ਗੜਦੀਵਾਲਾ (ਚੌਧਰੀ) 

–ਇਪਟਾ ਦੇ 16ਵੇਂ ਸੰਮੇਲਨ ’ਚ ਕੀਤਾ ਸੀ ਸ਼ਹੀਦ ਭਗਤ ਸਿੰਘ ਦੇ ਜੀਵਨ’ਤੇ ਅਧਾਰਿਤ ਨਾਟਕ

27 ਮਾਰਚ : ਸ਼ਹੀਦ ਭਗਤ ਸਿੰਘ ਦਾ ਕਿਰਦਾਰ ਨਿਭਾ ਕੇ ਜੇਤੂ ਰਹੇ ਪਿੰਡ ਭੂੰਗਾ ਦੇ ਵਿਵੇਕ ਹਾਸ਼ਿਰ ਨੂੰ ਸੰਤ ਨਿਰੰਕਾਰੀ ਸਤਸੰਗ ਭਵਨ ਗੜਦੀਵਾਲਾ’ਚ ਬ੍ਰਾਂਚ ਦੇ ਮੁਖੀ ਮਹਾਤਮਾ ਅਵਤਾਰ ਸਿੰਘ ਜੀ ਵਲੋਂ ਸਨਮਾਨਿਤ ਕੀਤਾ ਗਿਆ। ਇਸ ਮੌਕੇ ਵਿਵੇਕ ਹਾਸ਼ਿਰ ਦੇ ਪਿਤਾ ਪ੍ਰੀਤਮਪਾਲ ਅਤੇ ਮਾਤਾ ਰਾਜ ਕੁਮਾਰੀ ਵੀ ਹਾਜਰ ਸਨ। ਭੇਲਦੀ (ਬਿਹਾਰ) ’ਚ ਬੀਤੇ ਦਿਨੀਂ ਇਪਟਾ ਦਾ 16ਵਾਂ ਸੰਮੇਲਨ ਕਰਵਾਇਆ ਗਿਆ। ਜਿਸ ਵਿਚ ਭਗਤ ਸਿੰਘ ਦੀ ਜੀਵਨੀ ’ਤੇ ਅਧਾਰਿਤ ਪੰਜਾਬ ਇਪਟਾ ਦੀ ਟੀਮ ਵਲੋਂ ਨਾਟਕ ਪੇਸ਼ ਕੀਤਾ ਗਿਆ। ਜਿਸ ਵਿਚ ਭਗਤ ਸਿੰਘ ਦਾ ਕਿਰਦਾਰ ਨਿਭਾਉਣ ਵਾਲੇ ਹੁਸ਼ਿਆਰਪੁਰ ਦੇ ਪਿੰਡ ਭੂੰਗਾ ਦੇ ਵਿਵੇਕ ਹਾਸ਼ਿਰ ਦੇ ਕੰਮ ਦੀ ਸ਼ਲਾਘਾ ਹੋਈ ਅਤੇ ਉਸਨੂੰ ਸਨਮਾਨਿਤ ਕੀਤਾ ਗਿਆ। ਵਿਵੇਕ ਹਾਸ਼ਿਰ ਨੇ ਆਪਣੀ ਇਸ ਸਫਲਤਾ ਦਾ ਸਿਹਰਾ ਨਿਰੰਕਾਰੀ ਸਤਿਗੁਰੂ ਮਾਤਾ ਸੁਦੀਕਸ਼ਾ ਜੀ ਮਹਾਰਾਜ ਦੇ ਅਸ਼ੀਰਵਾਦ ਅਤੇ ਪਿਤਾ ਪ੍ਰੀਤਮਪਾਲ ਤੇ ਮਾਤਾ ਰਾਜ ਕੁਮਾਰੀ ਦੇ ਪਿਆਰ ਅਤੇ ਨੈਸ਼ਨਲ ਸੈਕਟਰੀ ਇੰਦਰਜੀਤ ਰੂਪੋਵਾਲ, ਪੰਜਾਬ ਪ੍ਰਧਾਨ ਸੰਜੀਵਨ, ਸੈਕਟਰੀ ਦੀਪਕ ਨਾਹਰ ਤੇ ਇਪਟਾ ਦੀ ਟੀਮ ਦੇ ਨਾਲ ਨਾਲ ਪਵਨ ਗੁਰੂ, ਵਿਨੀ, ਕਰਮਜੀਤ ਸਿੰਘ, ਹਰਜੀਤ ਸਿੰਘ, ਕੁਲਦੀਪ ਸਿੰਘ ਅਤੇ ਦੁਲਾ ਜੀ ਨੂੰ ਦਿੱਤਾ।