ਹਾਜੀਪੁਰ / ਦਸੂਹਾ (ਚੌਧਰੀ)
ਲੜਕੀ ਨੂੰ ਵਰਗਲਾ ਫੁਸਲਾ ਕਿਧਰੇ ਭਜਾ ਕੇ ਲੈ ਜਾਣ ਵਾਲੇ ਦੋਸ਼ੀ ਨੂੰ ਪੁਲਿਸ ਨੇ ਕੀਤਾ ਗ੍ਰਿਫਤਾਰ
30 ਅਗਸਤ : ਹਾਜੀਪੁਰ ਪੁਲਿਸ ਵਲੋਂ ਲੜਕੀ ਨੂੰ ਵਰਗਲਾ ਫੁਸਲਾ ਕਿਧਰੇ ਭਜਾ ਕੇ ਲੈ ਜਾਣ ਵਾਲੇ ਦੋਸ਼ੀ ਨੂੰ ਗ੍ਰਿਫਤਾਰ ਅਤੇ ਲੜਕੀ ਨੂੰ ਉਕਤ ਪਾਸੋਂ ਬ੍ਰਾਮਦ ਕੀਤਾ ਹੈ।
ਸਰਤਾਜ ਸਿੰਘ ਚਾਹਲ ਆਈ.ਪੀ.ਐਸ ਸੀਨੀਅਰ ਪੁਲਿਸ ਕਪਤਾਨ ਹੁਸ਼ਿਆਰਪੁਰ ਦੇ ਦਿਸ਼ਾ ਨਿਰਦੇਸ਼ਾ ਅਤੇ ਕੁਲਵਿੰਦਰ ਸਿੰਘ ਵਿਰਕ ਡੀ.ਐਸ.ਪੀ. ਸਬ ਡਵੀਜਨ ਮੁਕੇਰੀਆਂ ਦੀਆਂ ਹਦਾਇਤਾਂ ਅਨੁਸਾਰ ਇੰਸ: ਅਮਰਜੀਤ ਕੋਰ ਥਾਣਾ ਮੁੱਖੀ ਦੀ ਨਿਗਰਾਨੀ ਤਹਿਤ ਲੜਕੀ ਨੂੰ ਵਰਗਲਾ ਕੇ ਭਜਾ ਕੇ ਲੈ ਜਾਣ ਵਾਲਾ ਦੋਸ਼ੀ ਨੂੰ ਗ੍ਰਿਫਤਾਰ ਕੀਤਾ ਹੈ।
ਮਿਤੀ 12.06.2022 ਨੂੰ ਏ.ਐਸ.ਆਈ ਪਵਨ ਕੁਮਾਰ 994/ਹੁਸ਼ਿ ਸਮੇਤ ਪੁਲਿਸ ਪਾਰਟੀ ਦੇ ਗਸ਼ਤ ਦੇ ਸਬੰਧ ਵਿੱਚ ਅੱਡਾ ਰੈਲੀ ਮੋੜ ਮੌਜੂਦ ਸੀ ਤਾਂ ਮੁਹੰਮਦ ਤਾਹਿਰ ਨੇ ਸਮੇਤ ਰਾਮ ਗੋਪਾਲ ਜਮਾਦਾਰ ਦੇ ਮਲਾਕੀ ਹੋ ਕੇ ਆਪਣਾ ਬਿਆਨ ਤਹਿਰੀਰ ਕਰਵਾਇਆ ਕਿ ਉਸਦੀ ਲੜਕੀ ਨੂੰ ਅਕਬਰ ਪੁੱਤਰ ਕੱਲੂ ਵਾਸੀ ਨੋਗਾਉ ਸ਼ੀਤਲਾ ਮਾਤਾ ਰੋੜ ਥਾਣਾ ਕੰਪੂ ਜਿਲਾ ਗਵਾਲੀਅਰ ਸਟੇਟ ਮੱਧ ਪ੍ਰਦੇਸ਼ ਵਰਗਲਾ ਫੈਸਲਾ ਕੇ ਵਿਆਹ ਕਰਵਾਉਣ ਦੀ ਨੀਯਤ ਨਾਲ ਕਿਧਰੇ ਲੈ ਗਿਆ ਹੈ। ਜਿਸਤੇ ਮੁਕੱਦਮਾ ਨੰਬਰ 35 ਮਿਤੀ 12.06.2022 ਅ/ਧ 366 ਭ.ਦ ਥਾਣਾ ਹਾਜੀਪੁਰ ਦਰਜ ਰਜਿਸਟਰ ਕੀਤਾ ਗਿਆ ਸੀ। ਦੋਰਾਨੇ ਤਫਤੀਸ਼ ਮਿਤੀ 29.08.2022 ਨੂੰ ਏ ਐਸ ਆਈ ਰਾਕੇਸ਼ ਕੁਮਾਰ ਨੇ ਦੋਸ਼ੀ ਅਕਬਰ ਉਕਤ ਨੂੰ ਹਸਬ ਜਾਬਤਾ ਅਨੁਸਾਰ ਗ੍ਰਿਫਤਾਰ ਕੀਤਾ ਅਤੇ ਲੜਕੀ ਨੂੰ ਉਕਤ ਪਾਸੋਂ ਬ੍ਰਾਮਦ ਕੀਤਾ ਅਤੇ ਵਾਰਿਸਾਂ ਹਵਾਲੇ ਕੀਤਾ ਗਿਆ।
