ਗੜ੍ਹਦੀਵਾਲਾ (PPT NEWS) 

25 ਜਨਵਰੀ :  ਕਨੇਡਾ ਭੇਜਣ ਦਾ ਝਾਂਸਾ ਦੇ ਕੇ 2,ਲੱਖ 50 ਹਜਾਰ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ‘ਚ ਇੱਕ ਵਿਅਕਤੀ ਤੇ ਗੜ੍ਹਦੀਵਾਲਾ ਪੁਲਿਸ ਵਲੋਂ ਮਾਮਲਾ ਦਰਜ ਕੀਤਾ ਗਿਆ ਹੈ। ਮੁਲਜ਼ਮ ਦੀ ਪਛਾਣ ਮੋਹਨ ਲਾਲ ਪੁੱਤਰ ਗੁਲਜਾਰੀ ਲਾਲ ਵਾਸੀ ਮੁਹੱਲਾ ਬਾਲਮੀਕੀ,ਹਰਿਆਣਾ ਜਿਲਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।

ਇਹ ਮੁਕੱਦਮਾ ਦਰਖਾਸਤ ਨੰਬਰ 9431-ਪੀ.ਡੀ. ਮਿਤੀ 04-11-2022 ਵੱਲੋ ਕੁਲਦੀਪ ਸਿੰਘ ਪੁੱਤਰ ਸ਼੍ਰੀ ਬਹਾਦੁਰ ਸਿੰਘ ਵਾਸੀ ਪਿੰਡ ਬਾਹਲੇ ਥਾਣਾ ਗੜਦੀਵਾਲਾ ਤਹਿਸੀਲ ਦਸੂਹਾ ਜਿਲਾ ਹੁਸ਼ਿਆਰਪੁਰ ( ਉਮਰ ਕਰੀਬ 28 ਸਾਲ ) ਦੀ ਬਾਅਦ ਇੰਨਕੁਆਰੀ ਸ਼੍ਰੀ ਸਤਿੰਦਰ ਕੁਮਾਰ ਉਪ ਕਪਤਾਨ ਪੁਲਿਸ ਸਪੈਸ਼ਲ ਬ੍ਰਾਂਚ ਹੁਸਿਆਰਪੁਰ ਵੱਲੋ ਕਰਨ ਤੇ ਬਰ ਖਿਲਾਫ ਮੋਹਨ ਲਾਲ ਪੁੱਤਰ ਗੁਲਜਾਰੀ ਲਾਲ ਵਾਸੀ ਮੁਹੱਲਾ ਬਾਲਮੀਕੀ ਹਰਿਆਣਾ, ਥਾਣਾ ਹਰਿਆਣਾ, ਜਿਲਾ ਹੁਸ਼ਿਆਰਪੁਰ ਨੇ ਉਸ ਨੂੰ ਵਿਦੇਸ ਕਨੇਡਾ ਭੇਜਣ ਦਾ ਝਾਂਸਾ ਦੇ ਕੇ ਉਸ ਪਾਸੋਂ 2,50,000/- ਰੁਪਏ ਦੀ ਠੱਗੀ ਮਾਰੀ ਨਾ ਤਾਂ ਉਸ ਨੂੰ ਵਿਦੇਸ ਭੇਜਿਆ ਅਤੇ ਨਾ ਹੀ ਪੈਸੇ ਵਾਪਸ ਕੀਤੇ। ਪੈਸੇ ਵਾਪਿਸ ਮੰਗਣ ਤੇ ਟਾਲ ਮਟੋਲ ਕਰਨ ਸਬੰਧੀ ਅਤੇ ਮਾਰ ਦੇਣ ਲਈ ਪਿਸਤੌਲ ਕੱਢ ਕੇ ਤਾਨਣ ਅਤੇ ਧਮਕੀਆ ਦਿੱਤੀਆ। ਜਿਸ ਤੇ ਰਾਹੀ ਹੁਕਮ ਨੰਬਰੀ 311-ਪੀ.ਸੀ ਮਿਤੀ 21- 01-2023 ਨੂੰ ਦਰਖਾਸਤ ਸਮੇਤ ਇੰਨਕੁਆਰੀ ਥਾਣਾ ਮੋਸੂਲ ਹੋਣ ਤੇ ਮੁਲਾਜ਼ਮ ਮੋਹਨ ਲਾਲ ਖਿਲਾਫ ਧਾਰਾ 406,420 ਭ:ਦ, 24 ਇਮੀਗ੍ਰੇਸ਼ਨ ਐਕਟ 1983 ਅਧੀਨ ਮੁਕੱਦਮਾ ਦਰਜ ਕੀਤਾ ਗਿਆ।