ਫਗਵਾੜਾ 10 ਨਵੰਬਰ (ਲਾਲੀ )

: ਅਲਾਇੰਸ ਕਲੱਬ ਫਗਵਾੜਾ ਰਾਇਲ ਦੇ ਸਮੂਹ ਮੈਂਬਰਾਂ ਨੇ ਸਿਵਲ ਹਸਪਤਾਲ ਫਗਵਾੜਾ ਵਿਖੇ ਮਰੀਜਾਂ ਨੂੰ ਗਰਮ ਦੁੱਧ, ਰਸ, ਬਿਸਕੁਟ ਅਤੇ ਫਲਾਂ ਦੀ ਸੇਵਾ ਕੀਤੀ ਗਈ। ਇਸ ਮੌਕੇ ਕਲੱਬ ਦੇ ਪ੍ਰਧਾਨ ਵਰੁਣ ਕੁਮਾਰ ਵਧਾਵਨ ਨੇ ਜਿੱਥੇ ਮੁੱਖ ਮਹਿਮਾਨਾਂ ਐਲੀ ਮਨਜੀਤ ਸਿੰਘ ਮੱਕੜ ਅਤੇ ਐਲੀ ਮਨਮੋਹਨ ਕੌਰ ਮੱਕੜ (R.C.P.) ਦਾ ਸਵਾਗਤ ਕੀਤਾ ਉੱਥੇ ਹੀ ਸਮਾਜ ਸੇਵਕ ਮਲਕੀਤ ਸਿੰਘ ਰਘਬੋਟਰਾ ਅਤੇ ਵਿਪਨ ਖੁਰਾਣਾ ਦਾ ਧੰਨਵਾਦ ਕੀਤਾ l ਉਹਨਾਂ ਕਿਹਾ ਕਲੱਬ ਵੱਲੋਂ ਸਮੇਂ ਸਮੇਂ ‘ਤੇ ਸਮਾਜ ਸੇਵਾ ਨੂੰ ਸਮਰਪਿਤ ਪ੍ਰੋਜੈਕਟ ਕੀਤੇ ਜਾਂਦੇ ਹਨ ਜਿਸਦੇ ਤਹਿਤ ਅੱਜ ਸਿਵਲ ਹਸਪਤਾਲ ਵਿਖੇ ਮਰੀਜਾਂ ਨੂੰ ਉਕਤ ਵਸਤੂਆਂ ਦੀ ਵੰਡ ਕੀਤੀ ਗਈ ਹੈ l ਉਹਨਾਂ ਕਿਹਾ ਕਿ ਸਮਾਜ ਸੇਵੀ ਰਘਬੋਤਰਾ ਜੀ ਅਤੇ ਖੁਰਾਣਾ ਜੀ ਦੀਆਂ ਮਾਨਵਤਾ ਨੂੰ ਸਮਰਪਿਤ ਸੇਵਾਵਾਂ ਸ਼ਲਾਘਾਯੋਗ ਹਨ ਅਤੇ ਇਹੋਂ ਜਿਹੇ ਨੇਕ ਇਨਸਾਨ ਸਮਾਜ ਲਈ ਪ੍ਰੇਰਨਾ ਸ੍ਰੋਤ ਹਨ। ਇਸ ਦੌਰਾਨ ਕਲੱਬ ਦੇ ਮੈਂਬਰ ਕਰਨ ਸੋਂਧੀ, ਪਦਮ ਲਾਲ ਅਤੇ ਵਰਿੰਦਰ ਕੌਰ, ਸਾਕਸ਼ੀ ਐਲੀ ਜਯੋਤੀ ਕੋਛੜ ਅਤੇ ਰਾਧੇਸ਼ ਨੇ ਵੀ ਮਰੀਜ਼ਾਂ ਨੂੰ ਖਾਣ ਪੀਣ ਦੀਆਂ ਵਸਤੂਆਂ ਭੇਟ ਕਰਦਿਆਂ ਉਹਨਾਂ ਦੇ ਜਲਦੀ ਤੰਦਰੁਸਤ ਹੋਣ ਦੀ ਅਰਦਾਸ ਕੀਤੀ।