ਗੁਰਦਾਸਪੁਰ 4 ਫ਼ਰਵਰੀ ( ਅਸ਼ਵਨੀ ) : ਕਨੇਡਾ ਭੇਜਣ ਦੇ ਨਾ ਤੇ 18 ਲੱਖ ਤੋ ਵੱਧ ਰੁਪਏ ਦੀ ਠੱਗੀ ਮਾਰਨ ਦੇ ਦੋਸ਼ ਵਿੱਚ ਪੁਲਿਸ ਸਟੇਸ਼ਨ ਸਦਰ ਗੁਰਦਾਸਪੁਰ ਦੀ ਪੁਲਿਸ ਵੱਲੋਂ ਦੋ ਔਰਤਾਂ ਸਮੇਤ ਚਾਰ ਵਿਰੁੱਧ ਮਾਮਲਾ ਦਰਜ ਕੀਤਾ ਗਿਆ ਹੈ । ਰਮਨ ਮਸੀਹ ਪੁੱਤਰ ਰਫ਼ੀਕ ਮਸੀਹ ਵਾਸੀ ਲੰਗਾਹ ਜੱਟਾ ਨੇ ਪੁਲਿਸ ਨੂੰ ਕੀਤੀ ਸ਼ਿਕਾਇਤ ਰਾਹੀਂ ਦਸਿਆਂ ਕਿ ਪ੍ਰੇਮ ਪਟੇਲ ਪੁੱਤਰ ਮੰਗੀ ਲਾਲ , ਅੰਜੂ ਪਟੇਲ ਪਤਨੀ ਪ੍ਰੇਮ ਪਟੇਲ , ਆਸ਼ਿਸ ਪੁੱਤਰ ਰੋਬਟ ਅਤੇ ਰੋਜਲੀਨ ਪਤਨੀ ਆਸ਼ਿਸ ਵਾਸੀਆਨ ਜਲੰਧਰ ਵੱਲੋਂ ਉਸ ਨੂੰ ਕਨੇਡਾ ਭੇਜਣ ਲਈ 18 ਲੱਖ 4 ਹਜ਼ਾਰ 2 ਸੌ 72 ਰੁਪਏ ਲਏ ਸਨ ਪਰ ਉਕਤ ਵੱਲੋਂ ਨਾ ਤਾਂ ਉਸ ਨੂੰ ਕਨੇਡਾ ਭੇਜਿਆ ਅਤੇ ਨਾ ਹੀ ਲਏ ਹੋਏ ਪੇਸੇ ਵਾਪਿਸ ਕੀਤੇ ਸਗੋਂ ਪੇਸੇ ਵਾਪਿਸ ਮੰਗਣ ਤੇ ਉਸ ਨੂੰ ਧਮਕੀਆਂ ਦਿੰਦੇ ਹਨ । ਸਹਾਇਕ ਸਬ ਇੰਸਪੈਕਟਰ ਕੁਲਦੀਪ ਸਿੰਘ ਪੁਲਿਸ ਸਟੇਸ਼ਨ ਸਦਰ ਗੁਰਦਾਸਪੁਰ ਨੇ ਦਸਿਆਂ ਕਿ ਰੋਮਨ ਮਸੀਹ ਵੱਲੋਂ ਕੀਤੀ ਸ਼ਿਕਾਇਤ ਦੀ ਜਾਂਚ ਉਪ ਪੁਲਿਸ ਕਪਤਾਨ ਸਿਟੀ ਗੁਰਦਾਸਪੁਰ ਵੱਲੋਂ ਕਰਨ ਉਪਰਾਂਤ ਉਕਤ ਚਾਰਾਂ ਵਿਰੁੱਧ ਧਾਰਾ 420 ਅਤੇ 506 ਅਧੀਨ ਮਾਮਲਾ ਦਰਜ ਕਰਕੇ ਅੱਗੇ ਕਾਰਵਾਈ ਕੀਤੀ ਜਾ ਰਹੀ ਹੈ ।