ਗੜ੍ਹਦੀਵਾਲਾ (ਚੌਧਰੀ / ਯੋਗੇਸ਼ ਗੁਪਤਾ) 

ਲੁਟੇਰੇ ਸੋਨੇ ਦੀ ਚੈਨ ਸਮੇਤ ਲਾਕਟ,ਸੋਨੇ ਦੀ ਮੁੰਦਰੀ ਤੇ 1500 ਰੁਪਏ ਦੀ ਨਕਦੀ ਲੈ ਕੇ ਹੋਏ ਰਫੂਚੱਕਰ 

16 ਮਾਰਚ : ਐਕਟਿਵਾ ਤੇ ਆਪਣੇ ਪਿੰਡ ਨੂੰ ਪਰਤ ਰਹੀ ਔਰਤ ਨੂੰ ਮੋਟਰਸਾਈਕਲ ਸਵਾਰ ਲੁਟੇਰਿਆਂ ਵਲੋ ਲੁੱਟ ਖੋਹ ਕਰਨ ਤੇ ਗੜ੍ਹਦੀਵਾਲਾ ਪੁਲਿਸ ਵਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ। ਇਸ ਸਬੰਧੀ ਜਗਦੀਪ ਕੁਮਾਰ ਪੁੱਤਰ ਕੇਵਲ ਕ੍ਰਿਸ਼ਨ (60)ਵਾਸੀ ਪਿੰਡ ਜੌਹਲਾ ਥਾਣਾ ਗੜ੍ਹਦੀਵਾਲਾ ਨੇ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਦੱਸਿਆ ਕਿ ਮੇਰੀ ਨੂੰਹ ਏਕਤਾ ਸ਼ਰਮਾ ਪਤਨੀ ਰਾਹੁਲ ਸ਼ਰਮਾ ਅੱਜ ਆਪਣੀ | ਐਕਟਿਵਾਂ ਨੰਬਰੀ ਪੀਬੀ-07ਬੀਸੀ 1480 ਤੇ ਸਵਾਰ ਹੋਕੇ ਆਪਣੇ ਪੇਕੇ ਪਿੰਡ ਗੜ੍ਹਦੀਵਾਲਾ ਤੋਂ ਆਪਣੇ ਪਿੰਡ ਜੌਹਲਾਂ ਨੂੰ ਆ ਰਹੀ ਸੀ।ਜਦੋਂ ਉਹ ਪਿੰਡ ਜੀਆ ਸਹੋਤਾ ਤੋ ਥੋੜ੍ਹਾ ਅੱਗੇ ਮੋੜ ਪਾਸ ਪੁੱਜੀ ਤਾਂ ਪਿੱਛੋਂ ਮੋਟਰਸਾਈਕਲ ਤੇ ਇੱਕ ਸਰਦਾਰ ਤੇ ਮੋਨਾ ਵਿਅਕਤੀ ਆਏ ਜਿਨ੍ਹਾਂ ਵਲੋਂ ਮੇਰੀ ਨੂੰਹ ਏਕਤਾ ਸ਼ਰਮਾ ਦੀ ਐਕਟਿਵਾਂ ਦੀ ਚਾਬੀ ਕੱਢ ਲਈ ਤੇ ਸੜਕ ਵਿੱਚ ਰੋਕ ਲਿਆ ਉੱਕਤ ਵਿਅਕਤੀਆਂ ਦੀ ਉਮਰ ਲਗਭਗ 30/35 ਸਾਲ ਦੇ ਕਰੀਬ ਸੀ।ਇਸ ਦੌਰਾਨ ਸਰਦਾਰ ਵਿਅਕਤੀ ਨੇ ਮੇਰੀ ਨੂੰਹ ਏਕਤਾ ਸ਼ਰਮਾ ਨੂੰ ਕੋਈ ਪਿਸਤੌਲ ਨੁਮਾ ਚੀਜ ਦਿਖਾਕੇ ਉਸਦੇ ਗਲੇ ਵਿੱਚ ਪਾਈ ਸੋਨੇ ਦੀ ਚੈਨ ਸਮੇਤ ਲਾਕਟ,ਸੋਨੇ ਦੀ ਮੁੰਦਰੀ ਤੇ 1500 ਰੁਪਏ ਦੀ ਨਕਦੀ ਡਰਾ ਧਮਾਕੇ ਖੋਹ ਕੇ ਆਪਣੇ ਮੋਟਰਸਾਈਕਲ ਤੇ ਸਵਾਰ ਹੋਕੇ ਪਿੰਡ ਅਰਗੋਵਾਲ ਵੱਲ ਨੂੰ ਫਰਾਰ ਹੋ ਗਏ। ਗੜ੍ਹਦੀਵਾਲਾ ਪੁਲਿਸ ਵੱਲੋਂ ਜਗਦੀਪ ਕੁਮਾਰ ਦੇ ਬਿਆਨਾਂ ਤੇ ਮੋਟਰਸਾਈਕਲ ਸਵਾਰ ਨਾ-ਮਲੂਮ ਵਿਅਕਤੀਆਂ ਖਿਲਾਫ਼ 379-ਬੀ 34 ਆਈਪੀਸੀ 25-54-59 ਅਸਲਾ ਐਕਟ ਤਹਿਤ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਅਰੰਭ ਕਰ ਦਿੱਤੀ ਗਈ।