ਗੜ੍ਹਦੀਵਾਲਾ (ਚੌਧਰੀ) 

ਬਾਬਾ ਦੀਪ ਸਿੰਘ ਸੇਵਾ ਦਲ ਅਤੇ ਵੈਲਫੇਅਰ ਗੜ੍ਹਦੀਵਾਲਾ ਨੇ ਹਸਪਤਾਲ ਪਹੁੰਚ ਕੇ ਭੈਣ ਬਾਨੋ ਦਾ ਹਾਲਚਾਲ ਜਾਣਿਆ 

27 ਅਗਸਤ : ਸੋਸਲ ਮੀਡੀਆ ਤੇ ਬਹੁਤ ਤੇਜੀ ਨਾਲ ਪਿਛਲੇ ਦਿਨੀਂ ਵਾਇਰਲ ਹੋਈ ਵੀਡੀਓ ਵਿੱਚ ਜਿਸ ਭੈਣ ਨਾਲ ਉਸਦੇ ਪਤੀ ਅਤੇ ਉਸਦੀ ਸੱਸ ਨਾਲ ਬੁਰੀ ਤਰ੍ਹਾਂ ਕੁੱਟ ਮਾਰ ਕੀਤੀ ਗਈ ਸੀ ।ਅੱਜ ਬਾਬਾ ਦੀਪ ਸਿੰਘ ਸੇਵਾ ਦਲ ਐਂਡ ਵੈਲਫੇਅਰ ਸੁਸਾਇਟੀ ਗੜ੍ਹਦੀਵਾਲਾ ਉਸ ਭੈਣ ਬਾਨੋ ਦੀ ਖਬਰ ਸਾਰ ਲੈਣ ਲਈ ਪਠਾਨਕੋਟ ਵਿਖੇ ਉਸ ਹਸਪਤਾਲ ਵਿੱਚ ਪਹੁੰਚੀ ਜਿੱਥੇ ਬਾਨੋ ਭੈਣ ਨੂੰ ਦਾਖਿਲ ਕਰਵਾਇਆ ਗਿਆ ਹੈ ।ਇਸ ਮੌਕੇ ਜਾਣਕਾਰੀ ਦਿੰਦਿਆਂ ਸੋਸਾਇਟੀ ਦੇ ਮੁੱਖ ਸੇਵਾਦਾਰ ਮਨਜੋਤ ਸਿੰਘ ਤਲਵੰਡੀ ਨੇ ਕਿਹਾ ਕਿ ਪਿੰਡ ਰੰਗਰੇਟਾ ਜਿਲ੍ਹਾ ਪਠਾਨਕੋਟ ਦੀ ਰਹਿਣਵਾਲੀ ਇਸ ਭੈਣ ਦਾ ਨਾਮ ਬਾਨੋ ਹੈ ।ਇਸ ਭੈਣ ਦੀ ਕੁੱਟ ਮਾਰ ਕਰਨ ਦੇ ਦੋਸ ਵਿੱਚ ਇਸਦਾ ਪਤੀ ਅਤੇ ਸੱਸ ਜੇਲ੍ਹ ਵਿੱਚ ਹਨ ।ਇਸ ਮੌਕੇ ਉਹਨਾਂ ਨੇ ਭੈਣ ਬਾਨੋ ਤੇ ਉਸਦੇ ਪਰਿਵਾਰ ਨੂੰ ਹਰ ਸੰਭਵ ਮਦਦ ਦੇਣ ਦਾ ਭਰੋਸਾ ਦਿੱਤਾ।ਇਸ ਮੌਕੇ ਮਨਜੋਤ ਸਿੰਘ ਤਲਵੰਡੀ, ਕੈਸ਼ੀਅਰ ਪਰਸੋਤਮ ਸਿੰਘ,ਐਡਵੋਕੇਟ ਗੁਰਵੀਰ ਸਿੰਘ ਚੌਟਾਲਾ ਗੁਰਵਿੰਦਰ ਸਿੰਘ ਅਤੇ ਹੋਰ ਮੈਂਬਰ ਹਾਜਿਰ ਸਨ।