ਏ ਟੀ ਐੱਮ ਦੇ ਕੈਮਰੇ ਅਤੇ ਸ਼ਟਰ ਤੋੜਨ ਤੇ 4 ਅਣਪਛਾਤੇ ਵਿਅਕਤੀਆਂ ਤੇ ਮਾਮਲਾ ਦਰਜ 

ਗੜਸ਼ੰਕਰ 29 ਮਾਰਚ (ਅਸ਼ਵਨੀ ਸ਼ਰਮਾ) ਏ ਟੀ ਐੱਮ ਦੇ ਕੈਮਰੇ ਅਤੇ ਸ਼ਟਰ ਤੋੜਨ ਤੇ ਗੜ੍ਹਸ਼ੰਕਰ ਪੁਲਿਸ ਵਲੋਂ 4 ਅਣਪਛਾਤੇ ਵਿਅਕਤੀਆਂ ਦੇ ਖਿਲਾਫ ਮਾਮਲਾ ਦਰਜ ਕੀਤਾ ਹੈ।

ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿਚ ਮਨਜੀਤ ਸਿੰਘ ਪੁੱਤਰ ਸਿੰਘ ਵਾਸੀ ਪਿੰਡ ਸਾਰੰਗੋਵਾਲ ਥਾਣਾ ਚੱਬੇਵਾਲ ਜਿਲਾ ਹੁਸ਼ਿਆਰਪੁਰ ( ਉਮਰ ਕਰੀਬ 37 ਸਾਲ) ਨੇ ਕਿਹਾ ਕਿ ਉਹ ਬਤੌਰ ਬੈਂਕ ਮੈਨੇਜਰ ਪੰਜਾਬ ਐਂਡ ਸਿੰਧ ਬੈਕ ਸਤਨੌਰ ਵਿਖੇ ਡਿਊਟੀ ਕਰਦਾ ਹੈ । ਮਿਤੀ 28-03-22 ਵਕਤ ਰਾਤ 12:52 ਵਜੇ ਸੁਭਾ ਚਾਰ ਅਣਪਛਾਤੇ ਵਿਅਕਤੀ ਉਹਨਾ ਦੇ ਬੈਂਕ ਦੇ ਏ.ਟੀ.ਐਮ ਤੇ ਆਏ ਜਿਨਾ ਦੇ ਮੂੰਹ ਬੰਨੇ ਹੋਏ ਸੀ ਜਿਹਨਾ ਨੇ ਆਉਂਦੇ ਸਾਰ ਹੀ ਪਹਿਲਾ ਕੈਮਰਿਆ ਦੀ ਭੰਨ ਤੋੜ ਕੀਤੀ ਤੇ ਫਿਰ ਏ.ਟੀ.ਐਮ ਦਾ ਸ਼ਟਰ ਤੋੜ ਕੇ ਏ.ਟੀ.ਐਮ ਮਸ਼ੀਨ ਦੀ ਭੰਨ ਤੋੜ ਕੀਤੀ ਹੈ ਜਿਨਾ ਕੋਲੋ ਕੈਸ਼ ਵਾਲਾ ਲਾਕਰ ਨਹੀ ਖੁੱਲਿਆ ਪਰ ਮਸ਼ੀਨ ਦੀ ਸਾਰੀ ਭੰਨ ਤੋੜ ਕਰ ਦਿੱਤੀ ਹੈ ਜਿਸ ਤੇ ਨਾ ਮਲੂਮ ਵਿਅਕਤੀਆਂ ਖਿਲਾਫ ਮੁਕੱਦਮਾ ਦਰਜ ਕੀਤਾ ਗਿਆ।