ਬਟਾਲਾ 14 ਜਨਵਰੀ (ਅਵਿਨਾਸ਼ ਸ਼ਰਮਾ)

22 ਜਨਵਰੀ ਦਾ ਦਿਨ ਇਤਿਹਾਸ ਦੇ ਸੁਨਹਿਰੀ ਪੰਨਿਆਂ ਵਿਚ ਦਰਜ਼ ਹੋਵੇਗਾ : ਕਿਸ਼ਨ ਲਾਲ ਗੁਪਤਾ

: ਮਕਰ ਸਕਰਾਂਤੀ ਦੇ ਸ਼ੁੱਭ ਦਿਹਾੜੇ ਤੇ ਰਾਸ਼ਟਰੀ ਸਵੈ ਸੇਵਕ ਸੰਘ, ਵਨਵਾਸੀ ਕਲਿਆਣ ਆਸ਼ਰਮ ਅਤੇ ਨੀਵ ਵੈਲਫੇਅਰ ਸੁਸਾਇਟੀ ਦੇ ਸਾਂਝੇ ਉਪਰਾਲੇ ਨਾਲ ਅਯੋਧਿਆ ਤੋ ਆਏ ਪਵਿੱਤਰ ਅਕਸ਼ਤ ਕਲਸ਼ ਅਤੇ ਪਤਰੱਕ ਅਰਬਨ ਅਸਟੇਟ ਵਿਖੇ ਵੰਡੇ ਗਏ। ਇਸ ਮੌਕੇ ਤੇ ਅਯੋਧਿਆ ਸਮਿਤੀ ਦੇ ਪਾਲਕ ਕਿਸ਼ਨ ਲਾਲ ਗੁਪਤਾ ਨੇ ਸੰਬੋਧਨ ਦੌਰਾਨ ਕਿਹਾ ਕਿ 22 ਜਨਵਰੀ ਦਾ ਦਿਨ ਇਤਿਹਾਸ ਦੇ ਸੁਨਹਿਰੀ ਪੰਨਿਆਂ ਵਿਚ ਦਰਜ ਹੋਵੇਗਾ। ਉਨ੍ਹਾਂ ਕਿਹਾ ਕਿ 22 ਜਨਵਰੀ ਦੇ ਦਿਨ ਲਈ ਰਾਮ ਭਗਤਾਂ ਵਿਚ ਭਾਰੀ ਉਤਸ਼ਾਹ ਪਾਇਆ ਜਾ ਰਿਹਾ ਹੈ। ਇਸ ਮੌਕੇ ਤੇ ਨੀਵ ਵੈਲਫੇਅਰ ਸੁਸਾਇਟੀ ਦੇ ਪ੍ਰਧਾਨ ਰਾਜੀਵ ਵਿਗ ਨੇ ਕਿਹਾ ਕਿ ਇਹ ਸਿਰਫ ਭਾਰਤ ਵਿਚ ਹੀ ਨਹੀਂ ਪਰ ਵਿਦੇਸ਼ਾਂ ਵਿਚ 22 ਜਨਵਰੀ ਦਾ ਬੇਸਬਰੀ ਨਾਲ ਇੰਤਜ਼ਾਰ ਕੀਤਾ ਜਾ ਰਿਹਾ ਹੈ। ਉਨ੍ਹਾਂ ਕਿਹਾ ਕਿ ਸ਼੍ਰੀ ਰਾਮ ਦੂਤਾਂ ਦੀਆਂ ਟੋਲੀਆਂ ਦਾ ਹਰ ਪਾਸੇ ਨਿੱਘਾ ਸਵਾਗਤ ਕੀਤਾ ਜਾ ਰਿਹਾ ਹੈ। ਇਸ ਦੌਰਾਨ ਉੱਘੇ ਟਰਾਂਸਪੋਰਟਰ ਲਾਲੀ ਵਾਲਿਆ ਨੇ ਕਿਹਾ ਕਿ 22 ਜਨਵਰੀ ਦੇ ਦਿਨ ਲਗਭਗ ਹਰ ਮੰਦਿਰ ਵਿਚ ਐੱਲ ਈ ਡੀ ਲਗਾ ਕੇ ਅਯੋਧਿਆਂ ਤੋ ਸਿੱਧਾ ਪ੍ਰਸਾਰਨ ਦਿਖਾਇਆ ਜਾਵੇਗਾ ਜਿਸ ਨਾਲ ਹਰ ਰਾਮ ਭਗਤ ਪ੍ਰਾਨ ਪ੍ਰਤਿਸ਼ਠਾ ਦਾ ਸਮਾਰੋਹ ਦੇਖ ਸਕੇਗਾ।ਇਸ ਮੌਕੇ ਤੇ ਵਨ ਵਾਸੀ ਕਲਿਆਣ ਆਸ਼ਰਮ ਦੇ ਸਹਿ ਪਰਚਾਰ ਪਰਮੁੱਖ ਪ੍ਰਾਂਤ ਈਸ਼ੂ ਰਾਂਚਲ਼ ਨੇ ਕਿਹਾ ਕਿ 22 ਜਨਵਰੀ ਨੂੰ
ਘਰ ਵਿਚ ਦੀਪਮਾਲਾ ਕਰਕੇ ਦੀਵਾਲੀ ਵਾਂਗ ਇਹ ਪਵਿੱਤਰ ਦਿਨ ਮਨਾਇਆ ਜਾਵੇਗਾ। ਉਨ੍ਹਾਂ ਕਿਹਾ ਕਿ ਮੌਜੂਦਾ ਪੀੜ੍ਹੀ ਬਹੁਤ ਭਾਗਾਂ ਵਾਲੀ ਹੈ ਜਿਸ ਨੂੰ ਸ਼੍ਰੀ ਰਾਮ ਮੰਦਰ ਅਯੋਧਿਆ ਦੇ ਦਰਸ਼ਨ ਕਰਨ ਦਾ ਮੌਕਾ ਪ੍ਰਾਪਤ ਹੋਵੇਗਾ। ਇਸ ਮੌਕੇ ਤੇ ਬੇਅਰਿੰਗ ਕਾਲਜ ਦੇ ਪ੍ਰਿੰਸੀਪਲ ਅਸ਼ਵਨੀ ਕਾਂਸਰਾ, ਹਰੀ ਮੰਦਿਰ ਕਮੇਟੀ ਦੇ ਚੇਅਰਮੈਨ ਪਰਵੀਨ ਤ੍ਰੇਹਨ, ਕੁਲਦੀਪ ਕਿਸ਼ਨ ਵਿਗ, ਪਰਵੀਨ ਤ੍ਰੇਹਨ , ਡਾਕਟਰ ਲੁਕੇਸ਼ ਸ਼ਰਮਾ, ਨੀਰਜ ਕਾਂਸਰਾ, ਵਨ ਵਾਸੀ ਕਲਿਆਣ ਆਸ਼ਰਮ ਦੇ ਜਿਲਾ ਸਚਿਵ ਸੁਰੇਸ਼ ਪਠਾਨੀਆ, ਕਾਰਜਕਾਰੀ ਮੈਂਬਰ ਅਮਰ ਮਹਿਤਾ, ਵੈਦਿਕ ਕਰਮਾਂ ਤੇ ਐਮ ਡੀ ਤਾਰਾ ਸਿੰਘ ਉੱਪਲ,ਆਰ ਐੱਸ ਐੱਸ ਦੇ ਅਤੂਲ ਬਜਾਜ ,ਹਿਊਮਨ ਰਾਇਟਸ ਜਿਲਾ ਪ੍ਰਧਾਨ ਲਵਲੀ ਕੁਮਾਰ, ਦਿਨੇਸ਼ ਮਿੱਤਲ , ਅਜੇ ਚੋਪੜਾ, ਵਿਸ਼ਾਲ ਸਾਨਨ,ਅਜੇ ਕੁਮਾਰ, ਵਿਸ਼ਵਾਸ ਫਾਊਂਡੇਸ਼ਨ ਪ੍ਰਧਾਨ ਸ਼ੰਮੀ ਕਪੂਰ,ਸੁਭਾਸ਼ ਸ਼ਰਮਾ, ਹਰੀਸ਼ ਮਹਾਜਨ,ਨੀਵ ਦੇ ਹਿਊਮਨ ਰਾਇਟਸ ਚੇਅਰਮੈਨ ਦੀਪਕ ਪੱਥਰੀਆਂ, ਪਰਵੇਸ਼ ਰਿੰਕੂ ਆਦਿ ਹਾਜ਼ਿਰ ਸਨ।*