ਤਲਵਾੜਾ / ਦਸੂਹਾ (PPT NEWS)
ਵਾਰਦਾਤ ਸੀਸੀਟੀਵੀ ਕੈਮਰੇ ਚ’ ਹੋਈ ਕੈਦ, ਤਲਵਾੜਾ ਪੁਲਿਸ ਜਾਂਚ ਚ ਜੁੱਟੀ
17 ਮਈ : ਅੱਜ ਸਵੇਰੇ ਕਰੀਬ 10 ਵਜੇ ਡੈਮ ਰੋੜ ਤਲਵਾੜਾ ਤੇ ਪੈਂਦੀ ਬਰਫ਼ ਫੈਕਟਰੀ ਕੋਲ ਸ਼ਿਵਸੇਨਾ ਦੇ ਦੋ ਆਗੂ ਜੋ ਮੋਟਰਸਾਈਕਲ ਤੇ ਸਵਾਰ ਸਨ। ਉਨ੍ਹਾਂ ਦਾ ਪਿੱਛਾ ਕਰ ਰਹੇ ਦੋ ਮੋਟਰਸਾਈਕਲਾਂ ਤੇ ਸਵਾਰ 3 ਨੌਜਵਾਨਾਂ ਚੋਂ ਇੱਕ ਨੇ ਚਲਦੇ ਮੋਟਰਸਾਈਕਲ ਤੋਂ ਹੀ ਸ਼ਿਵਸੇਨਾ ਆਗੂਆਂ ਤੇ ਗੋਲੀ ਚਲਾ ਦਿੱਤੀ। ਜਿਸ ਹਮਲੇ ਵਿੱਚ ਸ਼ਿਵ ਸੇਨਾ ਦੇ ਦੋਨੋ ਆਗੂ ਤਾਂ ਬਾਲ ਬਾਲ ਬਚ ਗਏ। ਇਸ ਵਾਰਦਾਤ ਦੀ ਪੁਰੀ ਫੁਟੇਜ ਨੇੜੇ ਲੱਗੇ ਸੀਸੀਟੀਵੀ ਕੈਮਰੇ ਵਿੱਚ ਕੈਦ ਹੋ ਗਈ।
ਵਾਰਦਾਤ ਦੀ ਸੂਚਨਾ ਮਿਲਣ ਤੋਂ ਬਾਅਦ ਤਲਵਾੜਾ ਦੇ ਥਾਣਾ ਮੁੱਖੀ ਬਲਰਾਜ ਸਿੰਘ ਨੇ ਮੌਕੇ ਤੇ ਪਹੁੰਚੇ ਕੇ ਘਟਨਾ ਦੀ ਜਾਂਚ ਸ਼ੁਰੂ ਕਰ ਦਿੱਤੀ। ਸੀਸੀਟੀਵੀ ਫੁਟੇਜ ਵੇਖਣ ਤੋਂ ਬਾਅਦ ਉਨ੍ਹਾਂ ਵਲੋਂ ਦੂਜੇ ਮੋਟਰਸਾਈਕਲ ਸਵਾਰ ਹੋਏ ਇੱਕ ਨੌਜਵਾਨ ਨੂੰ ਹਿਰਾਸਤ ਵਿੱਚ ਲੈਕੇ ਅਗਲੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਗਈ।
ਸ਼ਿਵ ਸੇਨਾ ਬਾਲ ਠਾਕਰੇ ਛਿੰਦੇ ਗਰੁੱਪ ਦੇ ਸਥਾਨਕ ਆਗੂਆਂ ਤੇ ਹੋਏ ਉਕਤ ਹਮਲੇ ਤੋਂ ਬਾਅਦ ਸ਼ਿਵ ਸੇਨਾ ਦੇ ਵੱਢੇ ਅਹੁਦੇਦਾਰਾਂ ਵਿੱਚੋਂ ਰੰਜੀਤ ਰਾਣਾ, ਬੰਟੀ ਜੋਗੀ,ਸੰਨੀ,ਅਤੁੱਲ ਅਤੇ ਵੱਖ ਵੱਖ ਜਿਲ੍ਹਿਆਂ ਤੋ ਪਹੁੰਚੇ ਸ਼ਿਵ ਸੈਨਿਕਾਂ ਨੇ ਥਾਣਾ ਮੁੱਖੀ ਨਾਲ ਇਸ ਵਾਰਦਾਤ ਸਬੰਧੀ ਗੱਲਬਾਤ ਕੀਤੀ ਤੇ ਦੋਸ਼ੀਆਂ ਨੂੰ ਤੁਰੰਤ ਹਿਰਾਸਤ ਵਿੱਚ ਲੈਕੇ ਇੰਸਾਫ਼ ਦੀ ਮੰਗ ਕੀਤੀ। ਥਾਣਾ ਤਲਵਾੜਾ ਪਹੁੰਚੇ ਸ਼ਿਵਸੇਨਾ ਬਾਲ ਠਾਕਰੇ ਛਿੰਦੇ ਗਰੁੱਪ ਦੇ ਸੂਬਾ ਕਾਰਜਕਾਰੀ ਮੈਂਬਰ ਰੰਜੀਤ ਰਾਣਾ ਨੇ ਆਪਣੇ ਸਥਾਨਕ ਆਗੂ ਤੇ ਹੋਏ ਹਮਲੇ ਨੂੰ ਸੂਬਾ ਸਰਕਾਰ ਦੀ ਸੂਬੇ ਅੰਦਰ ਕਾਨੂੰਨ ਵਿਵਸਥਾ ਦਾ ਘਾਣ ਕਰਨ ਦਾ ਜਿੰਮੇਵਾਰ ਦੱਸਿਆ ਅਤੇ ਚੇਤਾਵਨੀ ਦਿੱਤੀ ਕਿ ਮੁਲਜਮਾਂ ਨੂੰ ਫੜਕੇ ਜਲਦੀ ਕਾਰਵਾਈ ਕੀਤੀ ਜਾਵੇ।
ਇਸ ਸੰਬੰਧ ਵਿੱਚ ਜਦੋਂ ਥਾਣਾ ਮੁੱਖੀ ਬਲਰਾਜ ਸਿੰਘ ਨਾਲ ਗੱਲ ਕੀਤੀ ਗਈ ਤਾਂ ਉਹ ਹਿਰਾਸਤ ਵਿੱਚ ਲਏ ਹੋਏ ਇੱਕ ਦੋਸ਼ੀ ਨੂੰ ਗੱਡੀ ਵਿੱਚ ਬਿਠਾ ਕੇ ਕੀਤੇ ਲੈਕੇ ਜਾ ਰਹੇ ਸਨ ਅਤੇ ਜਾਂਦੇ ਹੋਏ ਉਨ੍ਹਾਂ ਕਿਹਾ ਕਿ ਮੀਡੀਆ ਨਾਲ 1-2 ਘੰਟੀਆਂ ਬਾਅਦ ਹੀ ਉਹ ਰੂਬਰੂ ਹੋਣਗੇ।
ਕੈਪਸ਼ਨ -ਘਟਨਾ ਵਾਲੀ ਥਾਂ ਤੇ ਜਾਂਚ ਕਰਦੀ ਹੋਈ ਤਲਵਾੜਾ ਪੁਲਿਸ, ਸੀਸੀਟੀਵੀ ਫੁਟੇਜ ਦੀ ਤਸਵੀਰ, ਮੀਡੀਆ ਨਾਲ ਗਲਬਾਤ ਕਰਦੇ ਹੋਏ ਸ਼ਿਵ ਸੈਨਿਕ।
