ਦਸੂਹਾ 2 ਜਨਵਰੀ (ਚੌਧਰੀ) 

: ਕੇ.ਐਮ.ਐਸ ਕਾਲਜ ਮੈਨੇਜਮੈਂਟ ਵੱਲੋਂ ਪ੍ਰਾਚੀਨ ਪਾਂਡਵ ਸਰੋਵਰ ਮੰਦਰ ਦੇ ਪਰਿਸਰ ਦਰਸ਼ਨੀ ਡਿਊੜੀ ਗੀਤਾ ਭਵਨ ਸਾਹਮਣੇ ਦਾ ਘੰਟਾ ਜੋ ਕਿ ਖੰਡਿਤ ਹੋ ਗਿਆ ਸੀ, ਉਸ ਨੂੰ ਇਨਾਇਤ ਕੌਰ ਸਪੁੱਤਰੀ ਡਾ. ਮਾਨਵ ਸੈਣੀ ਡਾਇਰੈਕਟਰ ਕੇ.ਐਮ.ਐਸ ਕਾਲਜ ਦੀ ਪ੍ਰੇਰਨਾ ਨਾਲ ਚੌਧਰੀ ਕੁਮਾਰ ਸੈਣੀ ਚੇਅਰਮੈਨ ਕੇ.ਐਮ.ਐਸ ਕਾਲਜ ਨੇ ਪੰਡਿਤ ਦਿਨੇਸ਼ ਕੁਮਾਰ, ਪੰਡਿਤ ਤਰਦੀਪ ਮਿਸ਼ਰਾ ਅਤੇ ਪੰਡਿਤ ਜੈ ਕ੍ਰਿਸ਼ਨ ਦੀ ਉਪਸਥਿਤੀ ਵਿੱਚ ਧਾਰਮਿਕ ਪੂਜਾ ਪੱਧਤੀ ਦੇ ਨਾਲ ਮੰਤਰ ਪੜ੍ਹ ਕੇ ਸਥਾਪਿਤ ਕੀਤਾ। ਇਸ ਮੌਕੇ ਤੇ ਚੌਧਰੀ ਕੁਮਾਰ ਸੈਣੀ ਨੇ ਦੱਸਿਆ ਕਿ 22 ਜਨਵਰੀ 2024, ਦਿਨ ਸੋਮਵਾਰ ਨੂੰ ਦੁਪਹਿਰ 2 ਵਜੇ ਬਾਬਾ ਬਾਲਕ ਨਾਥ ਮੰਦਰ ਦੇ ਬਾਹਰ ਮਾਤਾ ਅਮਰ ਕੌਰ ਯਾਦਗਾਰ ਦੁਆਰ ਤੇ ਮਰਿਆਦਾ ਪ੍ਰਸ਼ੋਤਮ ਭਗਵਾਨ ਰਾਮ ਚੰਦਰ ਜੀ ਦੀ ਅਯੋਧਿਆ ਮੰਦਰ ਵਿਖੇ ਪ੍ਰਾਣ ਪ੍ਰਤਿਸ਼ਠਾ ਤੋਂ ਬਾਅਦ ਆਮ ਜਨਤਾ ਲਈ ਖੀਰ ਦਾ ਲੰਗਰ ਲਗਾਇਆ ਜਾਵੇਗਾ। ਉਹਨਾ ਨੇ ਦੱਸਿਆ ਕਿ ਇਸ ਮੌਕੇ ਤੇ ਹਰ ਸਨਾਤਨੀ ਨੂੰ ਘਰ ਦੇ ਬਾਹਰ 5 ਦੀਵੇ ਜਲਾ ਕੇ ਦੀਵਾਲੀ ਮਨਾਉਣੀ ਚਾਹੀਦੀ ਹੈ। ਇਹ ਦਿਨ ਪੂਰੇ ਭਾਰਤ ਦੇ ਹਿੰਦੂਆਂ ਲਈ ਖੁਸ਼ੀਆਂ ਭਰਿਆ ਮੌਕਾ ਹੈ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਪ੍ਰਿੰਸੀਪਲ ਡਾ. ਸ਼ਬਨਮ ਕੌਰ ਅਤੇ ਰਿਟਾਇਰਡ ਪ੍ਰਿੰਸੀਪਲ ਸਤੀਸ਼ ਕਾਲੀਆ ਟਰੱਸਟੀ ਕੇ.ਐਮ.ਐਸ ਕਾਲਜ ਵਿਸ਼ੇਸ਼ ਤੌਰ ਤੇ ਹਾਜ਼ਰ ਸਨ। ਉਹਨਾ ਤੋ ਇਲਾਵਾ ਮਾਸਟਰ ਰਮੇਸ਼ ਸ਼ਰਮਾ ਸਾਬਕਾ ਪ੍ਰਧਾਨ ਬ੍ਰਾਹਮਣ ਸਭਾ, ਭੁਪਿੰਦਰ ਰੰਜਨ ਸੰਸਥਾਪਕ ਮਾਂ ਅੰਨਪੂਰਣਾ ਰਸੋਈ, ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਪ੍ਰਧਾਨ ਸੀਨੀਅਰ ਸਿਟੀਜ਼ਨਜ਼ ਵੈਲਫੇਅਰ ਐਸੋਸੀਏਸ਼ਨ ਦਸੂਹਾ, ਮਦਨ ਲਾਲ, ਸੁਰਿੰਦਰ ਨਾਥ, ਕਮਲ ਅਗਰਵਾਲ, ਕੁੱਕੂ ਨਾਈ, ਡਾ. ਰਾਜੇਸ਼ ਕੁਮਾਰ, ਲਖਵਿੰਦਰ ਕੌਰ, ਸੋਨਮ ਸਲਾਰੀਆ, ਕਮਲਪ੍ਰੀਤ ਕੌਰ ਫੈਕਲਟੀ ਮੈਂਬਰ ਕੇ.ਐਮ.ਐਸ ਕਾਲਜ ਆਦਿ ਹਾਜ਼ਰ ਸਨ।

ਫੋਟੋ : ਪ੍ਰਾਚੀਨ ਪਾਂਡਵ ਸਰੋਵਰ ਮੰਦਰ ਵਿਖੇ ਚੌਧਰੀ ਕੁਮਾਰ ਸੈਣੀ, ਸਤੀਸ਼ ਕਾਲੀਆ, ਮਾਸਟਰ ਰਮੇਸ਼, ਕਰਨਲ ਜੋਗਿੰਦਰ ਲਾਲ ਸ਼ਰਮਾ ਅਤੇ ਭੁਪਿੰਦਰ ਰੰਜਨ ਘੰਟਾ ਸਥਾਪਿਤ ਕਰਦੇ ਹੋਏ।