ਗੜ੍ਹਦੀਵਾਲਾ 27 ਜਨਵਰੀ (ਚੌਧਰੀ / ਯੋਗੇਸ਼ ਗੁਪਤਾ)

ਬਾਬਾ ਦੀਪ ਸਿੰਘ ਜੀ ਦੇ ਪ੍ਰਕਾਸ਼ ਦਿਹਾੜੇ ਮੌਕੇ ਐਂਬੁਲੈਂਸ, ਫਾਇਰ ਬ੍ਰਿਗੇਡ ਅਤੇ ਸ਼ਵ ਵਾਹਨ ਦੀਆਂ ਸਹੂਲਤਾਂ ਇਲਾਕੇ ਦੇ ਲੋਕਾਂ ਲਈ ਕੀਤੀਆਂ ਚਾਲੂ : ਪ੍ਰਧਾਨ ਤਲਵੰਡੀ

: ਬਾਬਾ ਦੀਪ ਸਿੰਘ ਸੇਵਾ ਦਲ ਐਡ ਵੈਲਫੇਅਰ ਸੋਸਾਇਟੀ ਗੜ੍ਹਦੀਵਾਲਾ ਵਲੋਂ ਬਾਬਾ ਦੀਪ ਸਿੰਘ ਜੀ ਦੇ ਪ੍ਰਕਾਸ਼ ਦਿਹਾੜੇ ਨੂੰ ਸਮਰਪਿਤ ਕੀਰਤਨ ਦਰਬਾਰ ਕਰਵਾਇਆ ਗਿਆ। ਇਸ ਮੌਕੇ ਸੰਸਥਾ ਵਲੋਂ ਸਵ: ਬਾਪੂ ਚੈਨ ਸਿੰਘ, ਸਵ: ਮਾਸਟਰ ਗੁਰਿੰਦਰਜੀਤ ਸਿੰਘ ਜੀਆ ਸਹੋਤਾ ਕਲਾਂ ਦੀ ਯਾਦ ਵਿਚ ਇਲਾਕੇ ਲਈ ਐਂਬੂਲੈਂਸ, ਸ਼ਵ ਵਾਹਨ ਤੇ ਫਾਇਰ ਬ੍ਰਿਗੇਡ ਦੀ ਸੇਵਾ ਚਾਲੂ ਕੀਤੀ ਗਈ ਹੈ ਤੇ ਇੱਕ ਐਂਬੂਲੈਂਸ ਸਵ: ਦਰਬਾਰਾ ਸਿੰਘ ਧੂਤ ਦੀ ਯਾਦ ਵਿੱਚ ਕੰਢੀ ਖੇਤਰ ਲਈ ਚਾਲੂ ਕੀਤੀ ਗਈ ਹੈ। ਇਸ ਕੀਰਤਨ ਦਰਬਾਰ ਵਿਚ ਭਾਈ ਇੰਦਰਜੀਤ ਸਿੰਘ ਸੁਹਾਣਾ ਵਾਲੇ, ਭਾਈ ਜਗਤਾਰ ਸਿੰਘ ਦਲ ਕਵੀਸ਼ਰੀ ਜੱਥਾ,ਭਾਈ ਸਰਤਾਜ ਸਿੰਘ ਬਸਰਾਵਾਂ ਕਥਾ ਵਾਚਕ,ਭਾਈ ਹਰਭਜਨ ਸਿੰਘ ਸੋਤਲਾ ਵਾਲੇ,ਭਾਈ ਰਵਿੰਦਰ ਸਿੰਘ ਹਜੂਰੀ ਰਾਗੀ ਸ੍ਰੀ ਦਰਬਾਰ ਸਾਹਿਬ ਅੰਮ੍ਰਿਤਸਰ, ਭਾਈ ਬਰਜਿੰਦਰ ਸਿੰਘ ਪਰਵਾਨਾ ਦਮਦਮੀ ਟਕਸਾਲ ਜੱਥਾ ਰਾਜਪੁਰਾ, ਮਨਜੀਤ ਸਿੰਘ ਸੋਹੀ ਕਵਿਸ਼ਰੀ ਜੱਥਾ ਤੇ ਭਾਈ ਗੁਰਪ੍ਰੀਤ ਸਿੰਘ ਲਾਂਡਰਾਂ ਵਾਲੇ ਢਾਡੀ ਜੱਥੇ ਨੇ ਸੰਗਤਾਂ ਨੂੰ ਗੁਰੂ ਚਰਨਾਂ ਨਾਲ ਜੋੜ ਕੇ ਨਿਹਾਲ ਕੀਤਾ। ਇਸ ਮੌਕੇ ਲਾਇਨ ਕਲੱਬ ਲੰਡਨ ਵਲੋਂ ਫ੍ਰੀ ਅੱਖਾਂ ਦਾ ਚੈੱਕਅਪ ਕੈਂਪ ਲਗਾਇਆ ਗਿਆ, ਜਿਸ ਵਿਚ ਡਾ ਲਵਪ੍ਰੀਤ ਸਿੰਘ ਪਾਬਲਾ,ਡਾ ਗੁਰਜੋਤ ਸਿੰਘ ਪਾਬਲਾ ਤੇ ਡਾ ਨਿਰਮਲ ਸਿੰਘ ਦਾਰਾਪੁਰ ਵਲੋਂ ਮਰੀਜਾਂ ਦਾ ਚੈੱਕਅਪ ਕੀਤਾ ਗਿਆ ਤੇ ਮਰੀਜ਼ਾਂ ਨੂੰ ਫ੍ਰੀ ਲੈਂਜ ਵੀ ਪਾਏ ਜਾਣਗੇ। ਇਸ ਮੌਕੇ ਇਲਾਕੇ ਦੀਆਂ ਧਾਰਮਿਕ, ਰਾਜਨੀਤਿਕ ਸ਼ਖਸ਼ੀਅਤਾਂ ਵਲੋਂ ਹਾਜਰੀ ਭਰੀ ਗਈ। ਇਸ ਮੌਕੇ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਸ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਪ੍ਰਸ਼ੋਤਮ ਸਿੰਘ ਬਾਹਗਾ, ਜਸਵੀਰ ਸਿੰਘ ਰਾਜਾ ਹਲਕਾ ਵਿਧਾਇਕ ਉੜਮੁੜ ਟਾਂਡਾ ,ਸ ਕਰਮਵੀਰ ਸਿੰਘ ਘੁੰਮਣ ਹਲਕਾ ਵਿਧਾਇਕ ਦਸੂਹਾ,ਲਖਵਿੰਦਰ ਸਿੰਘ ਲੱਖੀ, ਇਕਬਾਲ ਸਿੰਘ ਜੌਹਲ, ਸ਼ੁਭਮ ਸਹੋਤਾ,ਗੁਰਪ੍ਰੀਤ ਸਿੰਘ ਮਨੁਖਤਾ ਦੀ ਸੇਵਾ ਸੋਸਾਇਟੀ ਲੁਧਿਆਣਾ , ਜਗਜੀਤ ਸਿੰਘ ਜੱਗਾ ਬਾਬਾ ਕਪੂਰਥਲਾ,ਦਵਿੰਦਰ ਸਿੰਘ ਮੂਨਕ, ਭਾਈ ਹਰਪ੍ਰੀਤ ਸਿੰਘ ਟਾਹਲੀ ਸਾਹਿਬ,ਜੰਗਵੀਰ ਸਿੰਘ ਚੌਹਾਨ, ਹਰਮਿਰਨ ਸਿੰਘ ਹਿਊਮਨ ਕੇਅਰ ਵੈਲਫੇਅਰ ਕਲੱਬ ਪਟਿਆਲਾ, ਸੁੱਖ ਰੰਧਾਵਾ ਮਸੰਦਾਂ,ਰਾਜ ਸਿੰਘ ਖਾਲਸਾ ਸਰਬੱਤ ਦਾ ਭਲਾ ਵੈਲਫੇਅਰ ਕਲੱਬ ਦੀਨਾਨਗਰ, ਮਨਿੰਦਰ ਲਦਾਲ ਪਰਵੀ, ਮਨਦੀਪ ਸਿੰਘ ਖਾਲਸਾ,ਐਡਵੋਕੇਟ ਗੁਰਵੀਰ ਸਿੰਘ ਚੌਟਾਲਾ,ਮਨਦੀਪ ਸਿੰਘ ਟਾਂਡਾ ਜੌੜਿਆਂ ਦੀ ਸੇਵਾ,ਸਰਪੰਚ ਚੈਂਚਲ ਸਿੰਘ ਬਾਹਗਾ,ਸਰਪੰਚ ਮਾਣਾ ਦਾਰਾਪੁਰ,ਜਵਾਹਰ ਸਿੰਘ,ਸੁਖ ਰੰਧਾਵਾ ਮਸੰਦਾਂ, ਹਰਦੀਪ ਸਿੰਘ ਖੁੱਡਾ, ਜਸਵਿੰਦਰ ਸਿੰਘ ਪੰਡੋਰੀ,ਸਰਬ ਬੁੱਟਰ,ਮਨਜੀਤ ਸਿੰਘ ਟਾਂਡਾ, ਸਰਪੰਚ ਮੱਖਣ ਸਿੰਘ ਗਾਲੋਵਾਲ ਸਮੇਤ ਵੱਡੀ ਗਿਣਤੀ ਵਿਚ ਇਲਾਕੇ ਦੀਆਂ ਸੰਗਤਾਂ ਹਾਜਰ ਸਨ।