ਗੜ੍ਹਦੀਵਾਲਾ (ਚੌਧਰੀ) 

10 ਜਨਵਰੀ : ਪਿੰਡ ਬਰੂਹੀ ਦੇ ਐਲੀਮੈਂਟਰੀ ਤੇ ਮਿਡਲ ਸਕੂਲ ਵਿਖੇ ਚੋਰੀ ਹੋਣ ਦਾ ਸਮਾਚਾਰ ਪ੍ਰਾਪਤ ਹੋਇਆ ਹੈ।ਇਸ ਮੌਕੇ ਜਾਣਕਾਰੀ ਦਿੰਦੇ ਹੋਏ ਮੁੱਖ ਅਧਿਆਪਕਾ ਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਅੱਜ ਜਦੋਂ ਉਹ ਸਕੂਲ ਆਏ ਤਾਂ ਉਨ੍ਹਾਂ ਨੇ ਸਾਰੇ ਕਮਰਿਆਂ ਦੇ ਤਾਲੇ ਟੁੱਟੇ ਹੋਏ ਦੇਖੇ ਜਦੋਂ ਉਨ੍ਹਾਂ ਨੇ ਕਮਰਿਆਂ ਵਿਚ ਜਾ ਕੇ ਦੇਖਿਆ ਤਾਂ ਸਾਰਾ ਸਮਾਂ ਇਧਰ-ਉਧਰ ਬਿਖਰਿਆ ਪਿਆ ਸੀ ਅਤੇ ਦਫ਼ਤਰ ਵਿਚੋਂ ਕੈਮਰਾ ਡੀਵੀਆਰ, ਐੱਲਈਡੀ 3 ਪ੍ਰੋਜੈਕਟਰਾਂ ਦੇ ਸਪੀਕਰ, 3 ਸਮਾਰਟ ਐੱਲਈਡੀ, 2 ਬਲਿਊ ਟੂਥ ਅਤੇ ਸਪੀਕਰ, ਕੰਪਿਊਟਰ ਲੰਬਾਟਰੀ ‘ਚੋਂ ਦੋ ਬੈਟਰੀਆਂ, ਇਕ ਯੂਪੀਐੱਸ, ਰਸੋਈ ‘ਚੋਂ 1 ਸਲੰਡਰ, 2 ਪਤੀਲੇ, 1 ਕੂਕਰ, 1ਕੁਇੰਟਲ ਚਾਵਲ ਅਤੇ ਹੋਰ ਸਮਾਨ ਚੋਰੀ ਹੋ ਚੁੱਕਾ ਸੀ। ਇਸੇ ਤਰ੍ਹਾਂ ਸਾਇੰਸ ਲੈਬ ‘ਚੋਂ ਦੋ ਮਾਈਕ੍ਰੋ ਸਕੋਪ, ਸਕੂਲ ਦੀਆਂ ਸਾਰੀਆਂ ਟੂਟੀਆਂ ਤੇ ਮੋਟਰ ਦਾ ਸਟਾਰਟਰ ਵੀ ਲਾਹ ਕੇ ਲੈ ਗਏਚੋਰ। ਇਸੇ ਤਰਾਂ ਗੌਰਮਿੰਟ ਪ੍ਰਾਇਮਰੀ ਸਕੂਲ ਬਰੂਹੀ ਵਿਚ ਵੀ ਚੋਰਾਂ ਨੇ ਇਕ ਸਲੰਡਰ ਤੇ ਇਕ ਕੂਕਰ ਅਤੇ ਸਕੂਲ ‘ਚ ਲਗੇ ਹੋਏ ਚਾਰ ਕੈਮਰਿਆਂ ਦੀ ਭੰਨ ਤੋੜ ਕੀਤੀ। ਇਸ ਮੌਕੇ ਸਕੂਲ ਦੇ ਮੁੱਖ ਅਧਿਆਪਕਾ ਮਨਪ੍ਰੀਤ ਕੌਰ ਨੇ ਦੱਸਿਆ ਕਿ ਉਨ੍ਹਾਂ ਨੇ ਇਸ ਘਟਨਾ ਬਾਰੇ ਆਪਣੇ ਉੱਚ ਅਧਿਕਾਰੀਆਂ ਤੇ ਪੁਲਸ ਨੂੰ ਕੇ ਸੂਚਿਤ ਕਰ ਦਿੱਤਾ ਹੈ।