ਗੜ੍ਹਦੀਵਾਲਾ 4 ਅਗਸਤ (ਚੌਧਰੀ) 

: ਪੰਜਾਬ ਸਰਕਾਰ ਅਤੇ ਸਿਵਲ ਸਰਜਨ ਹੁਸ਼ਿਆਰਪੁਰ ਡਾ. ਪਵਨ ਕੁਮਾਰ ਜੀ ਦੇ ਦਿਸ਼ਾਂ-ਨਿਰਦੇਸ਼ਾਂ ਅਨੁਸਾਰ ਸੀਨੀਅਰ ਮੈਡੀਕਲ ਅਫਸਰ ਡਾ. ਹਰਜੀਤ ਸਿੰਘ ਦੀ ਅਗਵਾਈ ਹੇਠ ਰਾਸ਼ਟਰੀ ਪੋਸ਼ਣ ਜਾਗਰੂਕਤਾ ਸੈਮੀਨਾਰ ਸੀਐਚਸੀ ਭੂੰਗਾ ਵਿਖੇ ਲਗਾਇਆ ਗਿਆ। ਇਸ ਮੌਕੇ ਸੰਬੋਧਨ ਕਰਦਿਆਂ ਐਸ.ਐਮ.ਓ. ਡਾ. ਹਰਜੀਤ ਸਿੰਘ ਨੇ ਕਿਹਾ ਕਿ ਰਾਸ਼ਟਰੀ ਪੋਸ਼ਣ ਹਫਤਾ ਮਨਾਉਣ ਦਾ ਮੁੱਖ ਉਦੇਸ਼ ਗਰਭਵਤੀ ਔਰਤਾਂ, ਕਿਸ਼ੋਰ ਅਵਸਥਾ ਵਾਲੇ, ਨਵ-ਜਨਮੇ ਬਚਿਆਂ ਸਣੇ ਹਰੇਕ ਉਮਰ ਦੇ ਲੋਕਾਂ ਨੂੰ ਪੋਸ਼ਟਿਕ ਖੁਰਾਕ, ਡਾਇਰੀਆ ਤੋਂ ਬਚਾਅ, ਪੂਰਨ ਟੀਕਾਕਰਨ, ਬਚਿਆਂ ਅਤੇ ਔਰਤਾਂ ਨੂੰ ਅਨੀਮੀਆ ਮੁਕਤ, ਹੱਥ ਧੋਣ ਦੀ ਵਿਧੀ ਸਬੰਧੀ ਜਾਗਰੂਕ ਕਰਨਾ ਹੈ। ਗਰਭਵਤੀ ਔਰਤਾਂ ਨੂੰ ਆਪਣੇ ਗਰਭ ਵਿਚ ਪਲ ਰਹੇ ਬਚੇ ਦੇ ਵਿਕਾਸ ਲਈ ਸਾਫ-ਸੁਥਰਾ ਭੋਜਨ, ਹਰੀਆਂ ਪਤੇਦਾਰ ਸਬਜ਼ੀਆਂ, ਲੋਹ ਤਤਾਂ ਨਾਲ ਭਰਪੂਰ ਫੱਲ-ਫਰੂਟ, ਦੁੱਧ, ਸੋਇਆਬੀਨ, ਅੰਡਿਆ ਸਣੇ ਸੰਤੁਲਿਤ ਖੁਰਾਕ ਖਾਣ, 6 ਮਹੀਨੇ ਤੱਕ ਛੋਟੇ ਬਚਿਆਂ ਨੂੰ ਮਾਂ ਦੁੱਧ ਪਿਲਾਉਣ ਅਤੇ ਦੁੱਧ ਪਿਲਾਉਂਦੀਆਂ ਮਾਵਾਂ ਨੂੰ ਵੀ ਆਪਣੀ ਖੁਰਾਕ ਵੱਲ ਵਿਸ਼ੇਸ਼ ਧਿਆਨ ਦੇਣ ਦੀ ਜ਼ਰੂਰਤ ਹੈ।
ਇਸ ਮੌਕੇ ਜਸਤਿੰਦਰ ਸਿੰਘ ਬਲਾਕ ਐਕਟੈਨਸ਼ਨ ਐਜੂਕੇਟਰ ਨੇ ਦਸਿਆ ਕਿ ਉਮਰ ਦੇ ਹਿਸਾਬ ਨਾਲ ਬੱਚੇ ਦਾ ਸਰੀਰਕ ਅਤੇ ਮਾਨਸਿਕ ਵਿਕਾਸ ਹੋਣਾ ਬਹੁਤ ਜ਼ਰੂਰੀ ਹੈ। ਸਾਡੀ ਮੁਢਲੀ ਜ਼ਿੰਮੇਵਾਰੀ ਬਣਦੀ ਹੈ ਕਿ ਅਸੀਂ ਜੱਚ-ਬੱਚਾ ਦੀ ਸਿਹਤ ਸੰਭਾਲ ਅਤੇ ਕੁਪੋਸ਼ਣ ਨੂੰ ਖਤਮ ਕਰਨ ਦੇ ਲਈ ਵੱਧ ਤੋਂ ਵੱਧ ਉਪਰਾਲੇ ਕਰੀਏ ਤਾਂ ਜੋ ਕੋਈ ਵੀ ਬੱਚਾ ਕੁਪੋਸ਼ਣ ਦਾ ਸ਼ਿਕਾਰ ਨਾ ਹੋ ਸਕੇ। ਛੋਟੇ ਬਚਿਆਂ ਵਿੱਚ ਵਿਟਾਮਿਨ ਦੀ ਘਾਟ ਪੂਰੀ ਕਰਨ, ਕਿਸ਼ੋਰ ਅਵਸਥਾ ਦਰਾਨ ਲੜਕੇ ਤੇ ਲੜਕੀਆਂ, ਔਰਤਾਂ ਨੂੰ ਵੀ ਫਾਸਟ ਫੁਟ ਖਾਣ ਤੋਂ ਪ੍ਰੇਹਜ ਕਰਦਿਆਂ ਬੈਲੇਂਸ ਡਾਇਟ ਖਾਣੀ ਚਾਹੀਦੀ ਹੈ। ਇਸ ਮੌਕੇ ਡਾ.ਰਣਜੀਤ ਸਿੰਘ,ਡਾ.ਜਗਤਾਰ ਸਿੰਘ, ਪਰਦੀਪ ਕੌਰ ਐਲ.ਐਚ.ਵੀ,ਹਰਪ੍ਰੀਤ ਕੌਰ, ਐਲ.ਐਚ.ਵੀ, ਮਨਜਿੰਦਰ ਕੌਰ ਸੀਐਚਓ, ਜਸਵਿੰਦਰ ਕੌਰ, ਰਣਜੋਧ ਸਿੰਘ,ਅਰਪਿੰਦਰ ਸਿੰਘ, ਰਾਮਲਾਲ, ਸੁਨੀਤਾ, ,ਰਾਜ ਆਮ ਲੋਕ ਹਾਜਰ ਸਨ।