ਬਟਾਲਾ (ਅਵਿਨਾਸ਼ ਸ਼ਰਮਾ,ਸੰਜੀਵ ਨੈਅਰ)

20 ਫਰਵਰੀ : ਬੀਤੇ ਦਿਨੀਂ ਬਟਾਲਾ ਦੇ ਇਤਿਹਾਸ ਵਿੱਚ ਅਜਿਹਾ ਪਹਿਲੀ ਵਾਰ ਹੋਇਆ ਹੈ ਕਿ ਨਵੇ ਐਸ ਐਸ ਪੀ ਵੱਲੋ ਚਾਰਜ ਲੈਣ ਮੌਕੇ ਤੇ ਕਿਸੇ ਉੱਚ ਅਧਿਕਾਰੀ ਵੱਲੋ ਰੋਕਿਆ ਗਿਆ ਹੋਵੇ। ਜਿੱਥੇ ਇਸ ਗੱਲ ਨੂੰ ਮੀਡੀਆ ਵਿੱਚ ਲੈਕੇ ਭਾਰੀ ਰੋਸ ਪਾਇਆ ਜਾ ਰਹਿਆ ਹੈ ਉਥੇ ਸਾਰਾ ਹੀ ਮੀਡੀਆ ਭਾਈਚਾਰਾ ਇੱਕ ਪਲੇਟਫਾਰਮ ਤੇ ਆ ਗਿਆ ਹੈ। ਮਿਲੀ ਜਾਣਕਾਰੀ ਅਨੁਸਾਰ ਬਟਾਲਾ ਵਿੱਖੇ ਨਵੇਂ ਆਏ ਐਸ ਐਸ ਪੀ ਨੇ ਬੀਤੇ ਦਿਨੀਂ ਚਾਰਜ ਲੈਣਾ ਸੀ। ਇਸ ਮੌਕੇ ਤੇ ਪੱਤਰਕਾਰ ਰਮੇਸ਼ ਬਹਿਲ ਮੌਕੇ ਤੇ ਪਹੁੰਚੇ। ਇਸ ਮੌਕੇ ਤੇ ਐਸ ਪੀ ਹੈੱਡਕੁਆਟਰ ਜਗਵਿੰਦਰ ਸਿੰਘ ਸੰਧੂ ਵੱਲੋ ਇਹ ਕਹਿ ਕੇ ਰੋਕ ਦਿੱਤਾ ਗਿਆ ਕਿ ਕਵਰੇਜ ਨਹੀਂ ਕਰਨੀ ਹੈ। ਇਸ ਕਰਕੇ ਤੁਸੀ ਇਥੋਂ ਚਲੇ ਜਾਉ। ਇਸ ਮੌਕੇ ਤੇ ਜੱਦ ਪਤਰਕਾਰਾ ਨੇ ਵਜ੍ਹਾ ਪੁੱਛੀ ਤਾ ਸੰਤੁਸ਼ਟ ਜਵਾਬ ਨਹੀਂ ਦੇ ਪਾਏ। ਇਸ ਗੱਲ ਨੂੰ ਲੈਕੇ ਭਾਰੀ ਰੋਸ ਮੀਡੀਆ ਜਗਤ ਵਿੱਚ ਪਾਇਆ ਜਾ ਰਿਹਾ ਹੈ।

ਇਸ ਮੁੱਦੇ ਨੂੰ ਲੈਕੇ ਜਿੱਥੇ ਵੱਖ ਵੱਖ ਜਥੇਬੰਦੀਆਂ ਪੱਤਰਕਾਰਾਂ ਡੇ ਹੱਕ ਨਿਤਰ ਆਈਆ ਹਨ ਉੱਥੇ ਪਤਰਕਾਰਾ ਦੀਆ ਅੱਲਗ ਅਲੱਗ ਯੂਨੀਅਨਾਂ ਵੀ ਮੈਦਾਨ ਵਿੱਚ ਆ ਗਈਆ ਹਨ। ਇਸ ਮੌਕੇ ਤੇ ਜਰਨਲਿਸਟ ਐਸੋਸੀਏਸ਼ਨ ਦੇ ਪ੍ਰਧਾਨ ਸ਼੍ਰੀ ਜੋਗਿੰਦਰ ਅੰਗੁਰਾਲਾ ਦਾ ਕਹਿਣਾ ਹੈ ਕਿ ਬਹੁਤ ਹੀ ਦੁੱਖ ਦੀ ਗੱਲ ਹੈ ਕਿ ਅਜਿਹਾ ਵਾਪਰਿਆ ਹੈ। ਉਹਨਾਂ ਆਖਿਆ ਕਿ ਅਸੀ ਅਪਣੇ ਪੱਤਰਕਾਰ ਨਾਲ ਚੱਟਾਨ ਵਾਂਗ ਖੜੇ ਹਾ। ਇਸ ਮੌਕੇ ਤੇ ਜਿਲਾ ਪ੍ਰਧਾਨ ਅਜ਼ਾਦ ਸ਼ਰਮਾ ਨੇ ਆਖਿਆ ਹੈ ਕਿ ਇਹ ਆਜ਼ਾਦੀ ਤੇ ਹਮਲਾ ਹੈ। ਇਸ ਕਰਕੇ ਜੌ ਵੀ ਹੋਇਆ ਹੈ, ਗ਼ਲਤ ਹੋਇਆ ਹੈ। ਇਸ ਮੌਕੇ ਤੇ ਬਟਾਲਾ ਪ੍ਰਧਾਨ ਰਿੰਕੂ ਚੋਧਰੀ ਦਾ ਕਹਿਣਾ ਹੈ ਕਿ ਪ੍ਰਸ਼ਾਸਨ ਪਤਾ ਹੈ ਕਿ ਪੱਤਰਕਾਰ ਲੋਕਤੰਤਰ ਦਾ ਹੁਣ ਚੋਥਾ ਥੰਮ ਨਹੀਂ ਬਲਕਿ ਮੁੱਖ ਥੰਮ ਬਣ ਚੁੱਕਿਆ ਹੈ। ਜੇਕਰ ਕੋਈ ਵੱਡਾ ਸਿਆਸਤਦਾਨ, ਉੱਚ ਅਧਿਕਾਰੀ ਛਿੱਕ ਵੀ ਮਾਰਦਾ ਹੈ ਤਾਂ ਮੀਡੀਆ ਨੂੰ ਖ਼ਬਰ ਪਹੁੰਚ ਗਈ ਹੁੰਦੀ ਹੈ। ਮੀਡੀਆ ਹਮੇਸ਼ਾ ਪਿਆਰ ਦਾ ਭੁੱਖਾ ਹੈ। ਇਸ ਕਰਕੇ ਕੋਈ ਵੀ ਸੋਚ ਸਮਝਕੇ ਗੱਲ ਕਰੇ। ਪ੍ਰਧਾਨ ਚੌਧਰੀ ਦਾ ਅੰਤ ਵਿੱਚ ਕਹਿਣਾ ਹੈ ਕਿ ਅਸੀਂ ਆਪਣੇ ਸਾਥੀ ਪੱਤਰਕਾਰ ਨਾਲ ਹਮੇਸ਼ਾ ਹੀ ਖੜੇ ਹਾ।