ਬਟਾਲਾ 18 ਜਨਵਰੀ (ਅਵਿਨਾਸ਼ ਸ਼ਰਮਾ)

ਪਵਿੱਤਰ ਅਕਸ਼ਤ ਕਲਸ਼ ਪ੍ਰਾਪਤ ਕਰ ਆਪਣੇ ਆਪ ਨੂੰ ਵਡੇ ਭਾਗਾਂ ਵਾਲੀ ਮਹਿਸੂਸ ਕਰ ਰਹੀ ਹਾਂ : ਐੱਸ ਡੀ ਐਮ ਡਾਕਟਰ ਸ਼ਾਇਰੀ ਭੰਡਾਰੀ

: ਵਨਵਾਸੀ ਕਲਿਆਣ ਆਸ਼ਰਮ ਪੰਜਾਬ ਵਲੋ ਅਯੋਧਿਆ ਤੋ ਆਏ ਪਵਿੱਤਰ ਅਕਸ਼ਤ ਕਲਸ਼ ਅਤੇ ਪਤਰੱਕ ਐੱਸ ਡੀ ਐਮ ਅਤੇ ਕਮਿਸ਼ਨਰ ਬਟਾਲਾ ਡਾਕਟਰ ਸ਼ਾਇਰੀ ਭੰਡਾਰੀ ਨੂੰ ਦੇ ਕੇ 22 ਜਨਵਰੀ ਲਈ ਸਦਾ ਪਤਰ ਦਿੱਤਾ ਗਿਆ। ਇਸ ਮੌਕੇ ਤੇ ਵਨ ਵਾਸੀ ਕਲਿਆਣ ਆਸ਼ਰਮ ਦੇ ਪ੍ਰਾਂਤ ਸਚਿਵ ਦਿਨੇਸ਼ ਸੱਤੀ ਨੇ ਸੰਬੋਧਨ ਦੌਰਾਨ ਕਿਹਾ ਕਿ 22 ਜਨਵਰੀ ਦਾ ਦਿਨ ਇਤਿਹਾਸ ਦੇ ਸੁਨਹਿਰੀ ਪੰਨਿਆਂ ਵਿਚ ਦਰਜ ਹੋਵੇਗਾ। ਉਨ੍ਹਾਂ ਕਿਹਾ ਕਿ 22 ਜਨਵਰੀ ਦੇ ਲਈ ਲਗਭਗ ਹਰ ਮੰਦਿਰ ਵਿਚ ਐੱਲ ਈ ਡੀ ਦੀ ਵਿਵਸਥਾ ਕਰ ਦਿੱਤੀ ਗਈ ਹੈ। ਇਸ ਮੌਕੇ ਤੇ ਵਨ ਵਾਸੀ ਕਲਿਆਣ ਆਸ਼ਰਮ ਦੇ ਪ੍ਰਾਂਤ ਪਰਚਾਰ ਪਰਸਾਰ ਸਹਿ ਪਰਮੁੱਖ ਈਸ਼ੂ ਰਾਂਚਲ਼ ਨੇ ਕਿਹਾ ਕਿ ਇਹ ਸਿਰਫ ਭਾਰਤ ਵਿਚ ਹੀ ਨਹੀਂ ਪਰ ਵਿਦੇਸ਼ਾਂ ਵਿਚ ਵੀ ਸ਼੍ਰੀ ਰਾਮ ਭਗਤਾਂ ਵਲੋਂ 22 ਜਨਵਰੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਰਾਮ ਦੂਤਾਂ ਦੀਆਂ ਟੋਲੀਆਂ ਦਾ ਹਰ ਪਾਸੇ ਨਿੱਘਾ ਸਵਾਗਤ ਹੋ ਰਿਹਾ ਹੈ। ਇਸ ਮੌਕੇ ਦੇ ਅਯੋਧਿਆ ਤੋਂ ਆਏ ਪਵਿੱਤਰ ਅਕਸ਼ਤ ਕਲਸ਼ ਅਤੇ ਸੱਦਾ ਪ੍ਰਾਪਤ ਕਰਨ ਤੋ ਬਾਅਦ ਐੱਸ ਡੀ ਐਮ ਬਟਾਲਾ ਡਾਕਟਰ ਸ਼ਾਇਰੀ ਭੰਡਾਰੀ ਨੇ ਕਿਹਾ ਕਿ ਪਵਿੱਤਰ ਅਕਸ਼ਤ ਪ੍ਰਾਪਤ ਕਰ ਆਪਣੇ ਆਪ ਨੂੰ ਵਡੇ ਭਾਗਾਂ ਵਾਲੀ ਮਹਿਸੂਸ ਕਰ ਰਹੀ ਹਾਂ। ਉਨ੍ਹਾਂ ਵਲੋ ਵਨ ਵਾਸੀ ਕਲਿਆਣ ਆਸ਼ਰਮ ਦੀ ਟੀਮ ਦਾ ਸੱਦਾ ਦੇਣ ਤੇ ਵਿਸੇਸ਼ ਤੋਰ ਤੇ ਧੰਨਵਾਦ ਕੀਤਾ ਗਿਆ। ਇਸ ਮੌਕੇ ਤੇ ਏ ਟੀ ਪੀ ਪਰਮਜੋਤ ਸਿੰਘ , ਸੁਪਰਡੈਂਟ ਸ਼ਿਵ ਕੁਮਾਰ ਅਤੁਲ ਬਜਾਜ ਆਰਆਰਐੱਸ ਦੇ ਬਾਹਰੀ ਨਗਰ ਪਰਮੁੱਖ, ਲਵਲੀ ਕੁਮਾਰ, ਵਿਨੋਦ ਸ਼ਰਮਾ ਹਾਜ਼ਿਰ ਸਨ।*