ਹੁਸ਼ਿਆਰਪੁਰ 23 ਜੁਲਾਈ (PPT NEWS) 

: ਅੱਜ ਮਿਤੀ 23-07-2024 ਨੂੰ ਅਵਿਨਾਸ਼ ਰਾਏ ਖੰਨਾ, ਸਾਬਕਾ ਮੈਂਬਰ ਆੱਫ ਪਾਰਲਿਆਮੈਂਟ ਅਤੇ ਵਾਈਸ ਚੈਅਰਮੈੱਨ, ਭਾਰਤੀਯ ਰੈੱਡ ਕਰਾਸ ਸੁਸਾਇਟੀ, ਚੰਡੀਗੜ ਵੱਲੋਂ ਜਿਲ੍ਹਾ ਰੈੱਡ ਕਰਾਸ ਸੁਸਾਇਟੀ,ਹੁਸ਼ਿਆਰਪੁਰ ਵਿਖੇ ਆ ਕੇ ਪੌਦਾਰੋਪਣ ਕੀਤਾ ਗਿਆ। ਇਸ ਮੌਕੇ ਉਹਨਾ ਦੁਆਰਾ ਜਿਲ੍ਹਾ ਰੈੱਡ ਕਰਾਸ ਸੁਸਾਇਟੀ ਦੁਆਰਾ ਚਲਾਏ ਜਾ ਰਹੇ ਵੋਕੇਸ਼ਨਲ ਟਰੇਨਿੰਗ ਸੈਂਟਰ ਦੀਆਂ ਲੜਕੀਆਂ ਨੂੰ ਮੋਜੂਦਾ ਸਮੇਂ ਦੇ ਸਾਮਾਜਿਕ ਮੁੱਦਿਆ ਜਿਵੇਂ ਕਿ ਨਸ਼ੇ, ਬਿਜਲੀ,ਪਾਣੀ,ਪਰਯਾਵਰਣ ਦੀ ਦੁਰਵਰਤੋਂ ਅਤੇ ਮਾਪਿਆ ਦੀ ਸੇਵਾ ਨਾ ਕਰਣ ਵਰਗੇ ਮੁਦਿੱਆ ਸਬੰਧੀ ਜਾਣਕਾਰੀ ਦਿੱਤੀ ਗਈ।

 ਉਨ੍ਹਾਂ ਵੱਲੋਂ ਜਿਲ੍ਹਾ ਰੈੱਡ ਕਰਾਸ ਸੈਂਟਰ ਵਿੱਚ ਪੜ ਰਹੀਆਂ ਲਗਭਗ 250 ਦੇ ਕਰੀਬ ਵਿਦਿਆਰਥਣਾ ਨੂੰ ਪਾਣੀ ਬਚਾਉਣ ਅਤੇ ਮਾਪਿਆ ਦੀ ਸੇਵਾ ਸਬੰਧੀ ਪ੍ਰੇਰਿਤ ਕੀਤਾ ਗਿਆ. ਉਹਨਾਂ ਵੱਲੋਂ ਵਿਦਿਆਰਥਣਾ ਨੂੰ ਪਾਣੀ ਬਚਾਉਣ ਲਈ ਇੱਕ Essay ਲਿਖਣ ਲਈ ਕਿਹਾ ਗਿਆ ਅਤੇ ਦੱਸਿਆ ਗਿਆ ਕਿ ਇਸ Essay ਮੁਕਾਬਲੇ ਵੱਚ ਪਹਿਲੇ ਨੰਬਰ ਤੇ ਆਉਣ ਵਾਲੇ ਵਿਦਿਆਰਥੀ ਨੂੰ ਉਹਨਾਂ ਦੀ ਐਨ.ਜੀ.ਓ ਦੁਆਰਾ ਸਨਮਾਨਿਤ ਕੀਤਾ ਜਾਵੇਗਾ। ਵਿਦਿਆਰਥਣਾ ਨੇ ਅਵਿਨਾਸ਼ ਰਾਏ ਖੰਨਾ ਨੂੰ ਭਰੋਸਾ ਦਵਾਇਆ ਕਿ ਉਹ ਉਹਨਾਂ ਦੁਆਰਾ ਆਰੰਭਿਆ ਇਹਨਾਂ ਮੁਹਿੰਮਾ ਵਿੱਚ ਵੱਧ ਚੜ ਕੇ ਆਪਣਾ ਯੋਗਦਾਨ ਦੇਣਗੀਆ। ਇਸ ਤੋਂ ਇਲਾਵਾ ਉਹਨਾਂ ਵੱਲੋਂ ਇੱਕਲੇ ਰਹਿੰਦੇ ਮਾਪਿਆ ਦੀ ਸੇਵਾ ਕਰਨ ਬਾਰੇ ਵੀ ਪ੍ਰੇਰਿਤ ਕੀਤਾ। ਇਸ ਸਬੰਧ ਵਿੱਚ ਉਹਨਾਂ ਵੱਲੋਂ “ਸਾਂਭ ਲੋ ਮਾਪੇ ਰੱਬ ਮਿਲਜੁ ਆਪੇ” ਦਾ ਨਾਅਰਾ ਦਿੱਤਾ ਗਿਆ। ਇਸ ਮੌਕੇ ਤੇ ਜਿਲ੍ਹਾ ਰੈੱਡ ਕਰਾਸ ਸੁਸਾਇਟੀ ਦੇ ਸਟਾਫ ਅਤੇ ਵੱਡੀ ਗਿਣਤੀ ਵਿੱਚ ਵਿਦਿਆਰਥੀ ਮੋਜੂਦ ਸਨ।

ਮੰਗੇਸ਼ ਸੂਦ,ਸਕੱਤਰ, ਜਿਲ੍ਹਾ ਰੈੱਡ ਕਰਾਸ ਸੁਸਾਇਟੀ ਹੁਸ਼ਿਆਰਪੁਰ ਜੀ ਦੁਆਰਾ ਪੂਰੀ ਰੈੱਡ ਕਰਾਸ ਟੀਮ ਨਾਲ ਮਿਲ ਕੇ ਅਵਿਨਾਸ਼ ਰਾਏ ਖੰਨਾ ਸਾਬਕਾ ਮੈਂਬਰ ਆੱਫ ਪਾਰਲਿਆਮੈਂਟ ਅਤੇ ਵਾਈਸ ਚੈਅਰਮੈੱਨ, ਭਾਰਤੀਯ ਰੈੱਡ ਕਰਾਸ ਸੁਸਾਇਟੀ, ਚੰਡੀਗੜ ਦਾ ਉਹਨਾਂ ਵੱਲੋਂ ਦਿੱਤੇ ਗਏ ਕੀਮਤੀ ਸਮੇਂ ਦਾ ਧੰਨਵਾਦ ਕੀਤਾ ਅਤੇ ਵਿਦਿਆਰਥੀਆਂ ਨੂੰ ਅਪੀਲ ਕੀਤੀ ਕਿ ਅਵਿਨਾਸ਼ ਰਾਏ ਖੰਨਾ ਜੀ ਵੱਲੋਂ ਦਿੱਤੇ ਗਏ ਸੁਨੇਹੇ ਦਾ ਪਾਲਣ ਕਰਣ।