ਦਸੂਹਾ, 18 ਦਸੰਬਰ (ਚੌਧਰੀ )- ਦਸੂਹਾ ਵਿਖੇ ਇਕ ਅਣਪਛਾਤੀ ਔਰਤ ਵਲੋਂ ਇਕ ਢਾਈ ਸਾਲ ਦਾ ਬੱਚਾ ਅਗਵਾ ਕਰਨ ਦਾ ਮਾਮਲਾ ਸਾਹਮਣੇ ਆਇਆ ਹੈ। ਮਿਲੀ ਜਾਣਕਾਰੀ ਮੁਤਾਬਿਕ ਦਲਜੀਤ ਸਿੰਘ ਨਾਂ ਦਾ ਬੱਚਾ ਜਿਸ ਦੀ ਉਮਰ ਢਾਈ ਮਹੀਨੇ ਦੱਸੀ ਜਾ ਰਹੀ ਹੈ,ਜਿਸ ਦੀ ਮਾਤਾ ਮਨਜੀਤ ਕੌਰ ਪਤਨੀ ਰਮਨ ਕੁਮਾਰ ਪਿੰਡ ਰਾਣਾ (ਗੜ੍ਹਦੀਵਾਲਾ) ਤੋਂ ਦਸੂਹਾ ਦੇ ਗੁਰੂ ਨਾਨਕ ਮਿਸ਼ਨ ਹਸਪਤਾਲ ਵਿਖੇ ਬੱਚੇ ਨੂੰ ਡਾਕਟਰ ਕੋਲ ਦਿਖਾਉਣ ਲਈ ਆਈ ਸੀ। ਇਸ ਦੌਰਾਨ ਇਕ ਅਣਪਛਾਤੀ ਔਰਤ ਨੇ ਉਸ ਦੀ ਮਾਤਾ ਨਾਲ ਜਾਣ ਪਛਾਣ ਕਰ ਲਈ ਅਤੇ ਰਸਤੇ ‘ਚ ਉਸ ਦੀ ਮਾਤਾ ਮਨਜੀਤ ਕੌਰ ਨੂੰ ਵਰਗ਼ਲਾ ਫੁਸਲਾ ਕੇ ਬੱਚਾ ਫੜਿਆ ਅਤੇ ਅਚਾਨਕ ਉਹ ਅਣਪਛਾਤੀ ਔਰਤ ਛੋਟਾ ਬੱਚਾ ਲੈ ਕੇ ਗ਼ਾਇਬ ਹੋ ਗਈ। ਇਸ ਖ਼ਬਰ ਨਾਲ ਇਲਾਕੇ ਵਿਚ ਦਹਿਸ਼ਤ ਦਾ ਮਾਹੌਲ ਹੈ।
ਸੂਤਰਾਂ ਅਨੁਸਾਰ ਦਸੂਹਾ ਪੁਲਿਸ ਨੇ ਸੂਚਨਾ ਮਿਲਦੇ ਹੀ ਜਲਦ ਹੀ ਘਟਨਾ ਦੀ ਜਾਣਕਾਰੀ ਲਈ ਅਤੇ ਬੱਚੇ ਨੂੰ ਬਰਾਮਦ ਕਰ ਲਿਆ ਹੈ ਅਤੇ ਅਗਵਾ ਕਰਨ ਵਾਲੀ ਔਰਤ ਨੂੰ ਵੀ ਗ੍ਰਿਫਤਾਰ ਕੀਤਾ। ਪੁਲਿਸ ਵਲੋਂ ਉਸ ਔਰਤ ਪਾਸੋਂ ਪੁੱਛਗਿੱਛ ਜਾਰੀ ਹੈ।
ਸੂਤਰਾਂ ਅਨੁਸਾਰ ਇਹ ਬੱਚਾ ਸ਼ੈਲੀ ਸ਼ਰਮਾ ਪਤਨੀ ਓਂਕਾਰ ਸਿੰਘ ਵਾਸੀ ਗਗ ਸੁਲਤਾਨਪੁਰ ਨੇ ਆਪਣੇ ਕੁੜੀ ਜੋਕਿ ਮਨਸੂਰ ਵਿਖੇ ਵਿਆਹੀ ਹੋਈ ਹੈ ਉਸ ਨੂੰ ਇਹ ਬੱਚਾ ਚੁਰਾ ਕੇ ਦੇ ਦਿੱਤਾ ਸੀ। ਜਿਕਰਯੋਗ ਹੈ ਕਿ ਸ਼ੈਲੀ ਸ਼ਰਮਾ ਦੀ ਕੁੜੀ ਦੇ ਘਰ 2 ਕੁੜੀਆਂ ਹੀ ਹਨ ਇਸ ਕਰਕੇ ਉਸਨੇ ਇਹ 2.5 ਮਹੀਨਿਆਂ ਦਾ ਬੱਚਾ ਚੁਰਾ ਕੇ ਆਪਣੀ ਕੁੜੀ ਨੂੰ ਦੇ ਦਿੱਤਾ ਸੀ ।
