ਦਸੂਹਾ (ਚੌਧਰੀ) 

ਪ੍ਰਾਚੀਨ ਪਾਂਡਵ ਸਰੋਵਰ ਮੰਦਰ ਦੇ ਜਲ ਪ੍ਰਬੰਧਨ ਲਈ ਚੌਧਰੀ ਕੁਮਾਰ ਸੈਣੀ ਵੱਲੋਂ ਰਾਸ਼ੀ ਭੇਂਟ ਕੀਤੀ ਗਈ – ਰਵੀ ਸ਼ਿੰਗਾਰੀ

20 ਸਤੰਬਰ : ਪ੍ਰਾਚੀਨ ਪਾਂਡਵ ਸਰੋਵਰ ਦਸੂਹਾ ਦੇ ਫ਼ਰਸ਼ ਦਾ ਕੰਮ ਦਸੂਹਾ ਸ਼ਹਿਰ ਨਿਵਾਸੀਆਂ ਦੇ ਸਹਿਯੋਗ ਨਾਲ ਸਫਲਤਾ ਪੂਰਵਕ ਪੂਰਾ ਹੋ ਚੁੱਕਾ ਹੈ ਅਤੇ ਹੁਣ ਪ੍ਰਾਚੀਨ ਪਾਂਡਵ ਸਰੋਵਰ ਮੰਦਰ ਨਿਰਮਾਣ ਕਮੇਟੀ ਵੱਲੋਂ ਇਸ ਵਿੱਚ ਜਲ ਪ੍ਰਬੰਧਨ ਦਾ ਕੰਮ ਸ਼ੁਰੂ ਕੀਤਾ ਗਿਆ ਹੈ। ਇਸ ਜਲ ਪ੍ਰਬੰਧਨ ਵਿੱਚ ਸਹਿਯੋਗ ਕਰਦੇ ਹੋਏ ਚੌਧਰੀ ਕੁਮਾਰ ਸੈਣੀ, ਸਤੀਸ਼ ਕਾਲੀਆ ਟਰੱਸਟੀ ਲਕਸ਼ਮੀ ਨਰਾਇਣ ਮੰਦਰ ਵੱਲੋਂ 10,000 ਰੁਪਏ ਦੀ ਰਾਸ਼ੀ ਦਾ ਚੈੱਕ ਪਾਂਡਵ ਸਰੋਵਰ ਕਮੇਟੀ ਦੇ ਪ੍ਰਧਾਨ ਸ਼੍ਰੀ ਰਵੀ ਸ਼ਿੰਗਾਰੀ ਨੂੰ ਸੌਂਪਿਆ ਗਿਆ ਅਤੇ ਚੌਧਰੀ ਕੁਮਾਰ ਸੈਣੀ ਨੂੰ ਸਰੋਪਾ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਇਸ ਦੇ ਨਾਲ ਨਾਲ ਚੌਧਰੀ ਕੁਮਾਰ ਸੈਣੀ ਨੇ ਦੱਸਿਆ ਕਿ ਉਹਨਾ ਅਤੇ ਉਹਨਾਂ ਦੇ ਪਰਿਵਾਰ ਵੱਲੋਂ ਪਾਂਡਵ ਸਰੋਵਰ ਪਰਿਸਰ ਵਿੱਚ ਜੋ ਇਕ ਮੋਟਰ ਦਾ ਪ੍ਰਬੰਧ ਪਹਿਲਾ ਹੀ ਕੀਤਾ ਗਿਆ ਸੀ, ਉਸ ਨੂੰ ਸੋਲਰ ਮੋਟਰ ਵਿੱਚ ਤਬਦੀਲ ਕਰਨ ਲਈ 50,000 (ਪੰਜਾਹ ਹਜ਼ਾਰ) ਰੁਪਏ ਦੀ ਰਾਸ਼ੀ ਦਾ ਚੈੱਕ ਨਿਕਟ ਭਵਿੱਖ ਵਿੱਚ ਦੇ ਦਿੱਤਾ ਜਾਵੇਗਾ। ਇਸਦਾ ਧੰਨਵਾਦ ਕਰਦੇ ਹੋਏ ਸ਼੍ਰੀ ਰਵੀ ਸ਼ਿੰਗਾਰੀ ਪ੍ਰਧਾਨ ਸਨਾਤਨ ਧਰਮ ਸਭਾ ਦਸੂਹਾ ਨੇ ਕਿਹਾ ਕਿ ਸਰੋਵਰ ਵਿੱਚ ਪਾਣੀ ਦਾ ਪ੍ਰਬੰਧ ਕਰਨ ਲਈ ਹੋਰ ਨਗਰ ਵਾਸੀਆਂ ਨੂੰ ਵੀ ਸਹਿਯੋਗ ਦੇਣ ਲਈ ਅੱਗੇ ਆਉਣਾ ਚਾਹੀਦਾ ਹੈ। ਇਸ ਮੌਕੇ ਤੇ ਹੋਰਨਾਂ ਤੋਂ ਇਲਾਵਾ ਪ੍ਰਧਾਨ ਰਵੀ ਸ਼ਿੰਗਾਰੀ, ਸੱਕਤਰ ਸੁਰਿੰਦਰ ਮੋਹਨ ਘਿੰਗੜ, ਸਤੀਸ਼ ਕਾਲੀਆ, ਚੌਧਰੀ ਕੁਮਾਰ ਸੈਣੀ, ਪੰਡਿਤ ਤਰਦੀਪ ਮਿਸ਼ਰਾ ਅਤੇ ਪੰਡਿਤ ਦਿਨੇਸ਼ ਆਦਿ ਹਾਜ਼ਰ ਸਨ।