ਬਟਾਲਾ / ਕਲਾਨੌਰ (ਅਵਿਨਾਸ਼ ਸ਼ਰਮਾ )

: ਕਲਾਨੌਰ ਪੁਲਿਸ ਨੇ ਪਿੰਡ ਨੜਾਵਾਲੀ ਵਿਖੇ ਨਾਕਾ ਲਗਾ ਕੇ ਦੋ ਵਿਅਕਤੀਆਂ ਨੂੰ ਕਾਬੂ ਕੀਤਾ ਹੈ।ਪੁਲਿਸ ਰਿਮਾਂਡ ਦੌਰਾਨ 2 ਪਿਸਤੌਲ, 4 ਮੈਗਜ਼ੀਨ, 23 ਰੌਂਦ ਅਸਲਾ ਅਤੇ 92,000 ਰੁਪਏ ਵੀ ਬਰਾਮਦ ਕੀਤੇ ਗਏ ਹਨ। ਜਾਣਕਾਰੀ ਦਿੰਦਿਆਂ ਥਾਣਾ ਕਲਾਨੌਰ ਦੇ ਐਸ.ਐਚ.ਓ ਆਈ.ਪੀ.ਐਸ ਦਿਲਪ੍ਰੀਤ ਸਿੰਘ ਨੇ ਅੱਜ ਪ੍ਰੈਸ ਕਾਨਫਰੰਸ ਦੌਰਾਨ ਦੱਸਿਆ ਕਿ ਬੀਤੇ ਦਿਨੀਂ ਪਿੰਡ ਨੜਾਵਾਲੀ ਤੋਂ ਦੋ ਨਸ਼ਾ ਤਸਕਰ ਲਵ ਖੋਖਰ ਅਤੇ ਚਤਰ ਸਿੰਘ ਨੂੰ ਪਿੰਡ ਸ਼ਿਕਾਰ ਮਾਛੀਆ ਵਿਖੇ ਲਵ ਖੋਖਰ ਦੇ ਘਰ ਵਿੱਚ ਅਦਾਲਤ ਤੋਂ ਰਿਮਾਂਡ ਦੌਰਾਨ ਜਿਨ੍ਹਾਂ ਕੋਲੋਂ ਦੋ ਪਿਸਤੌਲ, ਚਾਰ ਮੈਗਜ਼ੀਨ, 23 ਰੌਂਦ, 92000 ਰੁਪਏ ਅਤੇ ਨਸ਼ੀਲੇ ਪਦਾਰਥ ਬਰਾਮਦ ਕੀਤੇ ਗਏ ਹਨ।ਐੱਸ.ਐੱਚ.ਓ ਕਲਾਨੌਰ ਨੇ ਦੱਸਿਆ ਕਿ ਇਨ੍ਹਾਂ ਖਿਲਾਫ ਪਹਿਲਾਂ ਵੀ ਐਨ.ਡੀ.ਪੀ.ਸੀ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਸੀ ਅਤੇ ਹੁਣ ਅਸਲਾ ਐਕਟ ਤਹਿਤ ਮਾਮਲਾ ਦਰਜ ਕੀਤਾ ਗਿਆ ਹੈ।