਨੂੰ ਜਦੋਂ ਉਹਨਾ ਫੜ ਕੇ ਪੁਲਿਸ ਹਵਾਲੇ ਕੀਤਾ ਤਾਂ ਕੁੱਝ ਸਮੇਂ ਬਾਅਦ ਤਹਿਸ ਵਿੱਚ ਆਏ ਉਨ੍ਹਾਂ ਦੇ ਸਾਥੀਆਂ ਵਲੋਂ ਉਸੇ ਪਰਿਵਾਰ ਦੇ ਦੋ ਮੈਂਬਰਾਂ ਨੁੂੰ ਤੇਜ਼ ਹਥਿਆਰਾ ਨਾਲ ਜਾਨ ਲੇਵਾ ਹਮਲਾ ਕਰਕੇ ਸਖਤ ਜਖਮੀ ਕੀਤੇ ਜਾਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ । ਪੁਲਿਸ ਵਲੋਂ ਇਹਨਾਂ ਵਿੱਚੋ ਕੁੱਝ ਨੌਜਵਾਨਾ ਨੂੰ ਹਿਰਾਸਤ ਵਿੱਚ ਵੀ ਲਿਆ ਗਿਆ ਹੈ। ਪੁਲਿਸ ਪਾਸ ਦਿੱਤੇ ਬਿਆਨਾ ਅਨੁਸਾਰ ਹਰਦੀਪ ਸਿੰਘ ਪੁੱਤਰ ਤਰਸੇਮ ਸਿੰਘ ਪਿੰਡ ਮਹਿਤਪੁਰ ਨੇ ਦੱਸਿਆ ਕਿ ਬੀਤੀ ਸ਼ਾਮ ਉਹਨਾ ਦੇ ਘਰ ਅੱਗੇ ਇੱਕ ਨੌਜਵਾਨ ਲੁੱਟ ਦੀ ਵਾਰਦਾਤ ਨੂੰ ਅੰਜ਼ਾਮ ਲਈ ਉਨ੍ਹਾਂ ਦੀ ਮਾਤਾ ਦੀਆਂ ਕੰਨਾ ਦੀਆਂ ਵਾਲੀਆ ਨੂੰ ਝਪਟ ਮਾਰ ਕੇ ਫਰਾਰ ਹੋ ਲੱਗਾ ਤਾਂ ਉਨ੍ਹਾਂ ਵਲੋਂ ਕਾਬੂ ਕਰਕੇ ਪੁਲਿਸ ਨੂੰ ਇਤਲਾਹ ਦਿੱਤੀ ਤਾਂ ਇੰਨੇ ਨੂੰ ਉਸ ਦਾ ਪਿਤਾ ਸਮੇਤ ਕ੍ਰੀਬ 15 ਮੁੰਡੇ ਮੋਟਰ ਸਾਇਕਲਾ ਉਪਰ ਉਥੇ ਪੁੱਜੇ ਜਿਨ੍ਹਾਂ ਦੇ ਹੱਥਾ ਵਿੱਚ ਤੇਜਧਾਰ ਹਥਿਆਰਾ ਨਾਲ ਲੈਂਸ ਹੋ ਕੇ ਉਨ੍ਹਾਂ ਦੇ ਘਰ ਪੁੱਜੇ । ਜਿੱਥੇ ਕਿ ਉਹਨਾ ਨਾਲ ਝਗੜਾ ਕਰਨ ਲੱਗ ਪਏ । ਏਨੇ ਨੂੰ ਮੌਕੇ ਤੇ ਪੁਲਿਸ ਵੀ ਪੁੱਜ ਗਈ ਜਿਨ੍ਹਾਂ ਨੂੰ ਵੇਖ ਉਹ ਉਥੋ ਫਰਾਰ ਹੋ ਗਏ ਮਗਰ ਪੁਲਿਸ ਵਲੋਂ 2 ਨੌਜਵਾਨਾ ਨੂੰ ਮੌਕੇ ਤੇ ਮੋਟਰ ਸਾਇਕਲਾ ਸਮੇਤ ਕਾਬੂ ਕਰ ਲਿਆ । ਪੁਲਿਸ ਕਾਬੂ ਕੀਤੇ ਨੌਜਵਾਨਾ ਨੂੰ ਥਾਣੇ ਲੈ ਗਈ ਅਤੇ ਉਨ੍ਹਾਂ ਨੂੰ ਵੀ ਥਾਣੇ ਆਉਣ ਲਈ ਕਿਹਾ । ਜਦੋਂ ਹਰਦੀਪ ਕੁਮਾਰ ਅਤੇ ਉਸ ਦੇ ਤਾਏ ਦਾ ਲੜਕਾ ਜਸਵੰਤ ਸਿੰਘ ਪੁੱਤਰ ਅਮਰੀਕ ਸਿੰਘ ਪਿੰਡ ਮਹਿਤਪੁਰ ਥਾਣਾ ਸਦਰ ਬਲਾਚੌਰ ਨੂੰ ਮੋਟਰ ਸਾਇਕਲਾ ਤੇ ਜਾ ਰਹੇ ਸਨ ਅਤੇ ਅਜੇ ਉਹ ਮੈਕਡੋਨਰ ਫਾਸਟ ਫੂਡ ਪਿੰਡ ਗੜੀਕਾਨੂੰਗੋ ਲਾਗੇ ਪੁੱਜੇ ਤਾਂ ਉਥੇ ਘਾਤ ਲਾ ਕੇ ਖੜੇ ਨੌਜਵਾਨਾ ਨੇ ਉਨ੍ਹਾਂ ਉਪਰ ਤੇਜਧਾਰ ਹਥਿਆਰਾ ਨਾਲ ਮੁੜ ਹਮਲਾ ਕਰ ਦਿੱਤਾ ਅਤੇ ਮੌਕੇ ਤੋਂ ਫਰਾਰ ਹੋ ਗਏ । ਉਹਨਾਂ ਨੂੰ ਸਿਵਲ ਹਸਪਤਾਲ ਬਲਾਚੌਰ ਵਿੱਚ ਦਾਖਲ ਕਰਾਇਆ ਗਿਆ ਜਿੱਥੇ ਕਿ ਉਹ ਜੇਰੇ ਇਲਾਜ਼ ਹਨ । ਪ੍ਰਾਪਤ ਹੋਈ ਜਾਣਕਾਰੀ ਅਨੁਸਾਰ ਕਥਿਤ ਦੋਸ਼ੀਆ ਖਿਲਾਫ ਥਾਣਾ ਸਦਰ ਅਤੇ ਥਾਣਾ ਸਿਟੀ ਬਲਾਚੌਰ ਵਿੱਚ ਦੋ ਵੱਖ ਵੱਖ ਮੁਕੱਦਮੇ ਦਰਜ ਹੋਏ । ਤਫਤੀਸ਼ੀ ਅਧਿਕਾਰੀ ਏਐਸਆਈ ਲਖਵੀਰ ਚੰਦ ਨੇ ਦੱਸਿਆ ਕਿ ਮੁਕੱਦਮਾ ਦਰਜ ਕਰਕੇ ਉਨ੍ਹਾਂ ਵਲੋਂ ਅਗਲੇਰੀ ਕਾਰਵਾਈ ਆਰੰਭ ਕਰ ਦਿੱਤੀ ਹੈ।

ਫੋਟੋ : ਸਿਵਲ ਹਸਪਤਾਲ ਬਲਾਚੌਰ ਜਖਮੀ ਜਸਵੰਤ ਸਿੰਘ ਅਤੇ ਹਰਦੀਪ ਕੁਮਾਰ ਜਾਣਕਾਰੀ ਦਿੰਦਾ ਹੋਇਆ।