ਗੁਰਦਾਸਪੁਰ (ਅਸ਼ਵਨੀ)

28 ਫਰਵਰੀ – ਪੁਲਿਸ ਜਿਲ੍ਹਾ ਗੁਰਦਾਸਪੁਰ ਅਧੀਨ ਪੈਂਦੇ ਪੁਲਿਸ ਸਟੇਸ਼ਨ ਸਦਰ ਗੁਰਦਾਸਪੁਰ ਅਧੀਨ ਪੈਂਦੇ ਇਕ ਪਿੰਡ ਦੀ ਵਸਨੀਕ ਇਕ ਨਬਾਲਗ਼ ਲੜਕੀ ਨਾਲ ਜ਼ਬਰਦਸਤੀ ਕਰਨ ਕਰਨ ਤੇ ਪੁਲਿਸ ਵਲੋ ਦੋ ਨੂੰ ਨਾਮਜ਼ਦ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ । ਪੀੜਤ ਲੜਕੀ ਦੀ ਮਾਤਾ ਵਲੋ ਪੁਲਿਸ ਨੂੰ ਦਰਜ ਕਰਵਾਈ ਸ਼ਿਕਾਇਤ ਰਾਹੀ ਦੱਸਿਆ ਗਿਆ ਕਿ ਉਸ ਦੀ 12 ਸਾਲ ਦੀ ਬੇਟੀ ਜੋਕਿ ਇਕ ਸਕੂਲ ਵਿੱਚ ਪੰਜਵੀ ਕਲਾਸ ਵਿੱਚ ਪੜਦੀ ਹੈ ।ਬੀਤੀ 21 ਫ਼ਰਵਰੀ 2023 ਨੂੰ ਸਵੇਰੇ ਐਕਟਿਵਾ ਤੇ ਸਵਾਰ ਹੋ ਕੇ ਸਕੂਲ ਗਈ ਅਤੇ 3 ਵਜੇ ਵਾਪਿਸ ਆ ਕੇ ਦੱਸਿਆ ਕਿ ਜਦੋਂ ਉਹ ਸਕੂਲ ਜਾ ਰਹੀ ਸੀ ਤਾਂ ਹੱਲਾ ਚਾਹੀਆਂ ਮੋੜ ਤੇ ਇਕ ਲੜਕੀ ਨੇ ਰੋਕ ਕੇ ਕਿਹਾ ਕਿ ਉਸ ਨੂੰ ਦੀਨਾ ਨਗਰ ਛੱਡ ਕੇ ਆਵੇ । ਪੀੜਤ ਲੜਕੀ ਦੀ ਮਾਤਾ ਨੇ ਪੁਲਿਸ ਨੂ ਹੋਰ ਦੱਸਿਆ ਕਿ ਜਦੋਂ ਉਸ ਦੀ ਬੇਟੀ ਲੜਕੀ ਨੂੰ ਦੀਨਾ ਨਗਰ ਲੈ ਕੇ ਗਈ ਤਾਂ ਦੀਨਾ ਨਗਰ ਬਾਈਪਾਸ ਤੇ ਲੜਕੀ ਦਾ ਭਰਾ ਬੁੱਲਟ ਮੋਟਰ-ਸਾਈਕਲ ਲੈ ਕੇ ਖੜਾ ਸੀ ਜੋ ਉਸ ਦੀ ਲੜਕੀ ਨੂੰ ਮੋਟਰ-ਸਾਈਕਲ ਤੇ ਬੈਠਾ ਕੇ ਪਠਾਨਕੋਟ ਸਾਈਡ ਕਿਸੇ ਨਾਮਾਲੂਮ ਹੋਟਲ ਵਿੱਚ ਲੈ ਗਿਆ ਜਿੱਥੇ ਲੈ ਜਾ ਕੇ ਲੜਕੇ ਨੇ ਉਸ ਦੀ ਬੇਟੀ ਦੇ ਨਾਲ ਜ਼ਬਰਦਸਤੀ ਕੀਤੀ । ਅਤੇ ਵਾਪਿਸ ਲਿਆ ਕੇ ਇਕ ਪੈਟਰੋਲ ਪੰਪ ਤੇ ਛੱਡ ਗਿਆ । ਤਫਤੀਸ਼ੀ ਅਫਸਰ ਇੰਸਪੈਕਟਰ ਪੁਸ਼ਪਾ ਨੇ ਦੱਸਿਆ ਕਿ ਪੀੜਤ ਲੜਕੀ ਦੇ ਬਿਆਨ ਤੇ ਪੁਲਿਸ ਵੱਲੋਂ ਇਕ ਲੜਕੀ ਅਤੇ ਇਕ ਲੜਕੇ ਦੇ ਵਿਰੁੱਧ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।