ਗੜ੍ਹਦੀਵਾਲਾ 22 ਜਨਵਰੀ (ਚੌਧਰੀ / ਯੋਗੇਸ਼ ਗੁਪਤਾ / ਪ੍ਰਦੀਪ ਸ਼ਰਮਾ ) : ਸਥਾਨਕ ਪੁਲਿਸ ਨੇ 12 ਬੋਤਲਾਂ ਨਜਾਇਜ ਸ਼ਰਾਬ ਸਣੇ ਇਕ ਵਿਅਕਤੀ ਨੂੰ ਗ੍ਰਿਫਤਾਰ ਕਰ ਦਾਅਵਾ ਕੀਤਾ ਹੈ। ਮੁਲਜ਼ਮ ਦੀ ਪਛਾਣ ਬਲਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਵਾਸੀ ਜੀਆ ਸਹੋਤਾ ਖੁਰਦ ਥਾਣਾ ਗੜਦੀਵਾਲਾ ਜਿਲਾ ਹੁਸ਼ਿਆਰਪੁਰ ਵਜੋਂ ਹੋਈ ਹੈ।

ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਹੋਇਆਂ ਥਾਣਾ ਮੁਖੀ ਗੜਦੀਵਾਲਾ ਬਲਵਿੰਦਰ ਸਿੰਘ ਨੇ ਦੱਸਿਆ ਕਿ ਏ ਐਸ ਆਈ ਸਤਪਾਲ ਸਿੰਘ, ਏ ਐਸ ਆਈ ਦਿਲਦਾਰ ਸਿੰਘ  ਬਾ ਸਵਾਰੀ ਪ੍ਰਾਈਵੇਟ ਵਹੀਕਲਾਂ ਦਾ ਸਿਲਸਿਲਾ ਇਲਾਕਾ ਗਸ਼ਤ ਬਾ ਤਲਾਸ ਸ਼ੱਕੀ ਭੈਡੇ ਪੁਰਸ਼ਾਂ ਦੇ ਸਬੰਧ ਵਿਚ ਪਿੰਡ ਜੀਆ ਸਹੋਤਾ ਕਲਾਂ,ਥਿੰਦਾ ਚਿਪੜਾ, ਅੰਬਾਲਾ ਜੱਟਾ,ਜੌਹਲਾਂ ਆਦਿ ਨੂੰ ਜਾ ਰਹੇ ਸੀ ਤਾਂ ਜਦੋਂ ਪੁਲਿਸ ਪਾਰਟੀ ਅੱਡਾ ਟਾਹਲੀ ਮੋੜ ਪੁੱਜੀ ਤਾਂ ਐਕਸਾਈਜ਼ ਇੰਸਪੈਕਟਰ  ਮਨਜੀਤ ਕੌਰ ਸਮੇਤ ਸੀਨੀਅਰ ਕਾਸਟੇਬਲ ਬਲਵਿੰਦਰ ਸਿੰਘ ਨਾਲ ਮੁਲਾਕਾਤ ਹੋਈ ।ਜਿੱਥੇ ਐਕਸਾਈਜ਼ ਇੰਸਪੈਕਟਰ ਨੂੰ ਮੁਖਬਰ ਖਾਸ ਨੇ ਇਤਲਾਹ ਦਿੱਤੀ ਕਿ ਜੀਆ ਸਹੋਤਾ ਖੁਰਦ ਦਾ ਬਲਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਜਿਸ ਨੇ ਆਪਣੇ ਘਰ ਵਿੱਚ ਭਾਰੀ ਮਾਰਤਾ ਵਿੱਚ ਸ਼ਰਾਬ ਇਕੱਠੀ ਕੀਤੀ ਹੈ। ਜਿਸ ਦੇ ਘਰ ਜੇਕਰ ਹੁਣੇ ਰੇਡ ਕੀਤਾ ਜਾਵੇ ਤਾਂ ਬਲਜੀਤ ਸਿੰਘ ਉਕਤ ਭਾਰੀ ਸ਼ਰਾਬ ਸਮੇਤ ਕਾਬੂ ਆ ਸਕਦਾ ਹੈ।ਐਕਸਾਈਜ਼ ਇੰਸਪੈਕਟਰ ਅਤੇ ਸਾਥੀ ਕਰਮਚਾਰੀਆਂ  ਮੁਖਬਰ ਖਾਸ ਵੱਲੋਂ ਦੱਸੀ ਜਗ੍ਹਾਂ ਪਰ ਪੁੱਜੇ ਤਾਂ ਘਰ ਵਿੱਚ ਬਲਜੀਤ ਸਿੰਘ ਪੁੱਤਰ ਕਰਨੈਲ ਸਿੰਘ ਮੌਜੂਦ ਸੀ। ਜਿਸ ਦੇ ਘਰ ਦੀ ਤਲਾਸੀ ਕਰਨ ਤੇ ਘਰ ਦੇ ਸਟੋਰ ਵਿੱਚ ਇੱਕ ਵਜਨਦਾਰ ਬੋਰਾ ਪਲਾਸਟਿਕ ਬਰਾਮਦ ਹੋਇਆ।ਬੋਰਾ ਪਲਾਸਟਿਕ ਦਾ ਮੂੰਹ ਖੋਲ ਕੇ ਚੈੱਕ ਕੀਤਾ ਤਾਂ ਵਿੱਚ ਸ਼ਰਾਬ ਮਾਰਕਾ 1965 Reserve XXX ਰਮ ਬਰਾਮਦ ਹੋਈ ਤੇ ਹਰੇਕ ਬੋਤਲ ਪਰ ਫਾਰ ਸੇਲ ਇੰਨ ਪੰਜਾਬ ਓਨਲੀ ਲਿਖਿਆ ਹੈ। ਜਿਹਨਾਂ ਦੀ ਗਿਣਤੀ ਕਰਨ ਤੋਂ 12 ਬੋਤਲਾਂ ਹਰੇਕ ਬੋਤਲ 750 / 750 ML ਹੋਈ। ਪੁਲਿਸ ਨੇ ਮੁਲਜ਼ਮ ਬਲਜੀਤ ਸਿੰਘ ਦੇ ਘਰ ਚੋਂ ਕੁੱਲ 12 ਬੋਤਲਾਂ (9000 ਐਮ ਐਲ) ਸ਼ਰਾਬ ਬਰਾਮਦ ਕਰਕੇ ਜ਼ੁਰਮ 61-1-14 ਐਕਸਾਈਜ਼ ਅਟੈਕ ਅਧੀਨ ਮਾਮਲਾ ਦਰਜ ਕਰਕੇ ਅਗਲੇਰੀ ਕਾਰਵਾਈ ਸ਼ੁਰੂ ਕਰ ਦਿੱਤੀ ਹੈ।