ਹੁਸ਼ਿਆਰਪੁਰ (ਤਰਸੇਮ ਦੀਵਾਨਾ) 

ਜਿਲਾ ਖੇਡ ਅਧਿਕਾਰੀ ਦੇ ਪੱਖ ਵਾਦੀ ਰਵਈਏ ਦੇ ਬਾਵਜੂਦ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਖਿਡਾਰੀਆਂ ਦਾ ਬੇਹਤਰੀਨ ਪ੍ਰਦਰਸ਼ਨ: ਤਲਵਾੜ 

21 ਸਤੰਬਰ :  ਖਿਡਾਰੀ ਹਮੇਸ਼ਾਂ ਆਪਣੇ ਦੇਸ਼ ਦੀ ਗਰਿਮਾ ਵਧਾਉਣ ਲਈ ਖੇਡਦਾ ਹੈ। ਪਰ ਕੁਝ ਲੋਕ ਨਿੱਜੀ ਸੁਆਰਥਾਂ ਕਰਕੇ ਖਿਡਾਰੀਆਂ ਦੇ ਹਿੱਤਾਂ ਨਾਲ ਹੀ ਖੇਡ ਜਾਂਦੇ ਹਨ । ਉਪਰੋਕਤ ਸ਼ਬਦ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਚੇਅਰਮੈਨ ਅਤੇ ਯੁਵਕ ਭਲਾਈ ਬੋਰਡ ਦੇ ਸਾਬਕਾ ਚੇਅਰਮੈਨ ਸੰਜੀਵ ਤਲਵਾੜ ਨੇ ਖਿਡਾਰੀਆਂ ਦੀ ਹੱਡਬੀਤੀ ਸੁਣਨ ਉਪ੍ਰੰਤ ਕਹੇ।

ਖਿਡਾਰੀਆਂ ਨੇ ਸੰਜੀਵ ਤਲਵਾੜ ਨੂੰ ਦੱਸਿਆ ਕਿ ਬੀਤੇ ਦਿਨੀਂ ਹੋਈਆਂ ਖੇਡਾਂ ਵਿਚ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਖਿਡਾਰੀਆਂ ਨੂੰ ਇੱਕ ਕੋਚ ਜੋ ਕਿ ਆਪ ਹੀ ਰੈਫਰੀ ਸੀ ਉਸ ਨੇ ਜਾਣ ਬੁੱਝ ਕੇ ਆਪਣੇ ਖਿਡਾਰੀਆਂ ਨੂੰ ਜਿਤਾਉਣ ਲਈ ਗ਼ਲਤ ਨਤੀਜੇ ਦਿੱਤੇ। ਉਨ੍ਹਾਂ ਨੇ ਸੰਜੀਵ ਤਲਵਾੜ ਨੂੰ ਸਾਰੇ ਸਬੂਤ ਵੀਡੀਓ ਕਲਿਪਾਂ ਵਿੱਚ ਦਿੰਦੇ ਹੋਏ ਕਿਹਾ ਕਿ ਜਦੋਂ ਇਸ ਬਾਰੇ ਜ਼ਿਲ੍ਹਾ ਖੇਡ ਅਫਸਰ ਨੂੰ ਸ਼ਿਕਾਇਤ ਕੀਤੀ ਤਾਂ ਉਹਨਾਂ ਨੇ ਇਹ ਕਹਿ ਕੇ ਗੱਲ ਟਾਲ ਦਿੱਤੀ ਕਿ ਮੈਚ ਹੁਣ ਹੋ ਚੁੱਕਾ ਹੈ ਇਸ ਦੇ ਨਾਲ ਨਾਲ ਖਿਡਾਰੀਆਂ ਤੋ ਇਤਰਾਜ਼ ਜਤਾਉਣ ਲਈ ਪੈਸੇ ਦੀ ਮੰਗ ਵੀ ਕੀਤੀ ਗਈ।ਇਸ ਮੌਕੇ ਸੰਜੀਵ ਤਲਵਾੜ ਨੇ ਖਿਡਾਰੀਆਂ ਨੂੰ ਭਰੋਸਾ ਦਿੰਦੇ ਹੋਏ ਕਿਹਾ ਕਿ ਇਨ੍ਹਾਂ ਸਾਰੇ ਸਬੂਤਾਂ ਦਾ ਨਿਰੀਖਣ ਕਰ ਕੇ ਦੋਸ਼ੀਆਂ ਖਿਲਾਫ ਹਰ ਕਾਰਵਾਈ ਕਰਵਾਉਣ ਦੀ ਲੜਾਈ ਜ਼ਰੂਰ ਲੜਨਗੇ। ਤਲਵਾੜ ਨੇ ਕਿਹਾ ਕਿ ਜ਼ਿਲ੍ਹਾ ਖੇਡ ਅਫ਼ਸਰ ਦੇ ਵਤੀਰਾ ਅਤੇ ਰੈਫਰੀ ਦੀ ਪੱਖਵਾਦੀ ਸੋਚ ਦੇ ਬਾਵਜੂਦ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਦੇ ਖਿਡਾਰੀਆਂ ਨੇ ਬੇਹਤਰੀਨ ਪ੍ਰਦਰਸ਼ਨ ਕਰਦੇ ਹੋਏ ਨੇ 22 ਸੋਨੇ 18 ਚਾਂਦੀ ਅਤੇ 26 ਤਾਂਬੇ ਜਿੱਤ ਕੇ ਆਪਣਾ ਆਪਣਾ ਸਕੂਲ ਦਾ ਅਤੇ ਆਪਣੇ ਮਾਂ ਬਾਪ ਦਾ ਨਾਮ ਰੌਸ਼ਨ ਕੀਤਾ। ਤਲਵਾੜ ਨੇ ਖਿਡਾਰੀਆਂ ਦੇ ਉਜਵਲ ਭਵਿੱਖ ਦੀ ਕਾਮਨਾ ਕਰਦੇ ਹੋਏ ਕਿਹਾ ਕਿ ਉਹ ਖਿਡਾਰੀਆਂ ਨੂੰ ਇਨਸਾਫ਼ ਦਿਵਾਉਣ ਲਈ ਹਰ ਲੜਾਈ ਲੜਨਗੇ ਇਸ ਮੌਕੇ ਕਿੱਕ ਬਾਕਸਿੰਗ ਐਸੋਸੀਏਸ਼ਨ ਜਰਨਲ ਸਕੱਤਰ ਛੀਨਾ ਬੇਦੀ ਵੀ ਮੌਜੂਦ ਸਨ ।