ਪਠਾਨਕੋਟ (ਤਰੁਣ ਸਣਹੋਤਰਾ)

1 ਮਈ : ਅੱਜ ਭੀਮ ਨੌਜਵਾਨ ਸਭਾ ਵੱਲੋਂ ਕਾਂਗਰਸੀ ਆਗੂ ਸੁਖਪਾਲ ਸਿੰਘ ਖਹਿਰਾ ਦਾ ਵਿਰੋਧ ਕੀਤਾ ਗਿਆ। ਪ੍ਰਧਾਨ ਨੀਰਜ ਭੱਟੀ ਨੇ ਇਸ ਮੌਕੇ ਗੱਲ ਕਰਦਿਆਂ ਕਿਹਾ ਕਿ ਭੋਆ ਹਲਕਾ ਪਠਾਨਕੋਟ ਵਿੱਚ ਕਾਂਗਰਸ ਪਾਰਟੀ ਨੇ ਕਦੇ ਵੀ ਕਿਸੇ ਗਰੀਬ ਦਲਿਤ ਤੇ ਆਮ ਆਦਮੀ ਨੂੰ ਮੰਤਰੀ ਨਹੀਂ ਬਣਾਇਆ, ਅੱਜ ਜਦੋਂ ਲਾਲਚੰਦ ਕਟਾਰੁਚਕਕ ਨੂੰ ਪੰਜਾਬ ਦਾ ਮੰਤਰੀ ਬਣਾਇਆ ਗਿਆ ਹੈ ਤਾਂ ਇਸ ਕਾਰਨ ਕਾਂਗਰਸ ਪਾਰਟੀ ਪਰੇਸ਼ਾਨ ਹੋ ਗਈ ਹੈ ਅਤੇ ਕਾਂਗਰਸ ਮੰਤਰੀ ‘ਤੇ ਝੂਠੇ ਇਲਜ਼ਾਮ ਲਗਾ ਰਹੀ ਹੈ।ਉਹਨਾਂ ਕਿਹਾ ਕਿ ਇਹ ਪਾਰਟੀ ਦੱਸੇ ਕਿ ਉਹ ਪੰਜਾਬ ਵਿੱਚ ਕਿੰਨੀ ਵਾਰ ਸੱਤਾ ਵਿੱਚ ਰਹੀ ਹੈ ਅਤੇ ਕਿੰਨੀ ਵਾਰ ਇਸ ਪਾਰਟੀ ਨੇ ਆਮ ਦਲਿਤ ਅਤੇ ਗਰੀਬ ਆਦਮੀ ਨੂੰ ਭੋਆ ਵਿੱਚੋ ਮੰਤਰੀ ਬਣਾਇਆ ਹੈ।ਉਹਨਾਂ ਕਿਹਾ ਭੀਮ ਨੌਜਵਾਨ ਸਭਾ ਕਾਂਗਰਸ ਆਗੂ ਸੁਖਪਾਲ ਸਿੰਘ ਖਹਿਰਾ ਦਾ ਵਿਰੋਧ ਕਰਦੀ ਹੈ ਅਤੇ ਪੰਜਾਬ ਭਰ ਵਿੱਚ ਸੁਖਪਾਲ ਸਿੰਘ ਖਹਿਰਾ ਦਾ ਪੁਤਲਾ ਫੂਕਿਆ ਜਾਵੇਗਾ।ਉਹਨਾਂ ਕਿਹਾ ਕਿ ਲਾਲਚੰਦ ਕਟਾਰੂਚੱਕ ਇੱਕ ਇਮਾਨਦਾਰ ਵਿਅਕਤੀ ਹੈ ਅਤੇ ਸਾਧਾਰਨ ਪਰਿਵਾਰ ਵਿੱਚ ਪੈਦਾ ਹੋਏ ਹਨ।ਉਹਨਾਂ ਕਿਹਾ ਕਿ ਭੀਮ ਨੌਜਵਾਨ ਸਭਾ ਲਾਲਚੰਦ ਕਟਾਰੁਚਕਕ ਨਾਲ ਪੂਰੀ ਤਰ੍ਹਾਂ ਨਾਲ ਖੜੀ ਰਵੇਗੀ।