ਦਸੂਹਾ 16 ਅਗਸਤ (ਚੌਧਰੀ) 

: 4/5 ਮੋਟਰਸਾਈਕਲ ਸਵਾਰਾਂ ਵਲੋਂ ਕਾਰ ਸਵਾਰ ਲੋਕਾਂ ਤੋਂ ਸੋਨੇ ਦੇ ਗਹਿਣੇ ਤੇ 80 ਹਜਾਰ ਰੁਪਏ ਦੀ ਨਕਦੀ ਖੋਹ ਕੇ ਫਰਾਰ ਹੋ ਜਾਣ ਤੇ ਦਸੂਹਾ ਪੁਲਿਸ ਨੇ ਇੱਕ ਨੌਜਵਾਨ ਤੇ 4/5 ਅਣਪਛਾਤੇ ਲੋਕਾਂ ਤੇ ਮਾਮਲਾ ਦਰਜ ਕੀਤਾ ਹੈ।

ਦਸੂਹਾ ਪੁਲਿਸ ਨੂੰ ਦਿੱਤੇ ਬਿਆਨਾਂ ਵਿੱਚ ਪੂਜਾ ਦੇਵੀ ਪਤਨੀ ਸੰਜੀਵ ਕੁਮਾਰ ਵਾਸੀ ਸਹਿਗੇ ਥਾਣਾ ਦਸੂਹਾ ਜਿਲਾ ਹੁਸਿਆਰਪੁਰ ਨੇ ਕਿਹਾ ਕਿ ਮਿਤੀ 13-8-24 ਨੂੰ ਮੈਂ ਆਪਣੇ ਪਤੀ ਸੰਜੀਵ ਕੁਮਾਰ ਅਤੇ ਦਰਾਣੀ ਰਵਨੀਤ ਕੌਰ ਆਪਣੀ ਕਾਰ ਨੰਬਰ PB 07 CC-8086 ਐਚ ਡੀ ਐਫ ਸੀ ਬੈਂਕ ਦਸੂਹਾ ਆਈ ਸੀ। ਬੈਂਕ ਵਿਚੋਂ ਸੱਸ ਦੇ ਗਹਿਣੇ ਅਤੇ 80 ਹਜਾਰ ਰੁਪਏ ਕਢਵਾਏ ਤੇ ਫਿਰ ਗੱਡੀ ਚ ਸਵਾਰ ਹੋ ਕੇ ਵਾਇਆ ਛਾਂਗਲਾ ਆਪਣੇ ਪਿੰਡ ਨੂੰ ਜਾ ਰਹੇ ਸੀ। ਵਕਤ ਕਰੀਬ 2-50 PM ਹੋਵੇਗਾ ਤਾਂ ਜਦੋਂ ਪਾਣੀ ਵਾਲੇ ਚੌਅ ਪਿੰਡ ਮੱਹਦੀਪੁਰ ਨਜਦੀਕ ਪਹੁੰਚੇ ਤਾਂ ਦੋ ਮੋਟਰ ਸਾਈਕਲ ਖੜੇ ਸਨ। ਗੱਡੀ ਰੋਕ ਲਈ ਸਾਇਡਾ ਤੋਂ 4-5 ਵਿਆਕਤੀ ਜਿਹਨਾ ਨੇ ਮੁੰਹ ਬੰਨੇ ਸੀ, ਹੱਥ ਵਿੱਚ ਦਾਤਰ ਸਨ। ਜਿਹਨਾ ਨੇ ਗੱਡੀ ਦੇ ਸੀਸੇ ਪਰ ਦਾਤਰ ਮਾਰਿਆ ਗੱਡੀ ਦੀ ਬਾਰੀ ਖੋਲ ਕੇ ਮੇਰੇ ਹੱਥ ਵਿੱਚ ਫੜਿਆ ਪਰਸ ਜਿਸ ਵਿੱਚ ਗਹਿਣੇ ਤੇ ਪੈਸੇ ਖੋਹ ਲਿਆ ਅਤੇ ਮੇਰੇ ਪਤੀ ਦਾ ਮੋਬਾਇਲ ਵੀ ਖੋਹ ਲਿਆ ਤੇ ਆਪਣੇ ਮੋਟਰਸਾਈਕਲਾਂ ਤੇ ਸਵਾਰ ਹੋ ਕੇ ਭੱਜਣ ਲਗੇ। ਜਿਹਨਾ ਵਿਚੋ ਇਕ ਦੋਸੀ ਦੇ ਮੂੰਹ ਤੋਂ ਕਪੜਾ ਹੱਟ ਗਿਆ ਤੇ ਜਿਸ ਨੂੰ ਉਸ ਨੇ ਪਹਿਚਾਣ ਲਿਆ। ਜਿਸ ਦਾ ਨਾਮ ਸਾਹਿਲ ਪੁੱਤਰ ਸਲੀਮ ਵਾਸੀ ਨਰਾਇਣਗੜ ਥਾਣਾ ਦਸੂਹਾ ਜਿਲਾ ਹੁਸਿਆਰਪੁਰ ਦਸਿਆ। ਜਿਸ ਤੇ ਮੁਕੱਦਮਾਂ ਦਰਜ ਕੀਤਾ ਗਿਆ ।