ਦਸੂਹਾ / ਹਾਜੀਪੁਰ (ਚੌਧਰੀ) 

*ਮਿਡ ਡੇ ਮੀਲ ਵੱਲ ਵਿਸ਼ੇਸ਼ ਧਿਆਨ ਦਿੱਤਾ ਜਾਵੇ : ਡੀ ਈ ਓ ਕਮਲਦੀਪ ਕੌਰ*

: ਡੀ.ਈ.ਓ (ਪ੍ਰਾਇਮਰੀ) ਮੈਡਮ ਕਮਲਦੀਪ ਕੌਰ ਵੱਲੋਂ ਸ਼ਨੀਵਾਰ ਨੂੰ ਬਲਾਕ ਹਾਜੀਪੁਰ ਦੇ ਸਰਕਾਰੀ ਪ੍ਰਾਇਮਰੀ ਸਮਾਰਟ ਸਕੂਲ ਭਾਗੜਾ, ਰਣਸੋਤਾ, ਸੰਦਵਾਲ-1 ਅਤੇ ਗੋਇਵਾਲ ਸਕੂਲਾਂ ਨੂੰ ਵਿਜਿਟ ਕੀਤਾ ਗਿਆ।ਵਿਜਿਟ ਦੌਰਾਨ ਸਕੂਲਾਂ ਵਿੱਚ ਸਮਰਥ ਪ੍ਰੋਜੈਕਟ ਅਧੀਨ ਮੈਡਮ ਵੱਲੋਂ ਬੱਚਿਆਂ ਦੀ ਟੈਸਟਿੰਗ ਵੀ ਕੀਤੀ ਗਈ।ਡੀ ਈ ਓ ਮੈਡਮ ਵੱਲੋਂ ਸਕੂਲਾਂ ਦੀ ਕਾਫੀ ਪ੍ਰਸ਼ੰਸਾ ਕੀਤੀ ਗਈ। ਅਤੇ ਬਲਾਕ ਪ੍ਰਾਇਮਰੀ ਸਿੱਖਿਆ ਦਫਤਰ ਹਾਜੀਪੁਰ ਦਾ ਵੀ ਵਿਸ਼ੇਸ਼ ਤੌਰ ਤੇ ਦੌਰਾ ਕੀਤਾ ਗਿਆ। ਦੌਰੇ ਦੌਰਾਨ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਸ੍ਰੀ ਅਮਰਿੰਦਰ ਪਾਲ ਸਿੰਘ ਢਿੱਲੋ, ਬੀ ਐਨ ਓ ਮੈਡਮ ਦਵਿੰਦਰ ਕੌਰ ਅਤੇ ਬਲਾਕ ਦਫਤਰ ਦੇ ਸਮੂਹ ਕਰਮਚਾਰੀਆਂ ਨਾਲ ਇੱਕ ਵਿਸ਼ੇਸ਼ ਮੀਟਿੰਗ ਕੀਤੀ ਗਈ। ਇਸ ਮੀਟਿੰਗ ਵਿੱਚ ਮੈਡਮ ਵੱਲੋਂ ਮਿਡ ਡੇ ਮੀਲ ਦੀ ਗੁਣਵੰਤਾ, ਸਕੂਲ ‘ਚ ਵੱਧ ਤੋਂ ਵੱਧ ਬੱਚੇ ਦਾਖਲ ਕਰਾਉਣ ਸਬੰਧੀ, ਪ੍ਰੋਜੈਕਟ ਸਮਰਥ ਤਹਿਤ ਬੱਚਿਆਂ ਨੂੰ ਜੋ ਟਾਰਗੇਟ ਦਿੱਤੇ ਗਏ ਹਨ ਉਹਨਾਂ ਪੂਰਾ ਕਰਨ ਸਬੰਧੀ ਵਿਸਥਾਰ ਪੂਰਵਕ ਚਰਚਾ ਵੀ ਕੀਤੀ ਗਈ। ਜਿਲਾ ਸਿੱਖਿਆ ਅਫਸਰ ਦੀ ਬਲਾਕ ਹਾਜੀਪੁਰ ਦੀ ਇਸ ਵਿਸੇਸ਼ ਵਿਜਿਟ ਦੌਰਾਨ ਸਾਡੇ ਬਲਾਕ ਦਾ ਮਾਣ ਸਟੇਟ ਸਮਾਰਟ ਸਕੂਲ ਟੀਮ ਮੈਂਬਰ ਗੁਰਮੇਲ ਸੰਦਲ ਜੀ ਵਲੋਂ ਵੀ ਅਹਿਮ ਭੂਮਿਕਾ ਨਿਭਾਈ ਗਈ। ਜਿਲਾ ਸਿੱਖਿਆ ਅਫਸਰ ਵਲੋਂ ਸਕੂਲਾਂ ਦੇ ਨਿਰੀਖਣ ਦੌਰਾਨ ਕੀਤੀ ਗਈ ਸਕਾਰਾਤਮਕ ਟਿੱਪਣੀ ਆਪ ਸਭ ਵਲੋਂ ਕੀਤੀ ਮਿਹਨਤ ਨੂੰ ਦਰਸਾਉਂਦੀ ਹੈ.ਭਵਿੱਖ ਵਿੱਚ ਵੀ ਇਹ ਆਸ ਉਮੀਦ ਕੀਤੀ ਜਾਂਦੀ ਹੈ ਬਲਾਕ ਹਾਜੀਪੁਰ ਦੇ ਸਮੂਹ ਅਧਿਆਪਕਾਂ ਤੋਂ ਬਲਾਕ ਪ੍ਰਾਇਮਰੀ ਸਿੱਖਿਆ ਅਫਸਰ ਹਾਜੀਪੁਰ ਅਮਰਿੰਦਰ ਪਾਲ ਸਿੰਘ ਢਿੱਲੋਂ ਜੀ ਨੇ ਜਿਲਾ ਸਿੱਖਿਆ ਅਫਸਰ ਮੈਡਮ ਕਮਲਦੀਪ ਕੌਰ ਨੂੰ ਬਲਾਕ ਵਲੋਂ ਭਵਿੱਖ ਵਿੱਚ ਹੋਰ ਵੀ ਵਧੀਆ ਕਾਰਗੁਜ਼ਾਰੀ ਦਾ ਭਰੋਸਾ ਦਿਵਾਇਆ ਉੱਥੇ ਵਿਸ਼ੇਸ਼ ਤੌਰ ਤੇ ਹਾਜੀਪੁਰ ਬਲਾਕ ਵਿਜਿਟ ਕਰਨ ਤੇ ਧੰਨਵਾਦ ਵੀ ਕੀਤਾ।