26 ਅਪ੍ਰੈਲ : ਪੰਜਾਬ ਤੇ ਸੈਂਟਰ ਸਰਕਾਰ ਇੱਕ ਪਾਸੇ ਲੋਕਾਂ ਨੂੰ ਸਿਹਤ ਸਹੂਲਤਾਂ ਫ੍ਰੀ ਦੇਣ ਦਾ ਢਿੰਡੋਰਾ ਪਿੱਟਦੀਆਂ ਅਕਸਰ ਨਜਰ ਆਉਂਦੀ ਹਨ। ਦੂਜੇ ਪਾਸੇ ਸ਼ੂਗਰ ਚੈੱਕ ਕਰਨ ਵਾਲੀ ਸਟਰਿਪਾਂ ਦਾ ਪੈਕਟ ਜੇ ਕਿਸੇ ਨੇ ਖਰੀਦਣਾ ਹੋਵੇ ਤਾਂ ਉਸ ਦੀ ਕੀਮਤ ਵਿੱਚ ਤਿੰਨ ਮਹੀਨਿਆਂ ਵਿੱਚ 80 ਰੁਪਏ ਦਾ ਵਾਧਾ ਹੋਇਆ ਹੈ।ਉਸ ਉਪਰ ਕੀਮਤ 849 ਰੁਪਏ ਲਿਖੀ ਹੋਈ ਹੈ।ਇਸ ਤੋਂ ਪਹਿਲਾਂ ਇਹ ਸਟਰਿਪ 520 ਰੁਪਏ ਵਿਚ ਮਿਲਦੀ ਸੀ ,ਹੁਣ ਇਹ 600 ਰੁਪਏ ਵਿਚ ਮਿਲ ਰਹੀ ਹੈ।ਇਸ ਸਬੰਧੀ ਜ਼ਿਲ੍ਹਾ ਕਿਸਾਨ ਸਭਾ ਆਗੂ ਗੁਰਨੇਕ ਸਿੰਘ ਭੱਜਲ ਅਤੇ ਖੇਤ ਮਜ਼ਦੂਰ ਯੂਨੀਅਨ ਦੇ ਆਗੂ ਹਰਬੰਸ ਸਿੰਘ ਧੂਤ ਨੇ ਇਹਨਾਂ ਵਧੀਆਂ ਕੀਮਤਾਂ ਦੀ ਕਰੜੇ ਸ਼ਬਦਾਂ ਵਿੱਚ ਨਿੰਦਾ ਕੀਤੀ ਹੈ ।ਉਨ੍ਹਾਂ ਕਿਹਾ ਕੇ ਸਰਕਾਰ ਦਵਾਈਆਂ ਦੀਆਂ ਕੀਮਤਾਂ ਵਿੱਚ ਵਾਧੇ ਨੂੰ ਕੰਟਰੋਲ ਕਰੇ ਤਾਂ ਕਿ ਆਮ ਲੋਕ ਮੈਡੀਕਲ ਸੁਵਿਧਾਵਾਂ ਦਾ ਲਾਭ ਉੱਠਾ ਕੇ

ਸੁੱਖ ਦਾ ਸਾਹ ਲੈ ਸਕਣ।