ਪਠਾਨਕੋਟ (ਅਵਿਨਾਸ਼ ਸ਼ਰਮਾ)

4 ਜਨਵਰੀ : ਅੱਜ ਐਸ ਐਮ ਓ ਘਰੋਟਾ ਡਾਕਟਰ ਬਿੰਦੂ ਗੁਪਤਾ ਦੇ ਦਿਸ਼ਾ ਨਿਰਦੇਸ਼ਾਂ ਅਨੁਸਾਰ ਮੁਹੱਲਾ ਕਲੀਨਿਕ ਇੰਚਾਰਜ ਡਾਕਟਰ ਨਵਦੀਪ ਕੌਰ ਦੀ ਨਿਗਰਾਨੀ ਹੇਠ ਸਿਹਤ ਕੇਂਦਰ ਬਾਹਠ ਸਾਹਿਬ ਵਿਖੇ ਵਿਸ਼ਵ ਕੈਂਸਰ ਦਿਵਸ ਮਨਾਇਆ ਗਿਆ ਜਿਸ ਵਿਚ ਸੀ ਐਚ ਓ ਡਾਕਟਰ ਸ਼ਿਲਪਾ ਗੁਪਤਾ ਨੇ ਵੱਖ ਵੱਖ ਤਰ੍ਹਾਂ ਦੇ ਕੈਂਸਰ ਅਤੇ ਉਨ੍ਹਾਂ ਦੇ ਲੱਛਣ , ਬਚਾਓ ਦੇ ਬਾਰੇ ਗੰਭੀਰਤਾ ਨਾਲ ਦੱਸਿਆ ।ਉਹਨਾਂ ਇਹ ਵੀ ਦੱਸਿਆ ਕਿ ਕੈਂਸਰ ਲਾਇਲਾਜ ਬੀਮਾਰੀ ਨਹੀਂ ਹੈ ਅਗਰ ਇਸਦੀ ਪੜਤਾਲ ਜਲਦੀ ਕੀਤੀ ਜਾਵੇ ਤਾਂ ਅਸੀਂ ਇਸ ਬਿਮਾਰੀ ਤੋਂ ਬਚ ਸਕਦੇ ਹਾਂ। ਵੱਖ ਵੱਖ ਤਰ੍ਹਾਂ ਦੇ ਕੈਂਸਰ ਦੀਆਂ ਕਿਸਮਾਂ ਜਿਵੇਂ ਮੂੰਹ ਦਾ ਕੈਂਸਰ ਜੋ ਕਿ ਵੱਖ ਵੱਖ ਤਰ੍ਹਾਂ ਦੇ ਤੰਬਾਕੂ ਪਦਾਰਥ ਖਾਣ ਨਾਲ ਹੁੰਦਾ ਹੈ ਇਸ ਤੋਂ ਇਲਾਵਾ ਸਰੀਰ ਦੇ ਕਿਸੇ ਵੀ ਹਿੱਸੇ ਵਿਚ ਰਸੌਲੀ ਹੋ ਜਾਣਾ ਗਿਲਟੀ ਬਣ ਜਾਣਾ ਅਤੇ ਔਰਤਾਂ ਵਿਚ ਬੱਚੇਦਾਨੀ ਕੈਂਸਰ ਅਤੇ ਬਰੈਸਟ ਕੈਂਸਰ ਆਦਿ। ਕੈਂਸਰ ਹੋਣ ਦੇ ਹੋਰ ਵੀ ਕਾਰਨ ਹਨ ਜਿਵੇਂ ਜ਼ਿਆਦਾ ਫਾਸਟ ਫੂਡ ਦੀ ਵਰਤੋਂ ਪਲਾਸਟਿਕ ਪੈਕਿੰਗ ਵਾਲਾ ਭੋਜਨ ਪਲਾਸਟਿਕ ਲਿਫਾਫਿਆਂ ਦੀ ਵਰਤੋਂ ਬੀੜੀ ਸਿਗਰਟ ਸ਼ਰਾਬ ਦਾ ਜ਼ਿਆਦਾ ਸੇਵਨ ਅਤੇ ਆਪਣਾ ਲਾਈਫ਼ ਸਟਾਈਲ ਸਹੀ ਨਾ ਹੋਨਾ ਹੈ। ਸਾਨੂੰ ਬਿਲਕੁਲ ਸਾਦਾ ਅਤੇ ਸੰਤੁਲਿਤ ਭੋਜਨ ਖਾਣਾ ਚਾਹੀਦਾ ਹੈ ਪਲਾਸਟਿਕ ਦੀ ਵਰਤੋਂ ਘੱਟ ਕਰਨੀ ਚਾਹੀਦੀ ਹੈ ਅਤੇ ਰੋਜ਼ਾਨਾ ਕਸਰਤ ਕਰਨੀ ਚਾਹੀਦੀ ਹੈ ਇਸ ਤੋਂ ਇਲਾਵਾ ਜੇਕਰ ਕਿਸੇ ਵਿਅਕਤੀ ਵਿਚ ਕੈਂਸਰ ਸਬੰਧੀ ਕੋਈ ਵੀ ਲੱਛਣ ਪਾਏ ਜਾਂਦੇ ਹਨ ਤਾਂ ਨੇੜੇ ਦੀ ਸਿਹਤ ਸੰਸਥਾ ਵਿਚ ਜਾ ਕੇ ਆਪਣੀ ਜਾਂਚ ਕਰਵਾਉਣੀ ਚਾਹੀਦੀ ਹੈ। ਇਸ ਮੌਕੇ ਤੇ ਸਿਹਤ ਵਰਕਰ ਸੁਖਦੇਵ ਰਾਜ , ਸੀ ਐਚ ਓ ਡਾਕਟਰ ਸ਼ਿਲਪਾ ਗੁਪਤਾ, ਹੈਲਥ ਇੰਸਪੈਕਟਰ ਗੁਰਮੁਖ ਸਿੰਘ ਜੀ, ਫਾਰਮੇਸੀ ਅਫ਼ਸਰ ਆਰਤੀ ਠਾਕੁਰ, ਆਯੁਰਵੈਦਿਕ ਮੈਡੀਕਲ ਅਫਸਰ ਸੀਮਾ ਹੀਰ ,ਉਪ ਵੈਦ ਕ੍ਰਾਂਤੀ ਦੀਪਕ, ਐਲ ਐਚ ਵੀ ਹਰਬੀਰ ਕੌਰ, ਲੈਬ ਟੈਕਨੀਸ਼ੀਅਨ ਮਨੀਸ਼ਾ ਕੁਮਾਰੀ, ਰਜਿੰਦਰ ਪ੍ਰਸ਼ਾਦ ਅਤੇ ਆਮ ਜਨਤਾ ਹਾਜ਼ਰ ਸੀ।