ਗੁਰਦਾਸਪੁਰ ( ਅਸ਼ਵਨੀ )

6 ਜੁਲਾਈ – ਹਿਮਾਚਲ ਤੋਂ ਆਪਣੇ ਤੋਂ ਘਰ ਅਮ੍ਰਿਤਸਰ ਜਾ ਰਹੇ ਇਕ ਵਿਅਕਤੀ ਪਾਸੋਂ ਗੁਰਦਾਸਪੁਰ-ਅੰਮ੍ਰਿਤਸਰ ਹਾਈਵੇ ਬੱਬਰੀ ਤੋਂ ਤਿੰਨ ਨਾਮਾਲੂਮ ਗੱਡੀ ਖੋਹ ਕੇ ਫ਼ਰਾਰ ਹੋ ਗਏ । ਅੰਕੁਸ਼ ਸ਼ਰਮਾ ਪੁੱਤਰ ਮਦਨ ਲਾਲ ਸ਼ਰਮਾ ਵਾਸੀ ਅੰਮ੍ਰਿਤਸਰ ਨੇ ਪੁਲਿਸ ਸਟੇਸ਼ਨ ਸਦਰ ਗੁਰਦਾਸਪੁਰ ਵਿੱਖੇ ਦਰਜ ਕਰਵਾਏ ਬਿਆਨ ਰਾਹੀਂ ਦੱਸਿਆ ਕਿ ਉਹ ਬੀਤੇ ਦਿਨ ਆਪਣੀ ਮਾਤਾ ਤੇ ਤਾਈ ਦੇ ਨਾਲ ਆਪਣੀ ਗੱਡੀ ਨੰਬਰ ਪੀ ਬੀ 02 ਡੀ ਜੈਡ 7317 ਤੇ ਸਵਾਰ ਹੋ ਕੇ ਹਿਮਾਚਲ ਤੋਂ ਅੰਮ੍ਰਿਤਸਰ ਜਾ ਰਿਹਾ ਸੀ । ਕਰੀਬ 9.30 ਵਜੇ ਰਾਤ ਐਚ ਪੀ ਪੈਟਰੋਲ ਪੰਪ ਬੱਬਰੀ ਦੇ ਅੱਗਲੇ ਪਾਸੇ ਬਾਥਰੂਮ ਕਰਨ ਲਈ ਰੁਕਿਆ ਅਤੇ ਬਾਥਰੂਮ ਕਰਕੇ ਜਦੋ ਗੱਡੀ ਵਿੱਚ ਬੈਠਣ ਲੱਗਾ ਤਾਂ ਅਚਾਨਕ ਇੱਕ ਗੱਡੀ ਰੁੱਕੀ ਜਿਸ ਵਿੱਚੋ ਤਿੰਨ ਨਾਮਾਲੂਮ ਨੋਜਵਾਨ ਉੱਤਰ ਕੇ ਸ਼ਿਕਾਇਤ ਕਰਤਾ ਵੱਲ ਆਏ ਅਤੇ ਉਸ ਦੇ ਮੱਥੇ ਤੇ ਰਿਵਾਲਵਰ ਰੱਖ ਕੇ ਉਸ ਦੀ ਮਾਤਾ ਅਤੇ ਤਾਈ ਸਮੇਤ ਗੱਡੀ ਵਿੱਚੋਂ ਧੱਕੇ ਮਾਰ ਕੇ ਉਤਾਰ ਦਿੱਤਾ ਅਤੇ ਗੱਡੀ ਲੈ ਕੇ ਫ਼ਰਾਰ ਹੋ ਗਏ । ਸਬ ਇੰਸਪੈਕਟਰ ਰਾਜੇਸ਼ ਕੁਮਾਰ ਨੇ ਦੱਸਿਆ ਕਿ ਅਕੁੰਸ਼ ਸ਼ਰਮਾ ਦੇ ਬਿਆਨ ਤੇ ਤਿੰਨ ਨਾਮਾਲੂਮ ਨੋਜਵਾਨਾਂ ਦੇ ਵਿੱਰੁਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।