ਗੁਰਦਾਸਪੁਰ( ਅਸ਼ਵਨੀ )

24 ਜੂਨ – ਪੈਸੇ ਦੁਗਣੇ ਕਰਕੇ ਦੇਣ ਦਾ ਝਾਂਸਾ ਦੇ ਕੇ 7 ਲੱਖ ਦੀ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਪੁਲਿਸ ਸਟੇਸ਼ਨ ਸਦਰ ਗੁਰਦਾਸਪੁਰ ਦੀ ਪੁਲਿਸ ਵਲੋ ਪਤੀ ਪਤਨੀ ਨੂੰ ਨਾਮਜ਼ਦ ਕੀਤਾ ਗਿਆ ਹੈ । ਬਲਦੇਵ ਸਿੰਘ ਧੁੱਪੜ ਪੁੱਤਰ ਛੱਜੂ ਰਾਮ ਵਾਸੀ ਗੁਰਦਾਸਪੁਰ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀ ਦੱਸਿਆ ਕਿ ਜੈਪਾਲ ਪੁੱਤਰ ਮੂਲ ਚੰਦ ਅਤੇ ਬਿਆਸੋ ਪਤਨੀ ਜੈਪਾਲ ਵਾਸੀ ਜਲੰਧਰ ਨੇ ਉਸ ਦੀ ਪਤਨੀ ਆਸ਼ਾ ਰਾਣੀ , ਨੂੰਹ ਜੋਤੀ ਕੁਮਾਰੀ ਅਤੇ ਉਸ ਨੂੰ ਪੇਸੈ ਦੁਗਣੇ ਕਰਕੇ ਦੇਣ ਦਾ ਝਾਂਸਾ ਦੇ ਕੇ ਸਾਲ 2021 ਵਿੱਚ ਆਪਣੀ ਖੋਲੀ ਗਈ ਕੰਪਨੀ ਦੀ ਮਾਰਟਿਨ ਐਕਸਪੋ ਵਿੱਚ 10.70 ਲੱਖ ਰੁਪਏ ਜਮਾਂ ਕਰਵਾਏ ਸਨ । ਇਹਨਾਂ ਵਿੱਚੋਂ 3.70 ਲੱਖ ਰੁਪਏ ਉਕਤ ਪਤੀ ਪਤਨੀ ਨੇ ਵਾਪਿਸ ਕਰ ਦਿੱਤੇ ਸਨ ਪਰ 7 ਲੱਖ ਰੁਪਏ ਵਾਪਿਸ ਨਾ ਕਰਕੇ 7 ਲੱਖ ਦੀ ਠੱਗੀ ਮਾਰੀ ਹੈ । ਤਫਤੀਸ਼ੀ ਅਫਸਰ ਰੁਪਿੰਦਰ ਸਿੰਘ ਸਹਾਇਕ ਸਬ ਇੰਸਪੈਕਟਰ ਨੇ ਦੱਸਿਆ ਕਿ ਬਲਦੇਵ ਸਿੰਘ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਕਪਤਾਨ ਪੁਲਿਸ ਕਮਾਂਡ ਸੈਂਟਰ ਗੁਰਦਾਸਪੁਰ ਵਲੋ ਕਰਨ ਉਪਰੰਤ ਉਕਤ ਪਤੀ ਪਤਨੀ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।