ਟਾਂਡਾ / ਦਸੂਹਾ (ਚੌਧਰੀ) 2 ਦਸੰਬਰ 

:  ਲੁੱਟਾਂ ਖੋਹਾਂ ਨੂੰ ਅੰਜਾਮ ਦੇਣ ਵਾਲੇ ਦੋ ਨੌਜਵਾਨਾਂ ਨੂੰ ਟਾਂਡਾ ਪੁਲਿਸ ਨੇ ਕਾਬੂ ਕੀਤਾ ਹੈ।ਦੋਸ਼ੀਆਂ ਦੀ ਪਛਾਣ ਸੰਦੀਪ ਕੁਮਾਰ ਪੁੱਤਰ ਕੇਵਲ ਚੰਦ ਵਾਸੀ ਵਾਰਡ ਨੰਬਰ 6 ਗੁਰੂ ਨਾਨਕ ਦਰਵਾਰ ਮਿਆਣੀ ਥਾਣਾ ਟਾਡਾ, ਜਿਲਾ ਹੁਸ਼ਿਆਰਪੁਰ ਤੇ ਹਰਮਨਪ੍ਰੀਤ ਸਿੰਘ ਪੁੱਤਰ ਕੁਲਵੀਰ ਸਿੰਘ ਵਾਸੀ ਵਾਰਡ ਨੰਬਰ 3 ਮਿਆਣੀ ਥਾਣਾ ਟਾਂਡਾ, ਜਿਲ੍ਹਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ ।

ਮਾਨਯੋਗ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਸੁਰੇਂਦਰ ਲਾਂਬਾ ਆਈ ਪੀ ਐਸ ਨੇ ਦੱਸਿਆ ਕਿ ਜਿਲੇ ਅੰਦਰ ਨਸ਼ਾ ਲੁੱਟਾਂ ਖੋਹਾਂ ਕਰਨ ਵਾਲੇ ਦੋਸ਼ੀਆਂ ਨੂੰ ਕਾਬੂ ਕਰਨ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ ਹੋਈ ਸੀ, ਜਿਸ ਤਹਿਤ ਸਰਬਜੀਤ ਸਿੰਘ ਬਾਹੀਆ ਐਸ ਪੀ (INV) ਹੁਸਿਆਰਪੁਰ, ਕੁਲਵੰਤ ਸਿੰਘ ਡੀ.ਐਸ.ਪੀ ਸਬ ਡਵੀਜਨ ਟਾਂਡਾ ਅਤੇ ਇੰਸਪੈਕਟਰ ਉਕਾਰ ਸਿੰਘ ਬਰਾੜ ਮੁੱਖ ਅਫਸਰ ਥਾਣਾ ਟਾਂਡਾ ਜਿਲਾ ਹੁਸਿਆਰਪੁਰ ਦੀ ਅਗਵਾਈ ਵਿਚ ਥਾਣਾ ਟਾਂਡਾ ਦੇ ਅਧੀਨ ਆਉਦੇ ਏਰੀਆ ਵਿਚ ਲੁੱਟਾਂ ਖੋਹਾਂ ਕਰਨ ਵਾਲੇ ਦੋਸ਼ੀਆਂ ਨੂੰ ਗ੍ਰਿਫਤਾਰ ਕਰਨ ਲਈ ਸੋਰਸ ਲਗਾ ਕੇ, ਉਪਰਾਲੇ ਕੀਤੇ ਜਾ ਰਹੇ ਸਨ। ਜਿਸ ਦੌਰਾਨ ਮਿਤੀ 29- 11-2023 ਨੂੰ ਏ ਐਸ ਆਈ ਨਾਮਦੇਵ ਸਮੇਤ ਪੁਲਿਸ ਪਾਰਟੀ ਨੂੰ ਉਸ ਸਮੇ ਵੱਡੀ ਸਫਲਤਾ ਹਾਸਲ ਹੋਈ ਜਦੋਂ ਦੋਰਾਨੇ ਗਸ਼ਤ ਮਿਤੀ 28- 11-23 ਨੂੰ ਕੀਤੀ ਲੁੱਟ ਦੀ ਵਾਰਦਤ ਜਿਸ ਵਿੱਚ ਦੋ ਔਰਤਾਂ ਕੋਲੋਂ 2 ਵਾਲੀਆਂ ਸੋਨਾ, ਇੱਕ ਟੋਪਸ ਸੋਨਾ ਪਿੰਡ ਮੁਨਕਾਂ ਤੋਂ ਖੋਹੇ ਸਨ, ਦੇ ਹੇਠ ਲਿਖੇ ਦੋਸ਼ੀਆਨ ਸੰਦੀਪ ਕੁਮਾਰ ਅਤੇ ਹਰਮਨਪ੍ਰੀਤ ਸਿੰਘ ਨੂੰ ਗ੍ਰਿਫਤਾਰ ਕੀਤਾ ਗਿਆ। ਜੋ ਇਨ੍ਹਾਂ ਦੋਸ਼ੀਆਂ ਦੀ ਸਖਤੀ ਨਾਲ ਪੁੱਛਗਿੱਛ ਕਰਨ ਤੇ ਇਨ੍ਹਾਂ ਦੋਸ਼ੀਆਂ ਵਿੱਚੋਂ ਦੋਸ਼ੀ ਹਰਮਨਪ੍ਰੀਤ ਸਿੰਘ ਨੇ ਮੰਨਿਆ ਕਿ ਮਿਤੀ 26.11.2023 ਨੂੰ ਜੋ ਲੁੱਟ ਦੀ ਵਾਰਦਾਤ ਵਿਸ਼ਕਰਮਾ ਮੰਦਿਰ ਟਾਂਡਾ ਤੋਂ ਇੱਕ ਰਾਹੀਗਰ ਆਦਮੀ ਦਾ ਮੋਬਾਇਲ ਅਤੇ ਟਾਂਡਾ ਪੁਲੀ ਟਾਂਡਾ ਤੋਂ ਇੱਕ ਰਾਹੀਗੀਰ ਸੈਰ ਕਰਦੀ ਔਰਤ ਦੀਆਂ ਵਾਲੀਆਂ (ਆਰਟੀਫੀਸ਼ੀਅਲ) ਵੀ ਉਸ ਵਲੋਂ ਖੋਹੀਆਂ ਗਈਆਂ ਸਨ। ਇਨ੍ਹਾਂ ਦੋਸ਼ੀਆਨ ਦਾ ਪਿਛੋਕੜ ਪੜਤਾਲ ਤੋਂ ਇਹ ਗੱਲ ਸਾਹਮਣੇ ਆਈ ਹੈ ਕਿ ਦੋਸ਼ੀ ਹਰਮਨਪ੍ਰੀਤ ਦੇ ਖਿਲਾਫ ਇਸ ਤੋਂ ਪਹਿਲਾਂ ਲੁੱਟਾਂ ਖੋਹਾਂ ਅਤੇ ਨਸ਼ੀਲੇ ਪਦਾਰਥਾਂ ਦੇ ਵੱਖ-ਵੱਖ ਜਿਲ੍ਹਿਆਂ ਵਿੱਚ 15 ਮੁਕੱਦਮੇ ਅਤੇ ਦੋਸ਼ੀ ਸੰਦੀਪ ਦੇ ਖਿਲਾਫ 2 ਮੁਕੱਦਮੇ ਦਰਜ ਹਨ। ਇਨ੍ਹਾਂ ਦੋਸ਼ੀਆਂ ਦੀ ਸਖਤੀ ਨਾਲ ਪੁੱਛਗਿੱਛ ਕਰਕੇ ਮਾਨਯੋਗ ਅਦਾਲਤ ਵਿੱਚ ਪੇਸ਼ ਕੀਤਾ ਜਾਵੇਗਾ।
*ਟਰੇਸ ਹੋਏ ਮੁਕੱਦਮੇ* :- 1. ਮੁਕਦਮਾ ਨੰਬਰ 396 ਮਿਤੀ 26-11-23 ਜੇਰ ਧਾਰਾ 379-B IPC ਥਾਣਾ ਟਾਡਾ ਜਿਲਾ ਹੁਸਿਆਰਪੁਰ
2. ਮੁਕੱਦਮਾ ਨੰਬਰ 399 ਮਿਤੀ 29-11-23 ਅ/ਧ 379-ਬੀ,34 IPC ਥਾਣਾ ਟਾਡਾ, ਜਿਲ੍ਹਾ ਹੁਸ਼ਿਆਰਪੁਰ

*ਬ੍ਰਾਮਦਗੀ* (1) ਇਕ ਸਕੂਟਰੀ (ਵਾਰਦਾਤ ਵਿੱਚ ਵਰਤੀ ਗਈ ਸਕੂਟਰੀ),
(2) ਹਥਿਆਰ ਦਾਤਰ ਲੋਹਾ।
(3) ਇੱਕ ਟੋਪਸ ਸੋਨਾ
(4) ਇੱਕ ਜੋੜਾ ਵਾਲੀਆ ਆਰਟੀਫਿਸ਼ੀਅਲ